भारत र अफगानिस्तानसंग खेल्ने नेपाली यू-१९ टिमको घोषणा

nepal u19 cricket team


  • विकेटनेपाल – २२ भदौ

भारतीय क्रिकेट बोर्ड ( बिसीसीआई ) को आयोजनामा सेप्टेम्बर १२ देखि सुरु हुने ४ टिम सहभागी हुने मैत्रीपूर्ण सिरिजका लागि आसिफ शेखको कप्तानीमा १५ सदस्यीय नेपाली यु-१९ टोलीको घोषणा भएको छ।

भारतमा हुने सिरिजमा नेपाल यु-१९ सहित भारत यु-१९, अफगानिस्तान यु-१९ र भारतको नेसनल क्रिकेट एकेडेमी यु-१९ टिम सहभागी हुँदैछन्।

सिरिज अन्तर्गत नेपालले आफ्नो पहिलो खेल सेप्टेम्बर १२ मा एनसीए यु-१९ संग, दोश्रो खेल सेप्टेम्बर १४ मा भारत यु-१९ संग, तेश्रो खेल सेप्टेम्बर १६ मा अफगानिस्तान यु-१९ संग खेल्नेछ। लिग चरणमा सबैले एकअर्का बिरुद्ध खेलीसकेपछि लिगको पहिलो र दोश्रो हुने टिमले १८ सेप्टेम्बरमा फाईनल खेल्नेछन् भने सोहि दिन लिगको तेश्रो र चौथो टिम बीच प्लेअफ खेलिनेछ।

Aasif Sheikh
Aasif Sheikh

आसिफ शेखको कप्तानीमा १५ सदस्यीय नेपाली टोलीमा त्रित राज दास, रभि शाह , बिपिन रावल, लोकेश बम, रित गौतम, पवन सर्राफ, किशोर महतो, राशिद खान, भिम शार्की, कमल सिंह ऐरी, सन्दिप जोरा, सागर ढकाल, अरुण ऐरी र मोहम्मद संसाद आलम रहेका छन्।

आसिफ शेख, पवन सर्राफ, किशोर महतो, भिम  शार्की,कमल सिंह ऐरि जस्ता खेलाडीहरुले यस अघि यु-१९ टिमको तथा रभी शाह, त्रित राज दास, रित गौतमले यु-१६ राष्ट्रिय क्रिकेट टिमको यस अघि प्रतिनिधित्व गरिसकेका छन्।

खेलाडी छनौटको आईसीसी प्रतिनिधि अमिनुल इस्लाम, मुख्य प्रशिक्षक बिनोद दास, राजु खड्का र सुनोज भट्टराईको टोलीले गरेको हो। प्रतियोगितामा सहभागी हुन नेपाल सेप्टेम्बर १० तारिकमा भारत प्रस्थान गर्ने टिम व्यवस्थापक रमन शिवाकोटीले बताएका छन्।

Rit Gautam
Rit Gautam

भारत प्रस्थान गर्नु अघि नेपाली यु-१९ टिम मुख्य प्रशिक्षक बिनोद दासको रोहबरमा टियु मैदानमा अभ्यास गरेको थियो। प्रतियोगिता खेल्ने टिमको छनौट ट्यालेन्ट हन्ट मार्फत गरिएको थियो जसबाट छानिएका प्रतिभाहरुमध्ये ४४ हुँदै २२ जना खेलाडीहरु अभ्यास गरेका थिए। २२ जना मध्येबाट अन्तिम १५ खेलाडी सम्मिलित टिमको घोषणा गरिएको हो।

खेलतालिका –

सेप्टेम्बर १२ : भारत यु-१९ Vs अफगानिस्तान यु-१९  , नेपाल यु-१९ Vs एनसीए यु-१९
सेप्टेम्बर १४ : नेपाल यु-१९ Vs भारत यु-१९  , एनसीए यु-१९ Vs अफगानिस्तान यु-१९
सेप्टेम्बर १६ : एनसीए यु-१९ Vs भारत यु-१९  , नेपाल यु-१९ Vs अफगानिस्तान यु-१९
सेप्टेम्बर १८ : लिग बिजेता Vs लिग उपविजेता  , तेश्रो Vs चौथो, प्लेअफ





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]