मोन्टरियल बिरुद्ध सन्दिपको राम्रो कम्ब्याक, विन्नीपेगलाई पछि पार्दै चौथो भयो टोरोन्टो



ग्लोबल टि-२० लिग क्यानडा अन्तर्गत आफ्नो पाँचौ खेलमा सन्दिप लामिछानेको टिम टोरोन्टो नेसनल्सले दोश्रो जित हाँसिल गरेको छ।

सोमबार बिहान सम्पन्न खेलमा मोन्टरियल टाइगर्सलाई ४ विकेटले पराजित गरेपछि टोरोन्टो अंकतालिकाको चौथो स्थानमा उक्लेको छ। सोमपाल कामिको टिम विन्नीपेग हक्सको पनि ५ खेलमा २ जित र ३ हार रहेता पनि नेट रन रेटको आधारमा टोरोन्टो माथि रहेको छ।

सबै टिमले ५/५ वटा खेल खेलेपछि ग्लोबल टि-२० लिगको लिग चरणको खेलहरु सकिएको छ र अब प्लेअफ चरणको खेलहरु मंगलबार देखि सुरु हुनेछ।

अब प्रतियोगिताको दोश्रो चरणको खेलमा अंकतालिकाको शिर्षस्थानमा रहेको ब्राम्पटनले छैठौं स्थानको टिम एडमोन्टन रोयल्ससंग, दोश्रो स्थानको टिम भानकुभर नाइट्सले पाँचौ स्थानको टिम विन्नीपेग हक्ससंग तथा तेश्रो स्थानमा रहेको टिम मोन्टरियल टाइगर्सले चौथो स्थानको टिम टोरोन्टो नेसनल्ससंग खेल्नेछ। ३ वटा खेल सम्पन्न भएपछि अंकतालिकामा उत्कृस्ट ४ टिम प्ले-अफ चरण प्रवेश गर्नेछ।

अब सोमपालको टिम विन्नीपेगले भोलि मंगलबार राति २:१५ बजे भानकुभरसंग र टोरोन्टोले  बुधबार राति १०:१५ बजे मोन्टरियलसंग खेल्नेछ।

सन्दिपको राम्रो कमब्याक 

पहिलो खेलमा १ विकेट लिए पनि महँगो सावित भएका नेपाली स्पिनर सन्दिप लामिछानेले दोश्रो खेलमा भने राम्रो कमब्याक गरे। सन्दिपले ब्राम्पटन बिरुद्ध ४४ रन खर्चेर १ विकेट लिएका थिए जुन उनले अन्तर्राष्ट्रिय टि-२० लिगमा गरेको महँगो मध्येको स्पेल थियो।

टोरोन्टोले टस जितेर बलिंग रोजेपछि ब्याटिंग गरेको मोन्टरियल टाइगर्सले २० ओभरमा ९ विकेट गुमाएर मात्र १३६ रन बनाउन सक्यो। उसको लागि कायल कोट्जरले सर्वाधिक २६ रन बनाए। दिनेश चण्डीमाल ५, जर्ज बेली १५, थिसरा परेरा १७ रन बनाएर आउट भए।

टोरोन्टोको बलिंगमा क्रिस ग्रिन र सलमान नजरले २/२ विकेट लिए। सन्दिप लामिछाने, जेरेमी गोर्डन र मिचेल म्याकलेनघनको नाममा १/१ विकेट रह्यो।

सन्दिपले मोन्टरियालका विकेटकिपर ब्याट्सम्यान म्याथु क्रसको विकेट लिए। स्कटल्याण्डका म्याथु ९ रनको स्कोरमा एलबिडब्लु शिकार भए।

Sandeep
Sandeep Lamichhane

सन्दिपको स्पेल 

इनिंगको छैठौं ओभरमा बलिंग गर्न आएका सन्दिपले पहिलो ओभरमा ७ रन खर्चिएका थिए। त्यसओभरमा कोट्जरले एउटा चौका हिर्काए। त्यसपछि सातौँ ओभरमा पुनः सन्दिपले ७ रन खर्चिए जुन ओभरमा पनि कोट्जरले एउटा चौका हिर्काए। १४ औं ओभरमा तेश्रो ओभर गरेका सन्दीपले ओभरमा मात्र ५ रन खर्चिए। १६ औं ओभरमा बलिंग गर्ने क्रममा पहिलो बलमै सन्दिपले म्याथु क्रसलाई गुगलीमा एलबिडब्लु आउट गरे। त्यस लगत्तै बलमा डील्लन हेलिगरले सन्दिपलाई डिप-मिड विकेट माथि छक्का प्रहार गरे। त्यसपछि भने सन्दिपले कसिलो बलिंग गरे र ओभरमा ९ रन खर्चेर १ विकेट लिए।

४ ओभरमा सन्दिपले २८ रन खर्चेर १ विकेट लिए र मोन्टरियललाई सानो योगफलमा समेट्न महत्वपूर्ण योगदान दिए।

क्रिस ग्रिन खेलको उत्कृस्ट खेलाडी चुनिए

मोन्टरियलले दिएको १३७ रनको लक्ष्य टोरोन्टोले १७.३ ओभरमा ६ विकेट गुमाएर पुरा गर्यो। टोरोन्टो ओपनर चिराग सुरीले सर्वाधिक ५२ तथा क्रिस ग्रिनले अविजित ३० रन बनाए। युभराज सिंह ब्याटिंगका दौरान ढाडको दुखाइका कारण रिटायर्ड हर्ट भए जसले खाता खोल्न सकेका थिएनन्।

खेल हेर्न पुगेका नेपाली समर्थकहरु

 





थप समाचार

प्रम कप : पुलिसलाई पराजित गर्दै एपीएफ फाइनलमा

नेपाल पुलिस क्लबलाई ३० रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको फाइनल प्रवेश गरेको छ। गत […]

प्रम कप : पहिलो सेमीफाइनलमा एपीएफ र पुलिस खेल्दै

प्रधानमन्त्री कप पुरुष एकदिवसीय राष्ट्रिय प्रतियोगिता अन्तर्गत पहिलो सेमी फाइनल खेलमा बुधबार दुई विभागीय टोलि शशस्त्र प्रहरी बल ( एपीएफ […]

बिग ब्यास : नेट रनरेटमा पछि पर्दै होबार्ट प्लेअफ पुग्न असफल, यस्तो रह्यो सन्दिपको प्रदर्शन

लिग चरणको अन्तिम खेलमा मेलबर्न रेनेगेड्ससंग ११ रनले पराजित भएसंगै नेपाली लेग स्पिनर सन्दिप लामिछाने सम्मिलित होबार्ट हरिकेन्सको यो सिजन […]

आयरल्याण्डविरुद्धको एकदिवसीय शृंखलामा अफगानिस्तानको ‘क्लिन स्विप’

अफगानिस्तान र आयरल्याण्डबीच जारि ३ खेलको एकदिवसीय शृंखला अन्तर्गत मंगलबार सम्पन्न अन्तिम तथा तेस्रो खेलमा ३६ रनको सहज जित दर्ता […]

६ राष्ट्रिय क्रिकेटरलाई ‘क्रिकेट बजार’ द्वारा खेल सामग्री प्रयोजन

क्रिकेट सामग्री उत्पादन गर्ने ‘क्रिकेट बजार’ ले बिभिन्न ६ जना राष्ट्रिय क्रिकेटरहरुलाई खेल सामग्री प्रयोजन गरेको छ। राष्ट्रिय क्रिकेटरहरु मेहबुब […]

राष्ट्रिय क्रिकेट टिमले कतारसंग टि-२० अन्तर्राष्ट्रिय सिरिज खेल्ने

नेपाली राष्ट्रिय क्रिकेट टिमले फेब्रुवरी ९ देखि १२ तारिख सम्म ( माघ २७ देखि ३० गते ) कतारसंग मैत्रीपूर्ण टि-२० […]