एसेज : रोमान्चक बन्दै पहिलो टेस्ट, इंग्ल्याण्डको लागि स्मिथ पुनः तगारो



एसेज सिरिज र आईसीसी टेस्ट च्याम्पियनसिप अन्तर्गत पहिलो टेस्ट रोमान्चक मोडमा पुगेको छ।

एजब्यासटनमा जारि टेस्टको पहिलो इनिंगमा भ्रमण टोलि अस्ट्रेलियाले २८४ र बनाएपछि ब्याटिंग गरेको इंग्ल्याण्डले ३७४ रन बनाउदै ९० रनको पहिलो इनिंगको अग्रता लिएको थियो। त्यसपछि दोश्रो इनिंगमा ब्याटिंग गर्न उत्रेको अस्ट्रेलियाले ३ विकेट गुमाएर १२४ रन बनाउदै ३४ रनको अग्रता लिएको छ।

ओपनर क्यामरन ब्यानक्रफ्ट र डेभिड वार्नर क्रमशः ७ र ८ रन बनाएर आउट भएपछि उस्मान ख्वाजा र स्टिभ स्मिथले तेश्रो विकेटको लागि ४८ रनको साझेदारी गरे। खवाजा ४० रन बनाएर स्टोक्सबाट क्याच आउट हुन पुगे। त्यसपछि स्मिथले ट्राभिस हेडसंग अविजित ४९ रनको साझेदारी गर्दै अस्ट्रेलियालाई अग्रता दिलाए।

तेश्रो दिनको खेल समाप्तिसम्म अस्ट्रेलियाले ३१ ओभरमा ३ विकेट गुमाएर १२४ रन बनाएको छ र ३४ रनको अग्रता लिएको छ। स्मिथ ६१ बलमा ३ चौका मदतले ४६ तथा हेड ३९ बलमा २ चौका मदतले २१ रन बनाएर क्रिजमा रहेका छन्। पहिलो इनिंगमा पनि स्मिथले अस्ट्रेलिया १२२/८ को खराब अवस्थामा रहंदा १४४ रन बनाएका थिए।

इंग्ल्याण्ड बलार स्टुवार्ट ब्रड ( ६-०-२६-१ ) , मोइन अलि ( ९-०-४७-१ ) र बेन स्टोक्स ( ७-२-१८-१ ) ले १/१ विकेट लिएका छन्। ब्यानक्रफ्टलाई अलिले, वार्नरलाई ब्रडले तथा ख्वाजालाई स्टोक्सले आउट गरे।

इंग्ल्याण्डको इनिंग 

अस्ट्रेलिया पहिलो इनिंगमा २८४ रनमा समेटिन पुगेपछि पहिलो दिननै इनिंग सुरुवात गरेको इंग्ल्याण्डले तेश्रो दिन चिया सत्र अघि ३७४ रनमा सबै विकेट गुमाएको हो। दोश्रो दिनको समाप्तिमा २६७/४ को स्थितिमा रहेको अस्ट्रेलियाले थप १०७ रन जोड्दा बाँकी ६ विकेट गुमाउन पुग्यो।

इंग्ल्याण्डको लागि ओपनर रोरी बर्नसले करियरकै पहिलो शतक बनाउने क्रममा सर्वाधिक १३३ रन बनाएका थिए।

३०० रनमा ८ विकेट गुमाएको अवस्थामा स्टुवार्ट ब्रोड र क्रिस वोक्सले नवौं विकेटको लागि ६५ रनको साझेदारी गर्दै अग्रता बढाएका थिए। २९ रन बनाएका ब्रोडलाई प्याट कमिन्सले क्याच आउट गराउदै साझेदारी तोडेका थिए। वोक्स ३७ रनमा अविजित रहे। त्यस अघि इंग्ल्याण्ड कप्तान जो रुटले ५७ तथा बेन स्टोक्सले ५० रन बनाएका थिए।

अस्ट्रेलियाको बलिंगमा नाथन लायन ( ४३.५-८-११२-३ ) , प्याट कमिन्स ( ३३-९-८४-३ ) ले ३/३ तथा जेम्स प्याटीन्सन ( २७-३-८२-२ ) र पिटर सिडल ( २७-८-५२-२ ) ले २/२ विकेट लिए।

अस्ट्रेलियाको ब्याटिंग 

यस अघि पहिले इनिंगमा ब्याटिंग गरेको अस्ट्रेलियाले २८४ रनमा सबै विकेट गुमाएको थियो। १२२/८ को नाजुक अवस्थाबाट अस्ट्रेलियालाई स्टिभ स्मिथले शतक बनाउदै उकासेका थिए। स्मिथले १४४ रन बनाएका थिए जुन क्रममा २१९ बलमा १६ चौका र २ छक्का प्रहार गरेका थिए। पिटर सिडालले ४४ र ट्रेभिस हेडले ३५ रन बनाएका थिए। इंग्ल्याण्ड बलर स्टुवार्ट ब्रोडले ५ ( २४.४-४-८६-५ ) तथा क्रिस वोक्सले ( २१-२-५८-३ )  ३ विकेट लिएका थिए।

तेश्रो दिनको समाप्तिमा टेस्ट समरी 

अस्ट्रेलिया पहिलो इनिंग : २८४ (  स्टिभ स्मिथ १४४, स्टुवार्ट ब्रोड ५/८६ ) इंग्ल्याण्ड पहिलो इनिंग : ३७४ ( रोरी बर्नस १३३ , कमिन्स ३/८४ , लायन ३/११२ ) अस्ट्रेलियाको दोश्रो इनिंग : १२४/३ ( स्टिभ स्मिथ ४६* , उस्मान ख्वाजा ४० , स्टोक्स १/१८ )





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]