वार्नर, बेयरस्टो र विलीयमसन चम्किदा, हैदरावादद्वारा दिल्लीलाई १६३ रनको लक्ष्य



युएईमा जारि आईपीएल २०२० अन्तर्गत ११ औं खेलमा श्रेयस ऐयरको कप्तानिमा रहेको दिल्ली क्यापिटल्स र डेभिड वार्नरको कप्तानिमा रहेको सनराइजर्स हैदराबादबिच प्रतिस्पर्धा भइरहेको छ।

अबुधाबी स्थित शेख जायद स्टेडियममा टस हारेर ब्याटिंग गरेको हैदरावादले निर्धारित २० ओभरमा ४ विकेट गुमाएर १६२ रन बनाउदै दिल्लीलाई १६३ रनको लक्ष्य प्रस्तुत गरेको छ।

हैदरावादको लागि ओपनर इंगलिस ब्याट्सम्यान जोनी बेयरस्टोले सर्वाधिक ५३ रन बनाए। उनले ४८ बलमा २ चौका र १ छक्का हिर्काए। अर्का ओपनर कप्तान डेभिड वार्नरले ३३ बलमा ४५ रन बनाए जुन क्रममा ३ चौका र २ छक्का हिर्काए। सिजनमा पहिलो खेल खेल्ने क्रममा केन विलियमसनले २६ बलमा ५ चौका मद्दतले ४१ रन बनाए। लिगमा डेब्यु गरेका ब्याट्सम्यान अब्दुल सामदले ७ बलमा १ छक्का र १ चौका प्रहार गर्दै अविजित १२ रन बनाए। अभिषेक शर्मा १ रनमा अविजित रहे भने मनिष पाण्डेले ३ रन बनाए।

वार्नर रिभर्सस्विप गर्ने क्रममा विकेटकिपर रिशभ पन्तबाट समातिन पुगे

राम्रो सुरुवात गर्ने क्रममा कप्तान डेभिड वार्नर र जोनी बेयरस्टोले ७७ रनको ओपनिंग साझेदारी गरे। १० औं ओभरमा लेग स्पिनर अमित मिश्रालाइ रिभर्स स्विप गर्ने क्रममा उनि ग्लब्समा बल लागेर विकेटकिपर पन्तबाट समातिन पुगे। मिश्राले १२ औं ओभरमा दोश्रो विकेट लिए जुन क्रममा मनिष पाण्डे ठुलो सट खेल्ने क्रममा क्याच आउट हुन पुगे।

पहिलो खेलमा मौका पाएका केन विलियमसनसंग ओपनर बेयरस्टोले तेश्रो विकेटको लागि ५२ रनको साझेदारी गरे।

यो सिजन पहिलो खेल खेल्ने क्रममा विलियमसनले ४१ रन बनाए

१८ औं ओभरम बेयरस्टोलाई कागीसो रबाडाले क्याच आउट गरे। अन्तिम ओभरमा विलियमसनलाई रबाडाले अक्षर पटेलबाट क्याच आउट गरे। अब्दुल समद र अभिषेक शर्मा अविजित रहे।

दिल्लीको बलिंगमा अमित मिश्र ( ४-०-३५-२ ) र कागीसो रबाडाले ( ४-०-२१-२ ) ले समान २ विकेट लिए। एनरिक नोर्किया ( ४-०-४०-० ) ,  इशान्त शर्मा ( ३-०-२६-० ) , मार्कस स्टोइनिस ( ३-०-२२-० ) र अक्षर पटेल ( २-०-१४-० ) विकेटविहिन रहे।

अमित मिश्राले ३५ रन खर्चेर २ विकेट लिए

लिगमा पहिलो पटक हैदरावादले केन विलियमसनलाई अन्तिम११ मा मौका दिएको छ। विलियमसन भित्र हुँदा अलराउण्डर मोहम्मद नाबी बाहिरीका छन्। अघिल्लो खेलमा सुस्त ब्याटिंग गरेपछि आलोचित रिद्दिमान शाहको सट्टा अन्तिम-११ मा हैदरावादले दायाँ हाते १८ वर्षीय ब्याट्सम्यान अब्दुल समदलाई डेब्यु गर्ने मौका दिएको छ। उनि जम्मु कश्मिरका खेलाडी हुन् जसलाई पूर्व भारतीय क्रिकेटर इरफान पठानले प्रशिक्षण दिएका थिए।

लिग अन्तर्गत दिल्ली यस अघि खेलिएको २ खेलमा चेन्नाई र पन्जाबलाई पराजित गर्दै ४ अंकसहित अंकतालिकामा पहिलो स्थानमा रहेको छ। अर्कोतर्फ हैदरावाद कोलकाता र बैंगलोरसंग पराजित हुँदै अंकविहिन रहँदै पुछारमा रहेको छ।

भरतपुर महानगरपालिकाद्वारा धुर्मुस सुन्तली फाउण्डेसनलाई ५० लाख प्रदान

“मात्र ६ बलको कुरा थियो, उनि ( इशान किशन ) ब्याटिंग गर्न जानुपर्थ्यो” – गावस्कर

बैंगलोर र मुम्बई बीचको खेलमा बनेका ९ रोचक रेकर्डहरु

IPL : अंकतालिका, ताजा अरेन्ज र पर्पल क्याप लिस्ट





थप समाचार

बिशालले ह्याट्रिक लिंदा प्रदेश-१ १०२ रनमै सिमित

देब्रे हाते स्पिनर बिशाल पौडेलले ह्याट्रिक लिंदा गण्डकी प्रदेशले प्रदेश-१ लाई १०२ रनमै सिमित गरेको छ। प्रधानमन्त्री कप एकदिवसीय राष्ट्रिय […]

प्रम कप : आज दुईवटा खेलहरु हुँदै

काठमाण्डौमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन दुईवटा खेलहरु हुनेछन्। टियु मैदानमा समुह ‘बि’ अन्तर्गत बागमती प्रदेश […]

प्रम कप : सुरजको कप्तानीमा प्रदेश-२ को टिम घोषणा

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिताको लागि प्रदेश-२ ले टिम सार्वजनिक गरेको छ। सुरज प्रसाद कुर्मीले कप्तानी गर्ने टिममा […]

बिग ब्यास मेलबर्न डर्वी : रेनिगेड्सलाई सहजै हराउँदै स्टार्स अंकतालिकाको तेस्रो स्थानमा

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ४२ औं खेलमा ग्लेन म्याक्स्वेल कप्तानीको मेलबर्न स्टार्सले एरोन […]

प्रम कप : आर्मीको दोश्रो जित

कर्णाली प्रदेशलाई ८० रनले पराजित गर्दै त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा लगातार दोश्रो जित दर्ता गरेको छ। […]

प्रम कप : बागमतीसंग डिफेन्डिङ च्याम्पियन पुलिस स्तब्ध

काठमाडौंमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत समुह ‘बि’ अन्तर्गतको पहिलो खेलमा विभागीय टोलि डिफेन्डिङ च्याम्पियन नेपाल पुलिस क्लबलाई […]