भारतबिरुद्ध श्रीलंकाको शानदार जित



  • विकेटनेपाल, फाल्गुन २२ 

श्रीलंकामा सुरु भएको निधास टि-२० ट्रफी अन्तर्गत पहिलो खेलमा श्रीलंकाले भारतलाई ५ विकेटले पराजित गरेको छ। भारतले दिएको १७५ रनको लक्ष्य श्रीलंकाले १९ औ ओभरमा मात्र ५ विकेट गुमाएर पुरा गरेको हो। योसंगै श्रीलंकाले भारतसंग लगातार ७ वटा टि-२० मा हारको शिलशिलालाई रोकेको छ।

लक्ष्य पछ्याउने क्रममा श्रीलंकाको लागि कुशल परेराले सर्वाधिक ६६ रन प्रहार गरेका थिए जुन क्रममा उनले मात्र ३७ बलमा ६ चौका र ४ छक्का प्रहार गर्दै श्रीलंकन टिमको जितको आधार तयार गरेका थिए।यस्तै थिसारा परेराले अविजित २२ रन ( १० बल, २ चौका र १ छक्का ) गुनथीलकाले १९ रन तथा दासुन शनाकाले अविजित १५ रन बनाउदै टिमलाई जितसम्म पुर्याएका थिए।

१३६ रनको स्कोरमा ५ विकेट गुमाएको अवस्थामा परेरा र शनाकाले छैठौं विकेटको लागि ३९ रनको साझेदारी गर्दै टिमलाई जितसम्म पुर्याएका हुन्। भारतीय बलर युज्भेन्द्र चहल र वाशिंगटन सुन्दरले समान २/२ विकेट हात पारे पनि जितसम्म पुर्याउन सकेनन्।

भारतको ब्याटिंग  

टस हारेर ब्याटिंग गरेको भारतले पहिलो इनिंगमा २० ओभरमा ५ विकेट गुमाई १७४ रन बनाएको थियो। ओपनर शिखर धवनले विस्फोटक ब्याटिंग गर्दै ६ चौका र ६ छक्का मदतले मात्र ४९ बलमा ९० रनको योगदान दिए। मनिस पाण्डेले ३७, रिसब पन्तले २३ रन योगदान दिए। श्रीलंकन बलर दुश्मन्था चमिराले सर्वाधिक २ विकेट लिए।

श्रीलंका, भारत र बंगलादेश सम्मेलित निधास ट्रफी अन्तर्गत दोश्रो खेल बिहिबार ( मार्च ८ ) बंगलादेश र भारत बीच खेलिनेछ। एकअर्कासंग २/२ वटा खेल खेलेपछि अंकतालिकामा उत्कृस्ट हुने २ टिम बीच फाइनल खेल मार्च १८ मा खेलिनेछ। प्रतियोगितामा भारतीय नियमित कप्तान बिराट कोहलीको सट्टा रोहित शर्माले कप्तानी गरिरहेका छन्।

( फोटो – श्रीलंका क्रिकेट, आईसीसी )





थप समाचार

एपीएफद्वारा प्रदेश-१ लाई मध्यम लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत समुह ‘ए’ अन्तर्गतको दोश्रो खेलमा शनिवार नेपाल एपीएफ क्लब र प्रदेश नम्बर-१ प्रतिस्पर्धा गरिरहेका […]

भण्डारी र पुलामी चम्किदा आर्मीद्वारा गण्डकी सहजै पराजित

विभागीय टोलि त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा विजयी सुरुवात गरेको छ। समुह ‘ए’ अन्तर्गत टियु अन्तर्राष्ट्रिय क्रिकेट […]

बिनोदको शतकमा आर्मीद्वारा गण्डकीलाई कठिन लक्ष्य

राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एकदिवसीय राष्ट्रिय प्रतियोगिता काठमाडौँमा सुरु भएको छ। प्रतियोगिता अन्तर्गत समुह […]

प्रधानमन्त्री कप आज देखि ( सम्पूर्ण जानकारी )

राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एकदिवसीय राष्ट्रिय प्रतियोगिता आज देखि काठमाडौंमा सुरु हुँदैछ। प्रतियोगिता माघ […]

प्रम कप : ज्ञानेन्द्र कप्तानीको बागमतीमा राष्ट्रिय क्रिकेटरको बाहुल्यता

माघ २ गते देखि काठमाडौँमा सुरु हुने प्रधानमन्त्री कप एकदिवसीय राष्ट्रिय प्रतियोगिताको लागि बागमती प्रादेशिक क्रिकेट संघले राष्ट्रिय टिमका समेत […]

बिग ब्यास : रेनिगेड्सलाई हराउँदै हिट अंकतालिकाको पाचौं स्थानमा

जोए बर्न्सले विस्फोटक ब्याटिंग गर्दा अष्ट्रेलियामा जारि १० औं संस्करणको बिग ब्यास लिग अन्तर्गत बिहिबार सम्पन्न ३९ औं खेलमा क्रिस […]