स्मिथले छोडे राजस्थान रोयल्सको कप्तानी, यी खेलाडी बन्नेछन् कप्तान



  • विकेटनेपाल – १२ चैत्र, सोमबार

बल टेम्परिंगका कारण लगातार आलोचनाको केन्द्र बन्दै गएका अष्ट्रेलियाका स्टिभ स्मिथले ठूलो निर्णय लिएका छन्। इण्डियन प्रिमियर लिग (आईपिएल) मा राजस्थान रोयल्सको कप्तानमा नियुक्त भएका स्मिथले सो पदमा आफु नरहने घोषणा गरेका छन्।

दक्षिण अफ्रिका बिरुद्दको तेस्रो टेस्टमा बल टेम्परिंगको प्रकरणमा मुछिएपछि स्मिथलाई अन्तर्राष्ट्रिय क्रिकेट परिषद (आईसीसी) ले खेलको भावना बिपरित कार्य गरेको भन्दै १ खेलबाट प्रतिबन्ध लगाउनका साथै उनको शतप्रतिशत म्याच फि काट्ने निर्णय लिएको थियो।

के भएको थियो बल टेम्परिंगको घटनामा ? – बिस्तृतमा पढ्नुहोस्

आईसीसीको निर्णय आउनु अघिनै जारि टेस्टबाटै कप्तान स्मिथ आफ्नो पदबाट राजीनामा दिईसकेका थिए। यस शनिवार दिउसो अष्ट्रेलिया सरकारले स्टिभ स्मिथलाई कप्तानको पदबाट हटाउन समेत आदेश दिएको थियो। अष्ट्रेलियाका प्रधानमन्त्री माल्कोल्म टर्नबुलले कंगारु क्रिकेट टोलिका बर्तमान कप्तान स्टिभ स्मिथलाई कप्तानीबाट हटाउन आदेश दिएका थिए।

स्टिभ स्मिथले राजस्थान रोयल्सको कप्तानीबाट हट्ने निर्णय लिएसंगै राजस्थानले अजिंक्या रहाणेलाई नयाँ कप्तानमा नियुक्त गरेको छ। राजस्थानका क्रिकेट प्रमुख जुबिन भरुचाले जारीगरेको प्रेस विज्ञप्तिमा जनाइए अनुसार स्टिभ स्मिथले आफैं कप्तानबाट हट्ने निर्णय लिएका हुन्। भरुचाले भने, “दक्षिण अफ्रिकामा जुन घटना घट्यो त्यसले सारा क्रिकेट दुनियाँलाईनै असर गरेको छ। हामी बिसिसिआईसंग लगातार सम्पर्कमा छौं र बिसिसिआईको सल्लाह स्वरूप नै यो निर्णय लिएका हौँ।

Ajinkya Rahane

सन् २०११ मा राहणेलाई राजस्थान रोयल्सले अनुबन्धित गरेको थियो। त्यसयता उनि राजस्थानको महत्वपूर्ण खेलाडी रहँदै आएका छन्। सन् २०१६ र २०१७ को सिजनमा भने राजस्थान रोयल्स निलम्बित भएपछि राहणेले राइजिंग पुने सुपर्जाइन्टसको टोलीबाट खेलेका थिए। यसपटकको अक्सनमा उनलाई राजस्थानको टोलिले भारतीय रुपैयाँ ४ करोडमा राइट टु म्याच कार्डको प्रयोग गर्दै अनुबन्धित गरेको थियो।

के भएको थियो ?

दक्षिण अफ्रिका बिरुद्द जारी तेस्रो टेस्टको तेस्रो दिनमा अष्ट्रेलियाका ओपनर ब्याट्सम्यान क्यामरुन ब्यान्क्रफ्ट बल टेम्परिंग गर्दै गर्दा क्यामरामा कैद भएका थिए। पहेंलो रंगको टेप प्रयोग गरेर बललाई क्षति पुर्याएको अवस्थामा ब्यान्क्रफ्ट क्यामरामा कैद भएका थिए। आफ्नो हर्कत स्क्रिनमा कैद भएपछि ब्यान्क्रफ्टले उक्त टेप गोजीभित्र बाट झिकेर ट्राउजरभित्र लुकाएका थिए। उक्त टेप ब्यान्क्रफ्टले हातमा उल्टो टाँसेका थिए। टेपको टाँसिने भाग उनि पिचमा दलेपछि खस्रो भएको टेपले बलको एउटा भागलाई रगड्थे।त्यसो गर्दा बलको एउटा भाग खश्रो भइ बलले रिभर्स स्विंग प्राप्त गर्न सक्थ्यो।

फोटोहरु : Sports.ndtv





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]