श्रीलंकाद्वारा टि-२० सिरिज पनि कब्जा

sri lanka bangladesh


  • विकेटनेपाल, फाल्गुन-७ सोमबार 

बंगलादेश र श्रीलंका बीचको  दोश्रो  टि-२० अन्तर्राष्ट्रियमा श्रीलंका ७५ रनले बिजयी भएको छ। यस जितसंगै श्रीलंकाले टि-२० शृंखला २-० को नतिजाले आफ्नो नाममा पारेको छ | यसअघि त्रिकोणात्मक एकदिवसीय अन्तर्राष्ट्रिय शृंखला र टेस्ट सिरिज श्रीलंकालेनै जितेको थियो | टि-२० अन्तर्राष्ट्रियमा यो बंगलादेशको पछिल्लो १३ खेलमा १२ औं हार हो |

स्याईलहेत अन्तर्राष्ट्रिय  क्रिकेट मैदानमा सम्पन्न खेलमा टस हारेर पहिले ब्याटिंगको निम्तो पाएको श्रीलंकाले २० ओभरमा ४ विकेट गुमाउंदै २१० रन बनाएको थियो | श्रीलंकाका लागि कुशल मेन्डिसले ७० ( ६ चौका, ३ छक्का) रनको शानदार पारी खेले | त्यसैगरी  धनुश्का गुनाथालिकाले ४२ , थिसारा परेराले  ३१, दसुन शनाकाले ३० र उपुल थरंगाले  २५ रनको योगदान गरे | बंगालदेशका लागि बलिंगतर्फ अबु जायेद मुस्ताफिजुर रहमान, मोहम्मद सैफुद्दीन र सौमयु सरकारले समान १-१  विकेट चट्काए |

कुशल मेन्दिस

२११ रनको विशाल लक्ष पछ्याउन उत्रिएको बंगलादेशले १८.४ ओभरमा सबै विकेट गुमाउदै १३५ रनमात्र बनाउन सक्यो र ७५ रनले पराजित भयो ।

बंगालदेशका लागि कप्तान मह्मुदुल्लाहले सर्भाधिक ४१ रन जोडे | ३१ बलको सामना गरेका मह्मुदुल्लाहले ४ चौका र १ छक्का प्रहार गरेका थिए |त्यसैगरी ओपनर तमिम इक्बालले २९, मोहम्मद सैफुद्दीनले २० र मेहेदी हसनले ११ रनको योगदान गरे भने अन्य कुनै पनि ब्याट्सम्यानहरुले दोहोरो अंक छुन सकेनन् | दोश्रो पारीमा ८ जना बलर प्रयोग गरेको श्रीलंकन टोलीका लागि थिसारा परेरा बाहेक सबैले विकेट लिएका थिए जसमा शेहान मदुशंका र धनुस्का गुनाथालिकाले सर्भाधिक २-२ विकेट लिए भने बाकी सबै बलरले १-१ विकेट हात पारे |

दोश्रो खेलमा ४२ बलमा ७० रनको उत्कृष्ट पारी खेल्दै शृंखलामा २ अर्ध शतक प्रहार गर्न सफल कुशल मेन्डिस प्लेयर अफ दि म्याचका साथै प्लेयर अफ द सिरिज घोषित भए |

प्लेयर अफ  दि म्याच र प्लेयर अफ द सिरिज का साथ कुशल मेन्डिस

 





थप समाचार

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]