लिस्ट ‘ए’ मा ५० विकेट पुरा गर्दै सोमपालको किर्तिमान

Sompal Kami


  • विकेटनेपाल – ३ चैत्र, शनिवार

एक दिवसीय विश्वकप छनौट अन्तर्गत सातौँ स्थानको लागि नेदरल्याण्ड बिरुद्दको खेलमा नेपाली क्रिकेट टोलिका प्रमुख फास्ट बलर सोमपाल कामीले महत्वपूर्ण सफलता हात पारेका छन्। सोमपाल लिस्ट ‘ए’ क्रिकेटमा ५० विकेट पुरा गर्ने पहिलो नेपाली बलर बनेका छन्।

नेदरल्याण्ड बिरुद्द टस हार्दै पहिले बलिंगमा उत्रिएको नेपालको लागि सोमपालले आफ्नो पहिलो ओभरमानै सफलता दिलाएका थिए। पहिलो ओभरको तेस्रो बलमा वेस्ली बारेशीलाई सोमपालले आउट गरेका थिए। त्यसपछि तेस्रो ओभरको दोस्रो बलमा बेन कुप्परलाई आरिफ शेखको हातबाट क्याच गराउंदै सोमपालले लिस्ट ‘ए’ क्रिकेटमा आफ्नो ५० विकेट पुरा गरेका थिए। खेलमा २३ बर्षिय बलरले २४ रन खर्चेर ४ विकेट समेत हात पारे र ३७ लिस्ट ‘ए’ खेल्दा विकेट संख्या ५२ पुर्याए।

Sompal Kami
Sompal Kami

सन् २०१४ को न्युजिल्याण्डमस सम्पन्न एकदिवसीय बिश्वकपबाट युएईसंग खेल्दै लिस्ट ‘ए’ क्रिकेटको सुरुवात गरेका सोमपाल नेपालबाट लिस्ट ‘ए’ क्रिकेटमा सर्वाधिक विकेट लिने खेलाडी समेत हुन्। आफ्नो ३७ खेलमा सोमपालले २६.६३ को औसतमा कुल ५२  विकेट लिएका छन्।

सोमपाल पछी लिस्ट ‘ए’ मा नेपालको लागि सर्वाधिक विकेट लिने बलर बसन्त रेग्मी रहेका छन्। उनको नाममा ३५ खेलमा ४६ विकेट रहेको छ। यस्तै तेश्रो स्थानमा रहेका सन्दिप लामिछानेले २१ खेलमा ४२ विकेट लिईसकेका छन्।

लिस्ट ए क्रिकेटमा सर्वाधिक विकेट लिने नेपाली खेलाडी :

खेलाडीको नाम जम्मा खेल विकेट औसत
सोमपाल कामी ३७* ५२ २६.६३
बसन्त रेग्मी ३५ ४६ २४.७८
सन्दिप लामिछाने २१ ४२ १७.९०
सागर पुन २१ १९ २५.६३
करन केसी १९ १९ २७.७८

सोमपालले ५२ विकेट लिंदा युएईसंग बिश्व क्रिकेट लिग च्याम्पियनसिपको खेलमा लिएको ५ विकेट व्यक्तिगत उत्कृस्ट स्पेल हो। त्यस खेलमा उनले १० ओभरमा २७ रन दिएर ५ विकेट लिंदै च्याम्पियनसिपमा ५ विकेट लिने पहिलो बलर समेत बनेका थिए।

ब्याटिंग तर्फभने कप्तान पारस खड्काले बिश्वकप छनौटकै स्कटल्याण्डसंगको खेलमा लिस्ट ‘ए’ क्रिकेटमा एक हजार रन पुरा गर्दै यो उचाई हाँसिल गर्ने पहिलो नेपाली खेलाडी बनेका थिए। पारसको नाममा लिस्ट ए क्रिकेटमा ३४ खेलमा १,१८२ रन रहेको छ।

Paras Khadka
Paras Khadka

यस्तै लिस्ट ‘ए’ मा सर्वाधिक रन बनाउने नेपाली खेलाडीको सुचिमा ज्ञानेन्द्र मल्ल दोस्रो र शरद भेषवाकर तेस्रो स्थानमा रहेका छन्। ज्ञानेन्द्रले ३७ खेलमा ९०४ रन बनाएका छन् भने शरदले ३२ खेलमा ८३७ रन बनाएका छन्। चौथो स्थानमा रहेका बिनोद भण्डारी २१ खेलमा ३९६ रन रहेको छ भने पाँचौ स्थानमा सोमपाल कामिले ३७ खेलमा ३३६ रन बनाएका छन्। छैठौं स्थानमा रहेका बसन्त रेग्मीले ३५ खेलमा २९५ रन बनाएका छन् भने आरिफ शेख १७ खेलमा २४८ रन बनाउदै सातौँ स्थानमा छन्।

 

 





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]