सप्तरी प्रिमियर लिगको दोश्रो सिजन आयोजना हुने, अक्सनको लागि खेलाडी दर्ता सुरु



सप्तरी प्रिमियर लिग टि-२० क्रिकेट प्रतियोगिताको दोश्रो सिजन आयोजना हुने भएको छ।

सप्तरी क्रिकेट संघले आयोजना गर्ने लिगको पहिलो सिजन गत वर्ष असारमा आयोजना गरिएको थियो। दोश्रो सिजनको अधिकारिक मिति तय नभए पनि यही जेठ महिनाको अन्तिममा प्रधानमन्त्री कप क्रिकेट प्रतियोगिता पछि सप्तरी प्रिमियर लिगको दोश्रो सिजन सुरु हुने सप्तरी क्रिकेट संघका सचिब आयुश श्रेष्ठले विकेटनेपाललाई जानकारी गराउनु भएको छ।

प्रतियोगिताको लागि खेलाडीहरुको चयन अक्सन मार्फत गरिनेछ जसको लागि खेलाडीले आफ्नो नाम दर्ता गर्नु पर्नेछ। नाम दर्ता गर्न संघले अनलाइन फर्मको व्यवस्था गरेको छ जसमा खेलाडीहरुले आफ्नो विवरण भर्नुपर्नेछ। खेलाडीहरुले इसेवा नम्बर ९८०४१५४९६४ मा ३०० रुपैयाँ फि तिर्नु पर्नेछ जसपछि सोहि नम्बरमा आफ्नो फोटो पठाउनु पर्नेछ। यो लिंकमा गएर फर्म भर्नुहोला 

प्रतियोगितामा सहभागी टिममा कुल १४ जना खेलाडी हुनेछन् जसमध्ये ४ जना खेलाडीहरु सप्तरी जिल्ला बाहिरको पनि हुनेछ। अक्सनमा सहभागी हुनको लागि सबै खेलाडीहरुले अनिवार्य फर्म भर्नुपर्नेछ।

Champion Bajaj Khadak Warriors
पहिलो सिजनको उपाधि बजाज खडक वारियर्सले जितेको थियो

सचिव श्रेष्ठका अनुसार दोश्रो सिजन लिगमा ५ देखि ६ वटा टिम सहभागी गराउने प्रयास भइरहेको छ। गत सिजन बजाज खडक वारियर्स, बोदे बर्साईन थन्डर्स र तिलाठी कोइलाडी गरि ३ वटा टिम सहभागी रहेका थिए। उक्त सिजन विवेक यादब कप्तान रहेको बजाज खडक वारियर्सले जितेको थियो।

पहिलो सिजन उपाधि विजेताले १ लाख ५१ हजार तथा उपविजेताले ८१ हजार रुपैयाँ प्राप्त गरेको थियो। गत सिजन मेहबुब आलम, हासिम अन्सारी, सिद्धान्त लोहनी, हरिशंकर शाह, बिक्रम भुसाल, राशिद खान, पुष्प थापा जस्ता राष्ट्रिय खेलाडीहरु प्रतियोगितामा सहभागी थिए।

 





थप समाचार

भण्डारी र पुलामी चम्किदा आर्मीद्वारा गण्डकी सहजै पराजित

विभागीय टोलि त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा विजयी सुरुवात गरेको छ। समुह ‘ए’ अन्तर्गत टियु अन्तर्राष्ट्रिय क्रिकेट […]

बिनोदको शतकमा आर्मीद्वारा गण्डकीलाई कठिन लक्ष्य

राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एकदिवसीय राष्ट्रिय प्रतियोगिता काठमाडौँमा सुरु भएको छ। प्रतियोगिता अन्तर्गत समुह […]

प्रधानमन्त्री कप आज देखि ( सम्पूर्ण जानकारी )

राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एकदिवसीय राष्ट्रिय प्रतियोगिता आज देखि काठमाडौंमा सुरु हुँदैछ। प्रतियोगिता माघ […]

प्रम कप : ज्ञानेन्द्र कप्तानीको बागमतीमा राष्ट्रिय क्रिकेटरको बाहुल्यता

माघ २ गते देखि काठमाडौँमा सुरु हुने प्रधानमन्त्री कप एकदिवसीय राष्ट्रिय प्रतियोगिताको लागि बागमती प्रादेशिक क्रिकेट संघले राष्ट्रिय टिमका समेत […]

बिग ब्यास : रेनिगेड्सलाई हराउँदै हिट अंकतालिकाको पाचौं स्थानमा

जोए बर्न्सले विस्फोटक ब्याटिंग गर्दा अष्ट्रेलियामा जारि १० औं संस्करणको बिग ब्यास लिग अन्तर्गत बिहिबार सम्पन्न ३९ औं खेलमा क्रिस […]

प्रम कप लुम्बिनी छनोट : बाँकेलाई पराजित गर्दै रुपन्देही च्याम्पियन

प्रधानमन्त्री कप राष्ट्रिय क्रिकेट प्रतियोगिता पुरूषतर्फको लुम्बिनी प्रदेश स्तरीय छनोट खेलमा रुपन्देही प्रादेशिक च्याम्पियन बनेको छ। बिहीबार रुपन्देहीको सिद्धार्थ रंगशालामा […]