सन्दिप बिना मैदान उत्रिएको सिल्हेटको लज्जास्पद हार



  • विकेटनेपाल – १ माघ, मंगलावर

बंगलादेश प्रिमियर लिग ( बिपिएल ) क्रिकेट अन्तर्गत सन्दिप लामिछाने सम्मिलित टोलि सिल्हेट सिक्सर्सले कोमिल्ला भिक्टोरियन्स बिरुद्ध लज्जास्पद हार बेहोरेको छ।

घरेलु मैदानमा सन्दिप लामिछाने बिनानै मैदान उत्रिएको सिल्हेटलाई कोमिल्ला भिक्टोरियन्सले ८ विकेटले पराजित गर्यो। पछिल्ला दुई खेलमा लगातार विकेट बिहिन बनेपछि मंगलावरको खेलमा टोलिले सन्दिपलाई सुरुवाती ११ मा स्थान दिएन। प्रतियोगिता अन्तर्गत यसअघि ढाकामा सम्पन्न सिल्हेट र कोमिल्ला बिरुद्धको खेलमा भने सन्दिपले १६ रन खर्चिएर २ विकेट हात पारेका थिए।


सिल्हेट अन्तर्राष्ट्रिय क्रिकेट मैदानमा सम्पन्न खेलमा टस जितेर बलिंग गर्ने निर्णय लिएको कोमिल्लाले सिल्हेटलाई १४.५ ओभरमा ६८ रनमा समेट्न पुग्यो। सिल्हेटको इनिंगमा आलोक कपालीले अविजित ३३ रन जोड्न बाहेक अन्य कुनै ब्याट्सम्यानले दोहोरो अंकमा रन जोड्न सकेनन्। सिल्हेटका ४ ब्याट्सम्यान ० रनको स्कोरमा पभेलियन फर्किएका थिए।

घरेलु टोलीलाई सस्तैमा समेट्न कोमिल्लाका महेदी हसनले सर्वाधिक ४ विकेट हात पारे। आफ्नो ४ ओभरको स्पेलमा हसनले २२ रन खर्चिंदा डेभिड वार्नर, आन्द्रे फ्लेचर, अफिफ हुसेन र सोहेल तनवीरलाई पभेलियनको बाटो देखाएका थिए। यस्तै वाहब रियाजको नाममा भने ३ विकेट (२.५- ०-१५-३) रह्यो।

Mahedi Hasan
Mahedi Hasan

जवाफमा ६९ रनको सामन्य लक्ष्य कोमिल्लाले ११.१ ओभरमा २ विकेट गुमाएर पुरा गर्यो। कोमिल्लालाई जितसम्म पुर्याउन शम्शुर रहमानले अविजित ३४ तथा कप्तान इम्रुल कायसले अविजित ३० रन जोडे।

लगातार तेस्रो खेलको हारसंगै सिल्हेट अंकतालिकाको अन्तिम स्थानमा रहेको छ। ४ खेलमा १ जित र ३ हार रहेको सिल्हेटको २ अंक रहेको छ। यस्तै बिजयी टोलि कोमिल्लाभने ५ खेलमा ३ जित र २ हार सहित तालिकाको दोस्रो स्थानमा रहेको छ।

अंकतालिकाको शिर्ष स्थानमा ढाका (८ अंक), तेस्रो स्थानमा चिट्टागोंग ( ६ अंक ), चौथो स्थानमा रंगपुर ( ४ अंक ), पाँचौ स्थानमा राजशाही ( ४ अंक ) र छैठौं स्थानमा खुल्ना ( २ अंक ) रहेका छन्।

तस्बिर स्रोत : कोमिल्ला भिक्टोरियन्स 

 





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]