डि कक् को अर्धशतकमा पाकिस्तान बिरुद्द दक्षिण अफ्रिकाको सिरिजमा कब्जा



पाकिस्तानको दक्षिण अफ्रिका भ्रमण अन्तर्गत भएको पाचौं तथा अन्तिम एकदिवसीय खेलमा दक्षिण अफ्रिकाले पाकिस्तानलाई ७ विकेटले पराजित गरेको छ। यो सँगै घरेलु टिमले सिरिज ३-२ ले आफ्नो पक्षमा पार्यो।

न्युल्याण्डमा भएको खेलमा पाकिस्तानले बनाएको २४० रनको योगफल पछ्याएको दक्षिण अफ्रिकाले मात्र ३ विकेट गुमाएर १० ओभर अगावै लक्ष्य पुरा गर्यो। घरेलु टिमका लागि क्विन्टन डि कक् ले ८३ रनको पारि खेल्दै जितको आधार तय गरे। ५८ बलको सामना गरेका उनले ११ चौका र ३ छक्का प्रहार गरे।

त्यस्तै १४६ रनको योगफलमा तेस्रो विकेट गुमेपछि चौथो विकेटको लागि आफ्नो डेब्यु सिरिज खेलिरहेका रस्सी भानडर डसेन र कप्तान फाफ डु प्लेसिसले समान अविजीत ५० रन प्रहार गर्दै ९५ रनको साझेदारी गरे। डसेनले ६१ बलमा मात्र ३ छक्का प्रहार गर्दा डु प्लेसिसले ७२ बलमा ३ चौका प्रहार गरे।

पाकिस्तानका उस्मान खान, सहिनशाह अफ्रिदी र मोहम्मद आमिरले समान १/१ विकेट लिए।

यसअघि टस हारेर पहिले ब्याटिंग गरेको पाकिस्तानले निर्धारित ५० ओभरमा ८ विकेट गुमाएर २४० रन बनाएको थियो। पाकिस्तानका फकर ज़मानले आफ्नो करियरको नबौं एकदिवसीय अर्धशतक बनाउन ७० रनको पारि खेलेका थिए। जमानले ७३ बलमा १० चौका प्रहार गर्दा अन्त्यमा इमाद वासिमले आक्रामक ४७ रनको पारि खेले। ३१ बल खेलेका वासिमले ४ चौका र २ छक्का प्रहार गरे।

बलिंगतर्फ दक्षिण अफ्रिकाका एन्डीले फेहलुक्वायोले २ विकेट लिन १० ओभरमा ४२ रन खर्चिंदा ड्वैन प्रिटोरियसले समान २ विकेट लिन ४६ रन खर्चिए। डेल स्टेन, कागीसो रबाडा र विलियम मल्डरले समान १/१ विकेट लिँदा इमरान ताहिरले किफायती बलिंग गर्दै १० ओभरमा मात्र ३६ रन खर्चिएका थिए।

खेलमा आक्रामक अर्धशतक प्रहार गर्दै दक्षिण अफ्रिकाको जितमा उत्कृस्ट सुरुवात दिलाएका विकेटकिपर तथा ओपनर ब्याट्सम्यान क्विन्टन डि कक् म्यान अफ द म्याच घोषित भएका छन्। त्यस्तै सिरिजमा सर्बाधिक धेरै रन बनाएका पाकिस्तानका ओपनर ब्याट्सम्यान इमाम उल हक म्यान अफ द सिरिज बने।

दक्षिण अफ्रिका भ्रमण अन्तर्गत यसअघि भएको ३ टेस्ट खेलको सिरिजमा ३-० को पराजय बेहोरेको पाकिस्तानले एकदिवसीय सिरिजमा पहिलो र चौथो खेल जितेको थियो। अब हुने ३ टि२० खेलको सिरिज फेब्रुअरी १ देखि सुरु हुनेछ।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]