अफगानिस्थानलाई पराजित गर्दै श्रीलंका फाइनलमा, भारतसंग फाइनल पक्का



  • विकेटनेपाल, असोज १९ 

बंगलादेशमा जारि यु-१९ युथ एसिया कप प्रतियोगताको फाइनलमा भारत र श्रीलंकाले प्रतिस्पर्धा गर्ने पक्का भएको छ।

शुक्रबार सम्पन्न दोश्रो सेमीफाइनलमा श्रीलंकाले अफगानिस्थानलाई ३१ रनले पराजित गर्दै भारतसंगको फाइनल पक्का गरेको हो। भारतले यस अघि बिहिबार सम्पन्न पहिलो सेमीफाइनलमा बंगलादेशलाई २ रनले पराजित गर्दै फाइनलमा स्थान बनाएको थियो।

प्रतियोगिताको फाइनल आइतबार शेरे बांग्ला स्टेडियम ढाकामा खेलिनेछ।

श्रीलंकाको अपराजित यात्रा, अफगानिस्तान स्तब्ध 

गत बर्षको बिजेता टिम अफगानिस्थानलाई श्रीलंकाले ३१ रनले पराजित गर्दै दोश्रो पटक फाइनल पुग्ने सपना चकनाचुर पार्यो।

टस जितेर शेरे बांग्ला स्टेडियममा श्रीलंकालाई ब्याटिंगको निम्तो दिएपछि श्रीलंकाले ५० ओभरमा ७ विकेट गुमाएर २०९ रनको योगफल तयार गरेको थियो।

पहिलो ४ विकेट ४२ रनको स्कोरमा गुमाएको श्रीलंकाको लागि नुवानिडु फर्नान्डोले शतकीय इनिंग खेल्दै स्कोर २०० पार गराएका थिए। १११ रन बनाउने क्रममा उनले १२९ बलमा ९ चौका र ३ छक्का प्रहार गरे। अफगानिस्थान बलर अब्दुल रहमानले सर्वाधिक ३ विकेट ( ९-२-४२-३ ) हात पारे।

२१० रनको लक्ष्य पछ्याउने क्रममा अफगानिस्थानले राम्रो सुरुवात गरे पनि निरन्तर अन्तरालमा विकेट गुमाउन पुग्यो। ११३/२ को बलियो अवस्थामा रहेको अफगानिस्थानले त्यसपछि ६५ रन जोड्दा सम्पूर्ण विकेट गुमाउन पुगेको थियो। श्रीलंका बलर शशिका दुल्शनले सर्वाधिक ४ विकेट ( ९.३-३-२४-४ ) लिए।

यस अघि पहिलो सेमीफाइनल खेलमा भारतले बंगलादेशलाई २ रनले पराजित गरेको थियो। पहिले ब्याटिंग गरेको भारतले पहिलो इनिंगमा १७२ रनमा सबै विकेट गुमाएको थियो। लक्ष्य पछ्याउने क्रममा अफगानिस्थानले २० औं ओभरमा सुरुवाति ५ विकेट ६५ रनमा गुमाएपनि त्यसपछि ३६ औं ओभरमा १३९/५ को स्कोरसम्म पुगेको थियो। जितको लागि मात्र ३४ रन आवस्यक र हातमा ५ विकेट रहेको अवस्थामा लगातार विकेट गुमाउन पुग्दा खेल मात्र २ रनले बंगलादेश हार्न पुगेको थियो।

प्रतियोगितामा नेपाल समुह चरणमा भारत र अफगानस्थानसंग पराजित हुँदै बाहिरिएको थियो भने युएई बिरुद्ध सान्त्वना जित हात पारेको थियो। समुह ‘ए’ बाट भारत र अफगानिस्तान तथा समुह ‘बि’ बाट श्रीलंका र बंगलादेश सेमीफाइनल प्रवेश गरेका थिए।

( फोटोहरु – एसीसी )





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]