सोमपालले करियरकै उत्कृस्ट बलिंग गर्दा युएई १९५ रनमै सिमित



  • विकेटनेपाल, २२ मङ्सिर – शुक्रबार 

सोमपाल कामिले उत्कृस्ट बलिंग गरेपछि आईसीसी बिश्व क्रिकेट लिग च्याम्पियनसिप अन्तर्गत सातौँ चरणको दोश्रो खेलमा युएई १९५ रनमा अलआउट भएको छ।

स्कोरकार्ड 

सोमपाल एक्लैले ५ विकेट हात पारेपछि युएईले ४९.२ ओभरमा सबै विकेट गुमाउन पुगेको हो। १० ओभर बलिंग गरेका सोमपालले १ मेडन ओभर सहित मात्र २७ रन खर्चिएका थिए। यो अन्तर्राष्ट्रिय क्रिकेटमा सोमपालको उत्कृस्ट बलिंग हो भने ५ विकेट हात पारेको दोश्रो पटक हो। यस भन्दा अघि उनले मलेसियासंग सन् २०१४ मा ५ विकेट हात पारेका थिए। २०१४ एसीसी प्रिमियर लिगमा नेपाललाई जिताउने क्रममा उनले १० ओभरमा ३ मेडन ओभर सहित ४७ रन खर्चेर ५ विकेट हात पारेका थिए।

आईसीसी बिश्व क्रिकेट लिग च्याम्पीयनसिपमा नेपाली बलरले ५ विकेट लिएको पनि यो पहिलो पटक हो। शरद भेसावकरले केन्या बिरुद्ध लिएको ४ विकेट हालसम्मको उत्कृस्ट बलिंग थियो।

सेख जायद मैदानमा टस जितेर नेपालले युएईलाई ब्याटिंगको निम्तो दिएको थियो। नेपालले सुरुवात देखि युएईमाथि दबाब बनायो र युएईको पहिलो ५ विकेट ३९ रनको स्कोरमै हात पार्यो। माथिल्लो क्रमका ४ जना ब्याट्सम्यानलाई सोमपाल एक्लैले पेभेलियन फर्काएका थिए।

अघिल्लो खेलमा ६२ रन बनाएका रोहन मुस्तफा ८ रनमै सोमपालको बलमा बिनोद भण्डारीको हातबाट समातिए। यस्तै ८१ रन बनाउदै पहिलो खेलका प्लेयर अफ द म्याच गुलाम सब्बिरलाई पनि ० रनमै किपर दिलिप नाथको हातबाट सोमपालले आउट गराएका थिए।

अद्नान मुफ्ती शतकीय योगदान दिए l फोटो – आईसीसी

५ विकेट गुमेपछि युएईलाई सातौँ नम्बरमा ब्याटिंग गर्न आएका अद्नान मुफ्तीले उत्कृस्ट ब्याटिंग गर्दै थोरै रनमै अलआउट हुन जोगाए। उनले मात्र ८९ बलमा ८ चौका र ३ छक्का मदतले १०४ रन प्रहार गरेपछि सस्तोमा युएईलाई समेट्ने चाहना पुरा हुन पाएन। मुफ्तीले छैठौ विकेटको लागि मोहम्मद बुटासंग ८० रनको साझेदारी गरेका थिए। बुटाले ३७ रन बनाए।

अद्नानको विकेट सोमपालले ४८ औं ओभरमा लिंदै आफ्नो ५ विकेट पुरा गरेका थिए। नेपालको लागि ललित सिंह भण्डारी, पारस खड्का र सन्दिप लामिछानेले समान १/१ विकेट हात पारे।मोहम्मद नाबेदको विकेट हात पारेका ललितले नेपालको लागि लिएको यो पहिलो विकेट हो।

नेपालले युएईसंगको पहिलो खेल ७ विकेटको बिशाल अन्तरले हारेको थियो। पहिले ब्याटिंग गर्दै नेपालले दिएको २२२ रनको लक्ष युएईले ३ विकेट गुमाई पुरा गरेको थियो।

सोमपाल कामि





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]