इपीएल टि-२० : पहिले ब्याटिंग गर्दै काठमाडौँ, सोमपाल खेल्दा सागर पुन बाहिर

  • विकेटनेपाल, पुष-५ , बिहिबार 

एभरेस्ट प्रिमियर लिग टि-२० अन्तर्गत दोश्रो क्वालीफायर खेलमा भैरहवाले टस जितेर बलिङ्ग रोजेको छ। काठमाडौँ किंग्स-११ र भैरहवा ग्ल्याडीएटर्स बीचको विजेता टिमले शनिवार खेलिने फाइनलमा ललितपुर प्याट्रीएट्सको सामना गर्नेछ।

खेलमा यस अघि लिग चरणमा १ मात्र खेल खेलेका सोमपाल कामिले पनि अन्तिम-११ मा स्थान बनाएका छन्। यस अघि सोमपालले लिग चरणको पहिलो खेलमा चितवन टाइगर्ससंग खेलेपछि गोलिगाँठामा चोटको कारण त्यसपछिको खेल खेल्न सकेका थिएनन्।

काठमाडौँले लेग स्पिनर बिक्रम भुसाल र सागर पुनलाई बाहिर राख्दै ट्यालेन्टबाट आएका सन्दिप रजाली र सोमपाललाई अन्तिम-११ मा स्थान दिईएको हो। सोमपाल खेल्ने भए पनि टिमको कप्तानी भने रोहन मुस्तफालेनै गर्नेछन्। सागर पुन प्रतियोगितामा कमजोर फर्ममा रहेका छन् र ६ खेल खेल्दा १०९ रन बनाउन सकेका छन्। भैरहवा ग्ल्याडीएटर्सले आफ्नो टिमको अन्तिम ११ मा इलिमीनेटरमै खेलाएको अन्तिम-११ खेलाएको छ।

Sagar Pun
Sagar Pun

काठमाडौँ अन्तिम ११ – सोमपाल कामि, जितेन्द्र मुखिया, नरेश बुढायर, अमित श्रेष्ठ, राजु रिजाल, संसाद शेख, सिद्धान्त लोहनी , सन्दिप रजाली, रोहण मुस्तफा ( कप्तान ) , केभिन ओ ब्रायन, प्रदिप साहु

भैरहवा अन्तिम ११ – शरद भेसावकर ( कप्तान ) , आरिफ शेख, रोहित पौडेल, कृष्ण कार्की, भुवन कार्की, प्रदिप ऐरि, , अविनाश बोहरा, कुशल मल्ल, रभी इन्दर सिंह, रायन टेन डेस्काटे, मुहम्मद नबिद

 काठमाडौँ र भैरहवा – हेड टु हेड 

जारि ईपिएलको लिग चरणको खेलमा काठमाडौँ किंग्स-११ ले भैरहवालाई ७ विकेटले पराजित गरेको थियो। पहिले ब्याटिंग गर्दै भैरहवाले दिएको १५० रनको लक्ष्य काठमाडौँले १९.१ ओभरमा ३ विकेट गुमाएर पुरा गरेको थियो। भैरहवाको ब्याटिंगमा रभी इन्दर सिंहले ८६ रन बनाएका थिए। काठमाडौँको ब्याटिंगमा अमित श्रेष्ठले ५०, रोहन मुस्तफाले ३६ तथा केभिन ओ ब्रायनले ३३ रन तथा बलिङ्गमा जितेन्द्र मुखियाले २ विकेट लिए।

गत सिजन भने लिग चरणमा भैरहवाले काठमाडौँलाई ७ विकेटले पराजित गरेको थियो। त्यस क्रममा काठमाडौँले पहिले ब्याटिंग गर्दै ११८ रन बनाएको थियो। ११९ रनको लक्ष्य भैरहवाले ३ विकेट गुमाएर १६.३ ओभरमा भेटाएको थियो। जितमा कप्तान शरद भेसावकरले २ विकेट लिनुको साथै ३२ रन पनि बनाएका थिए।

भैरहवाको हालसम्म प्रदर्शन  

प्रतियोगितामा उत्कृस्ट सुरुवात गर्ने क्रममा शरद कप्तानीको भैरहवाले लगातार ३ खेलमा जित निकालेको थियो। त्यस क्रममा पोखरा राइनोजलाई ४ विकेटले पराजित गर्दा उसले २१६ को लक्ष्य पछ्याएको थियो। त्यसपछि दोश्रो खेलमा चितवनलाई १२ रनले तथा बिराटनगरलाई तेश्रो खेलमा ४ विकेटले पराजित गरेको भैरहवाले अन्तिम २ खेलमा काठमाडौँसंग ७ विकेटले र ललितपुरसंग ६ विकेटले हार बेहोरेको थियो। लिग अंक तालिकामा तेश्रो स्थानमा रहेपछि भैरहवाले पहिलो इलिमीनेटरमा चितवन टाइगर्सलाई ४ विकेटले पराजित गर्दै दोश्रो क्वालीफायर खेल्न लागेको हो।

काठमाडौँको हालसम्म प्रदर्शन 

प्रतियोगिताको पहिलो खेलमा चितवन टाइगर्सलाई ६ विकेटले पराजित गरेको काठमाडौँले त्यसपछि दोश्रो खेलमा ललितपुर प्याट्रीएट्ससंग १० विकेटको हार बेहोर्न पुग्यो। त्यसपछि पुनः सम्हालिने क्रममा पोखरा राइनोजलाई ५ विकेटले तथा भैरहवा ग्ल्याडीएटर्सलाइ ७ विकेटले पराजित गरेको काठमाडौँले लिगको अन्तिम खेलमा बिराटनगर वारियर्सलाई ५ विकेटले पराजित गर्यो। लिगमा दोश्रो स्थान हाँसिल गरेको काठमाडौँले पहिलो क्वालीफायरमा १ विकेटको हार बेहोर्यो।