कोहलीको प्रदर्शनले भारत बलियो, श्रीलंका सम्हालिने प्रयासमा



  • विकेटनेपाल, मङ्सिर १७

भारत पहिलो पारि: ५३६/७ पारि घोषणा (कोहली २४३, बिजय १५५, शंदाकान ४/१६७), श्रीलंका पहिलो पारि: १३१/३ (म्याथ्युज ५७*, परेरा ४२, जडेजा १/२४, शामी १/३०) – श्रीलंका ४०५ रनले पछाडी

भारत र श्रीलंकाबीच जारि तेस्रो टेस्ट क्रिकेटको दोश्रो दिन भारतले बिशाल स्कोर खडा गर्दै पारि घोषणा गरेपछि श्रीलंका पुनः समस्यामा देखिएको छ।

कप्तान विराट कोहलीले करियरको छैठौं दोहोरो शतक बनाएपछि ७ विकेट गुमाएर ५३६ रन बनाउदा भारतले पारी समाप्तीको घोषणा गरेको थियो।

श्रीलंकाले दोश्रो दिनको खेल सकिंदा श्रीलंका ३ विकेट गुमाएर १३१ रन बनाएको छ र भारत भन्दा ४०५ रनले पछाडी रहेको छ ।

एन्जेलो म्याथुज ५७ तथा कप्तान दिनेश चण्डीमाल २५ रन बनाएर क्रिजमा छन् । ओपनर दिमुथ करुनारत्ने ० रनमै शामीको बलमा कट बिहाइन्ड भएपछि अर्का ओपनर दिल्रुवान परेराले ४२ रन बनाए। ९ चौका प्रहार गरेका परेरालाई रबिन्द्र जडेजाले एलबिडब्लु धरापमा पारे। धनन्जय डी सिल्भा १ रनमा इशान शर्माको बलमा एलबिडब्लु भए। चौथो विकेटको लागि म्यथुज र चण्डीमालले ५६ रनको साझेदारी गरेका छन्।

यस अघि कोहलीले २४३ रनको पारी खेले जसमा २८७ बलमा २५ चौका सामेल छ । पहिलो दिन अविजित रहेका रोहित शर्माले १०२ बलमा ७ चौका र २ छक्का सहित ६५ रन बनाए । पहिलो दिन भारतका मुरली बिजयले ११ औ शतक प्रहार गर्ने क्रममा १५५ रनको पारि खेलेका थिए ।

श्रीलंकाका लक्षण शंदाकानले ४ विकेट लिदा ३३.५ ओभरमा १ मेडन राखेर १६७ रन खर्चे भने लाहिरु ग्यामेजले ९५ रन खर्चेर २ विकेट हातपारे ।

खराब वातवरणको कारण श्रीलंकाले लगातार अम्पाएरलाई खेल्न नसक्ने जनाएपछि कप्तान विराट कोहलीले पारि घोषणा गरेका थिए ।

यो पनि पढ्नुहोस्: कोहलीको छैठौं दोहोरो शतक, नयाँ बिश्वकिर्तिमान

बिराट कोहलीले दोहोरो शतक प्रहार गरेसंगे कप्तानको रुपमा सबैभन्दा धेरै दोहोरो शतक प्रहार गर्ने बिश्व किर्तिमान आफ्नो नाममा लेखाएका छन्। यसभन्दा पहिला यो किर्तिमान वेस्ट इन्डिजका ब्र्यान लाराको नाममा रहेको थियो जसले ५ शतक प्रहार गरेका थिए। त्यस्तै भारतका लागि सबैभन्दा धेरै दोहोरो शतक लगाउने खेलाडीहरुको सुचिमा सचिन तेन्दुलकर र विरेन्द्र सेहवागको नाममा रहेको रेकर्डको बराबरी गरेका छन् ।

छैठौ १७५+ को स्कोर बनाएसँगै कप्तानको रुपमा सबैभन्दा धेरै १७५ वा त्यो भन्दा धेरै रन बनाउँने किर्तिमानमा पनि बराबरी गरेका छन्, अस्ट्रेलियाका डन ब्राडम्यान र वेस्ट इन्डिजका ब्रायन लाराले पनि ६ वटा १७५+ को स्कोर बनाएका थिए ।

 

 

(Photo: BCCI.TV)





थप समाचार

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]