हैदराबादलाई पराजित गर्दै दिल्ली पुग्यो दोश्रो स्थानमा



  • विकेटनेपाल, बैशाख-१ 

इन्डियन प्रिमियर लिग अन्तर्गत ३० औं खेलमा दिल्ली क्यापिटल्सले सराइजर्स हैदराबादलाई ३९ रनले पराजित गरेको छ।

जितसंगै लिगमा ८ खेल खेल्दा पाँचौ जितको साथ दिल्ली १० अंक बटुल्दै दोश्रो स्थानमा उक्लेको छ। हैदराबाद भने ७ खेलमा चौथो हार बेहोर्दै छैठौं स्थानमा यथावत रहेको छ।

हैदराबादको राजिभ गान्धी अन्तर्राष्ट्रिय स्टेडियममा सम्पन्न खेलमा दिल्लीले दिएको १५६ रनको लक्ष्य पछ्याउने क्रममा हैदराबादले १८.५ ओभरमा सबै विकेट गुमाएर ११६ रनमा समेटियो।

७२/१ देखि ११६/१० , दिल्लीको नाटकीय जित

१५६ रनको लक्ष्य पछ्याउने क्रममा हैदराबाद ओपनर जोन्नि बेयरस्टो र डेभिड वार्नरले ७२ रनको साझेदारी गरे। दशौँ ओभरमा बेयरस्टो ४१ रन ( ३१ बलमा ५ चौका र १ छक्का ) बनाएर केमो पौलको बलमा क्याच आउट भए।

बेयरस्टोको विकेटपछि हैदराबादले लगातार विकेट गुमायो। कप्तान विलियमसन ३ रन, रिकी भुइ ७ रन, बनाएर आउट भए। विलियमसन र भुइलाई केमो पौलले क्याच आउट गरे।

एक किनार सम्हालीरहेका वार्नर १७ औं ओभरमा आउट हुँदा हैदराबाद समस्यामा पुग्यो। ५१ रन बनाएका वार्नरले ४७ बलमा ३ चौका र १ छक्का प्रहार गरे।

७२/१ ( ९.५ ओभर ) बाट वार्नर आउट हुँदा १०६/४ ( १६.२ ओभर ) मा पुगेको हैदराबाद त्यसपछि सम्हालिन सकेन र नाटकीय रुपमा लगातार विकेट गुम्न पुग्यो। भिजय शंकर १ रन, दिपक हुडा ३ रन तथा राशिद खान खाता नखोली आउट भए।

फलस्वरूप १८.५ ओभरमा हैदराबादले ११६ रनमा सबै विकेट गुमाउन पुग्यो। ७२ रन बनाउदा १ विकेट गुमाएको हैदराबादले थप ४४ रन बनाउदा बाँकी ९ विकेट गुमाउन पुग्यो।

दिल्लीको लागि बलिङ्गमा कागीसो रबाडाले सर्वाधिक ४ विकेट ( ३.५-०-२२-४ ) हात पारे भने क्रिस मोरिस ( ३-०-२२-३ ) र केमो पौल ( ४-०-१७-३ ) ले ३/३ विकेट लिए।

दिल्लीको ब्याटिंग    

यस अघि दिल्लीले टस हारेर ब्याटिंग गर्ने क्रममा दिल्लीले २० ओभरमा ७ विकेट गुमाएर १५५ रन बनाएको थियो।

कप्तान श्रेयस ऐयरले सर्वाधिक ४५ ( ४० बलमा ५ चौका ) , कोलिन मुनरोले ४० ( २४ बलमा ४ चौका र ३ छक्का ), रिशभ पन्तले २३ ( १९ बलमा ३ चौका ) योगदान दिएका थिए।

हैदराबाद बलर खलिल एहमदले ३ सर्वाधिक ३ विकेट ( ४०-३०-३ ) लिए। भुवनेश्वर कुमार ( ४-०-३३-२ ) ले २ विकेट तथा अभिषेक शर्मा ( १-०-१०-१ ) र राशिद खान ( ४-०-२२-१ ) ले १/१ विकेट लिएका थिए।

सन्दिपले पाएनन् मौका :- 

दिल्लीले सन्दिप लामिछानेलाई लगातार दोश्रो खेलमा पनि मौका दिएन। अघिल्लो खेलमा उनको सट्टा केमो पौललाई स्थान दिईएको थियो भने आज अर्का लेग स्पिनर अमित मिश्रा र केमो पौललाई स्थान दियो भने राहुल तेवतियालाई पनि बाहिर राख्यो।

सन्दिपले लिगमा अन्तिम खेल बैंगलोरसंग खेलेका थिए जुन खेलमा १ विकेट लिंदा ४६ रन खर्चेका थिए। त्यस अघि हैदराबादसंगको खेलमा सन्दिपले १ विकेट लिन ३२ रन खर्चेका थिए। नेपाली लेग स्पिनरले पन्जाब बिरुद्ध २ विकेट तथा कोलकाता बिरुद्ध १ विकेट लिएका थिए।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]