श्रीलंकाको पहिलो जित, अफगानिस्तान ३४ रनले पराजित



अफगानिस्तानलाई ३४ रनले ( डीएल मेथड ) पराजित गर्दै श्रीलंकाले जारि एकदिवसीय विश्वकपमा पहिलो जित दर्ता गरेको छ।

श्रीलंका पहिलो खेलमा न्युजिल्याण्डसंग १० विकेटले पराजित भएको थियो भने अफगानिस्तान अस्ट्रेलियासंग ७ विकेटले पराजित भएको थियो।

खेलमा श्रीलंकाले दिएको १८७ रनको लक्ष्य पछ्याउने क्रममा अफगानिस्तानले १५२ रन मात्रै बनाउन सकेको हो। श्रीलंकाले पहिले ब्याटिंग गर्ने क्रममा २०१ रन बनाए पनि वर्षाको कारण ओभर ४१ बनाईएकोले अफगानिस्तानले ४१ ओभरमा १८७ रनको लक्ष्य पाएको थियो।

लक्ष्य पछ्याउने क्रममा अफगानिस्तान ओपनर मोहम्मद शहजाद र हज्रतुल्लाह जजईले ३४ रनको ओअप्निंग साझेदारी गरे पनि त्यसपछि लगातार विकेट गुमाउन पुग्यो।

७ रन बनाएका शाहजादलाई मलिंगाले आउट गरेपछि रहमत शाह २, हाश्मतुल्लाह शाहिदी ४, मोहम्मद नाबी ११ रन तथा जजई ३० रन बनाएर आउट भए।

छैठौं विकेटको लागि नाजिबुल्लाह जद्रान र कप्तान गुल्बदीन नैबले ६४ रनको साझेदारी गर्दै अफगानिस्तानलाई अघि बढाए। २५ औं ओभरमा नैब २३ रन बनाएर आउट भएपछि श्रीलंका खेलमा फर्कियो।

एक किनार सम्हाल्दै अफगानिस्तानलाई जितको आशा दिलाएका नजिबुल्लाह जद्रान ३२ औं ओभरमा ४३ रन बनाएर आउट भए। उनले ५६ बलमा ६ चौका प्रहार गरे।

३२.४ ओभरमा अफगानिस्तान १५२ रनमा समेटिन पुग्यो।

श्रीलंकाको बलिंगमा नुवान प्रदिपले सर्वाधिक ४ विकेट ( ९-१-३१-४ ), लासिथ मालिंगाले ३ ( ६.४-०-३९-३ ) तथा इसुरु उडाना र थिसारा परेराले १/१ विकेट लिए। करियरकै उत्कृस्ट बलिंग गरेका प्रदिप खेलको प्लेयर अफ द म्याच समेत चुनिए। स्कोरकार्ड  अंकतालिका 

नाबीको उत्कृस्ट बलिंग 

यस अघि पहिले ब्याटिंग गरेको श्रीलंकाले ३६.५ ओभरमा सम्पूर्ण विकेट गुमाएर २०१ रन बनाएको थियो। ३३ ओभरमा १८२/८ को योगफल रहंदा वर्षाले खेल रोकिएपछि खेल ४१ ओभरमा छोट्याइएको थियो। बाँकी २ विकेट गुमाउदा श्रीलंकाले थप १९ रन जोड्यो।

श्रीलंकाको लागि ओपनर कुशल परेराले सर्वाधिक ७८ रन बनाए। कप्तान डिमुथ करुनारत्नेले ३०, लहिरु थिरमानेले २५, सुरंगा लक्मलले अविजित १५ , इशुरु उडानाले १० रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

श्रीलंकाको लागि ओपनर कुशल परेरा र डिमुथ करुनारत्नेले पहिलो विकेटको रुपमा ९२ रन जोडेका थिए। डिमुथ ३० रन बनाएर आउट हुँदा दोश्रो विकेटको लागि परेराले लाहिरु थिरमानेसंग ५२ रनको साझेदारी गरे। थिरमानेलाई अफ स्पिनर मोहम्मद नाबीले २५ रनको व्यक्तिगत योगफलमा आउट गरे पछि श्रीलंकाले लगातार विकेट गुमाउन पुग्यो।

कुशल मेन्डिस २ रन, एन्जेलो म्याथुज र धनन्जय डी सिल्भा खाता नकोहली, थिसारा परेरा २ तथा इशुरु उडाना १० रन बनाएर आउट भए। एक किनारमा विकेट जोगाईराखेका परेरा पनि ३३ औं ओभरमा आउट भए। ७८ रन बनाउने क्रममा उनले ८१ बलमा ८ चौका प्रहार गरे।

अफगानिस्तानको लागि अनुभवी अफस्पिनर मोहम्मद नाबीले ४ विकेट ( ९-०-३०-४ ) लिए। यस्तै दौलत जद्रान ( ४-०-१९-१ ) , ,हमिद हसन ( ७-०-५३-१ ) र राशिद खान ( ६-१-१४-१ ) ले १/१ विकेट लिए।





थप समाचार

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]