महिला प्रम कप : सुदूरपश्चिमद्वारा गण्डकी सहजै पराजित



दाङको लमहीमा जारि प्रधानमन्त्री कप महिला टि-२० राष्ट्रिय प्रतियोगिता अन्तर्गत समुह ‘बि’ को पहिलो खेलमा सुदूरपश्चिम प्रदेशले गण्डकी प्रदेशलाई पराजित गरेको छ।

लमही क्रिकेट मैदानमा सम्पन्न खेलमा सुदूरपश्चिमले दिएको १०८ रनको लक्ष्य पछ्याउने क्रममा गण्डकी प्रदेशले २० ओभर ब्याटिंग गरेता पनि ६ विकेट क्षेतिमा ४८ रन मात्र बनाउन सक्यो।  स्कोरकार्ड , अंकतालिका 

गण्डकीको कुनै पनि खेलाडीले दोहोरो अंकमा रन बनाउन सकेनन् भने कुनै पनि बाउन्ड्री समेत प्रहार गर्न सकेनन्। उसको लागि सृस्टि पौडेलले सर्वाधिक ८ रन बनाईन् भने, ज्योत्स्निका मरासिनीले ६ तथा कुसुम गोदारले ५ रन बनाईन्।

सुदुरपश्चिमको बलिंगमा सुनिता लुहारले २ तथा कविता कुँवर, ऋतु कनोजिया र लक्ष्मी साउदले समान १ विकेट लिईन्।

यस अघि टस जितेर ब्याटिंग रोजेको सुदुर पश्चिमले १९.३ ओभरमा सम्पूर्ण विकेट गुमाएर १०७ रन बनाएको थियो।

सुदुरपश्चिमको लागि ओपनर रेवती धामीले सर्वाधिक २७ रन बनाईन्। बिन्दु रावलले १३, मंजु बोकटिले १० तथा कप्तान ऋतु कनोजियाले अविजित ७ रन बनाईन्। गण्डकी प्रदेशले अतिरिक्तको रुपमा ३२ रन खर्चियो।

एक समय ८४ रनमा मात्र ३ विकेट गुमाएको सुदुरपश्चिमले थप २३ रन जोड्दा बाँकी ७ विकेट गुमाउन पुग्यो।

गण्डकीको बलिंगमा अलिशा लामिछाने र सृस्टि पौडेलले समान ३ विकेट हात पारिन्। यस्तै अन्जली बिश्वकर्मा, कुसुम गोदार र ज्योस्निका मरासिनीको नाममा १/१ विकेट रह्यो।

समुह ‘बि’ अन्तर्गत दोश्रो खेलमा आजै प्रदेश-१ र बागमती प्रदेशले प्रतिस्पर्धा गर्दैछन्।

प्रतियोगिता अन्तर्गत समुह ‘ए’ को विजेताको रुपमा एपीएफ तथा उपविजेताको रुपमा लुम्बिनी प्रदेश सेमीफाइनल प्रवेश गरिसकेका छन्।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]