बालुवाटारको जितमा सोनु तामांगको विस्फोटक शतक



  • विकेटनेपाल, माघ २५ – बिहिबार

काठमाण्डौको मुलपानी क्रिकेट मैदानमा जारि खुकुरी च्यालेन्जर्स कप टी-२० क्रिकेट प्रतियोगिता अन्तर्गत आज सम्पन्न दुई खेलहरुमा रोयल पिसी फाइटर र बालुवाटार क्रिकेट क्लबले जित हात पारेका छन्। जितसंगै समान ३/३ खेलमा जित हाँसिल गर्दै दुवै टिम क्वार्टरफाइनलमा प्रवेश गरेका छन् ।

पहिलो खेल: रोयल पिसी फाइटर Vs त्रिमुर्ति बोयज

आज सम्पन्न पहिलो खेलमा रोयल पिसी फाइटरले त्रिमुर्ति बोयजलाई ५८ रनले पराजित गर्यो।

टस हारेर पहिले ब्याटिंग गरेको फाइटरले नरेश चन्दको अविजित ७५ रनको मद्दतले २० ओभरमा ६ विकेट गुमाएर १८२ रन बनायो। ५० बलमा ८ चौका र ४ छक्का प्रहार गरेका चन्दले सातौँ विकेटको लागि सुबास खकुरेलसँग मिलेर अविजित अविजित ६० रनको साझेदारी गरेका थिए। खकुरेलले २१ बलमा ४ चौका र २ छक्का मदतले अविजित ४० रन बनाए। रबिन जोशीले पनि ३० रन बनाए।

बलिंगतर्फ त्रिमुर्ति बोयजका सन्दीप तामांगले ४५ रन खर्चिदै ३ विकेट हात पारे।

नरेश चन्द

मेहबुब आलमले ३ विकेट लिन मात्र १० रन खर्चेपछी लक्ष्य पछ्याउने क्रममा त्रिमुर्तिले २० ओभरमा ९ विकेट गुमाएर १२४ रन मात्र बनाउन सक्यो। त्रिमुर्तिका लागि ओपनर हिमांशु दत्तले ५७ रनको पारि खेल्नेक्रममा ४९ बलमा ९ चौका प्रहार गरेपनि अन्य खेलाडीहरुले साथ दिएनन्। फाइटरका धिरज शाही र बसन्त खत्रीले २/२ विकेट झारे।

अविजित अर्धशतक बनाएका नरेश चन्द म्यान अफ द म्याच घोषित भए ।

दोश्रो खेल: बालुवाटार क्रिकेट क्लब Vs लर्ड बुद्द क्रिकेट क्लब

आजै भएको दोश्रो खेलमा सोनु तामांगले आक्रामक शतकीय पारि खेलेपछि बालुवाटारले लर्ड बुद्दलाई १०५ रनको फराकिलो अन्तरले पराजित गरेको छ।

सोनु तामांग

टस जितेर पहिले ब्याटिंग गरेको बालुवाटारले सोनु तामांगको अविजित १३१ रनको मद्दतमा २० ओभरमा ४ विकेट गुमाएर २०८ रन बनायो । ५९ बलको सामना गरेका तामांगले १२ चौका र ९ छक्का प्रहार गरे। म्यान अफ द म्याच चुनिएका सोनुले २६ बलमा अर्धशतक र ५० बलमा शतक पुरा गरेका थिए। सुमन उदय र पृथु बास्कोटाले समान २२ रन बनाए।

शैसव केसीले ३ विकेट लिन १३ रन खर्चिए पछी लर्ड बुद्दले २० ओभरमा ९ विकेट गुमाएर १०३ रन मात्र बनाउन सक्यो। प्रशुन थापाले ३२ रन बनाएपनि अन्य खेलाडीको साथ पाएनन्। सोनु तामांग र अमर सिंह रौटेलाले २/२ विकेट हात पारे।

अंकतालिका :- 

Group B

TEAM MATCH WIN LOSS NO RESULT POINTS
Baluwatar Cricket Club 3 3 0 0 9
Royal PC Fighter 3 3 0 0 9
IOE Pulchowk 3 1 2 0 3
Lord Buddha Cricket Club 4 1 3 0 3
Trimurty Boys 3 0 3 0 0

 





थप समाचार

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]

डेब्युमै गुर्बजले कीर्तिमान बनाउदा अफगानिस्तानद्वारा आयरल्याण्ड पराजित

पहिलो एकदिवसीयमा आयरल्याण्डमाथि १६ रनको जित निकाल्दै युनाइटेड अरब इमिरेट्स (युएई) मा जारि ३ खेलको एकदिवसीय शृंखलामा अफगानिस्तानले अग्रता लिएको […]

टि-१० लिगमा सहभागी हुन नेपाली खेलाडीहरु युएई प्रस्थान, कहिले छ खेल

जनवरी २८ तारिख देखि फेब्रुअरी ६ तारिखसम्म युनाइटेड अरब इमिरेट्सको अबु धाबीमा आयोजना हुने अबु धाबी टि-१० लिगमा सहभागी हुन […]