दोश्रो एकदिवसीय दक्षिण अफ्रिकालाई, सिरिज बराबरीमा



एकदिवसीय क्रिकेटको डेब्यु सिरिज खेलिरहेका रस्सी भानडेर डसेन र एन्डीले फेहलुक्कायोले छैठौं विकेटको लागि अविजित १२७ रनको साझेदारी गरेपछि दक्षिण अफ्रिकाले सिरिजको दोश्रो खेलमा ५ विकेटको जित दर्ता गरेको छ। यसअघि भएको पहिलो खेल पाकिस्तानले जितेको थियो।

पहिलो खेलमा समेत ९० रनको पारि खेलेका डसेनले अविजित ८० रनको पारि खेले। १२३ बलको सामना गरेका उनले ९ चौका प्रहार गरे। यस्तै म्यान अफ द म्याच एन्डीले फेहलुक्कायोले आक्रामक ६९ रनको पारि खेल्दा ८० बलमा ७ चौका र २ छक्का प्रहार गरे। डेविड मिलरले ३१ रन बनाएका थिए।

पाकिस्तानका सहिन अफ्रिदीले सुरुवाती ३ विकेट झारेपछि घरेलु टिम कुनै समय २९ रनमा ३ विकेट गुमाएको थियो। अफ्रिदीले ९ ओभरमा ४४ रन खर्चे भने शादब खानले २ विकेट लिन ४६ रन खर्चे।

यसअघि टस हारेर पहिले ब्याटिंग गरेको पाकिस्तानले हसन अलिको अर्धशतकको मद्दतमा ४५.५ ओभरमा सबै विकेट गुमाउँदै २०३ रनको योगफल तयार पारेको थियो। दशौँ नम्बरमा आएका हसन अलिले टिमका लागि सर्बाधिक ५९ रनको पारि खेलेका थिए।

कुनै समय ११२ रनको स्कोरमा ८ विकेट गुमाएको पाकिस्तानको लागि ४५ बलमा ५ चौका र ३ छक्का प्रहार गर्दै अलिले नबौं विकेटको लागि कप्तान सरफराज अहमदसँग ९० रनको साझेदारी गरे। कप्तान अहमदले ४१ रन बनाउँदा ५९ बलको सामना गर्दै २ चौका हिर्काएका थिए।

त्यस्तै फकर ज़मानले २६ रन, शोएब मल्लिखले २१ रन र शादब खानले १८ रन बनाउँदा अन्य खेलाडीले दोहोरो अंक छुन सकेनन्।

पाहुना टिमलाई सस्तैमा समेट्न दक्षिण अफ्रिकाका लागि एन्डीले फेहलुक्कायोले ४ विकेट लिन २२ रन खर्चिए। यस्तै त्रबेज साम्सीले ३ विकेट तथा रबाडाले २ र डुवान्ने ओलिभिरले १ विकेट हातपारे।

आजको खेलसंगै सिरिज १-१ को बराबरीमा रहेको छ। ५ खेलको सिरिज अन्तर्गतको तेस्रो खेल जनवरी २५ मा खेलिनेछ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]