लक्ष पछ्याउदा लड्खडायो भारत



  • विकेटनेपाल, २ माघ- मंगलबार 

भारत र दक्षिण अफ्रीका बीच दोश्रो टेस्टको चौथो दिन सकिंदा दक्षिण अफ्रीका दोश्रो टेस्ट जिततर्फ अग्रसर देखिएको छ। पहिलो टेस्टमा पराजित भएको भारतले यो टेस्ट हारे सिरिज दक्षिण अफ्रीकाले २-० ले १ खेल अगाबै जित्नेछ।

टेस्टको पहिलो इनिंगमा दक्षिण अफ्रीकाले ३३५ रन बनाएको थियो जसपछि भारतले ३०७ रन बनाएपछि पहिलो इनिंगमा २८ रनको अग्रता पाएको दक्षिण अफ्रीकाले दोश्रो इनिंगमा २५८ रन बनाउदै भारतलाई टेस्ट जित्न २८७ रनको लक्ष प्रस्तुत गरेकोछ।

लक्ष पछ्याउने क्रममा चौथो दिन अन्तिम सत्रमा ब्याटिंग गरेको भारतले अत्यन्त खराब सुरुवात गरेको छ। ओपनरद्वय मुरली विजय ( ९ ) , केएल राहुल ( ४ ) र पहिलो इनिंगमा आकर्षक शतक बनाएका कप्तान बिराट कोहली ( ५ ) आउट हुँदा भारत संघर्ष गरिरहेको छ।

२३ ओभर ब्याटिंग गरेको भारतले स्टम्पसम्म ३५ रनको योगफलमा ३ विकेट गुमाईसकेको छ। चेतेश्वर पुजारा ११ तथा पार्थिब पटेल ५ रनको स्कोरमा अविजित रहेका छन्।

दक्षिण अफ्रीकाको लागि आफ्नो पहिलो टेस्ट खेलीरहेका लुंगी गिड़ीले २ विकेट हात पारी सकेका छन् जुन क्रममा बिराट कोहलीलाई एलबिडब्लु धरापमा तथा केएल राहुललाई क्याच आउट गराएका थिए। १ विकेट लिएका कासिगो रबाडाले मुरली विजयलाई बोल्ड गरेका थिए।

लुंगी गिड़ीले २ विकेट हात पारी सकेका छन्

दक्षिण अफ्रीकाको दोश्रो इनिंग 

पहिलो इनिंगमा पाएको २८ रनको अग्रता पछि दोश्रो इनिंगमा ब्याटिंग गरेको दक्षिण अफ्रीकाले चौथो दिनको चिया सत्र पछि २५८ रनको योगफलमा सम्पूर्ण विकेट गुमाएको थियो।

दोश्रो इनिंगमा घरेलु टिमको लागि ए बि डी भिल्लर्सले सर्बाधिक ८० रनको योगदान दिए। यस्तै डीन एल्गरले ६१ रन तथा कप्तान फाफ डु प्लेसिसले ४८ रनको योगदान दिए।३ रनको योगफलमा २ विकेट गुमाएपछि एल्गर र डी भिल्लर्सले तेश्रो विकेटको लागि १४१ रनको साझेदारी गरेका थिए। डी भिल्लर्सलाई मोहम्मद शामीले विकेटकिपर पर्थिभ पटेलको हातबाट क्याच थमाएपछि साझेदारी तोडिएको थियो। डी भिल्लर्सले १२१ बलमा १० चौका प्रहार गरे।

ए बि डी भिल्लर्सले सर्बाधिक ८० रनको योगदान दिए

भारतको लागि मोहम्मद शामीए सर्बाधिक ४ विकेट ( १६-३-४९-४ ) हात पारे भने जस्प्रित बुम्राले ३ ( २०-३-७०-३ ) तथा इशान्त शर्माले २ विकेट ( १७-३-४०-२ ) हात पारे। रबिचन्द्रन आश्विनले १ विकेट दिलाए।

 

 





थप समाचार

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]

प्रतिस्पर्धात्मक खेलमा ओमानद्वारा अमेरिका पराजित

प्रतिस्पर्धात्मक खेलमा अमेरिकालाई ४ विकेटले पराजित गर्दै ओमानमा जारी त्रिकोणात्मक एकदिवसीय अन्तर्राष्ट्रियमा ओमानले लगातार दोश्रो जित दर्ता गरेको छ। अल […]

ICCWCL2 : नेपालको तेश्रो खेल अमेरिकासंग, यस्ता छन् नेपालको बलियो र कमजोर पक्ष

ओमानमा जारि आईसीसी विश्व कप लिग-२ अन्तर्गतको त्रिकोणात्मक सिरिज अन्तर्गत आफ्नो तेश्रो खेलमा नेपालले अमेरिकासंग प्रतिस्पर्धा गर्दैछ। अल अमिरात मैदानमा […]