ललितपुर मेयर महिला टि-२० : सुमन चम्किदा मेयर्स-११ को पहिलो जित



पहिलो संस्करणको ललितपुर मेयर महिला च्याम्पियनसिप टि-२० अन्तर्गत दोश्रो दिन सम्पन्न दोश्रो खेलमा ललितपुर मेयर्स-११ ले लुम्बिनी प्रदेशलाई २७ रनले पराजित गर्दै पहिलो जित दर्ता गरेको छ। पहिलो खेलमा मेयर्स-११ लाई सुदूरपश्चिम प्रदेशले ७ विकेटले पराजित गरेको थियो।

टियु मैदान किर्तिपुरमा सम्पन्न खेलमा ललितपुर मेयर्स-११ ले दिएको १४५ रनको लक्ष्य पछ्याउने क्रममा लुम्बिनी प्रदेशले पुरै २० ओभर ब्याटिंग गरेता पनि ५ विकेट गुमाएर ११७ रन मात्र बनाउन सक्यो। स्कोरकार्ड, अंकतालिका 

लुम्बिनी प्रदेशको लागि सरस्वति जीएमले सर्वाधिक अविजित ४६ रन योगदान दिईन् जुन क्रममा ५२ बलमा २ चौका प्रहार गरिन्। कप्तान नेरी थापा र नितु भण्डारीले समान २० रन बनाए।

मेयर्स-११ को बलिंगमा सरस्वती चौधरी, आरति बिडारि र शिला क्षेत्रीले समान १ विकेट हात पारे।

यस अघि टस जितेर ब्याटिंग गरेको ललितपुर मेयर्स-११ ले निर्धारित २० ओभरमा ५ विकेट क्षेतीमा १४४ रन बनाएको थियो।

मेयर्स-११ को लागि छैठौं नम्बरमा ब्याटिंग गरेकी सुमन खतिवडाले सर्वाधिक अविजित ७७ रन योगदान दिईन् जुन क्रममा उनले ५२ बलमा ९ चौका र २ छक्का प्रहार गरिन्। अस्मिना कर्माचार्यले अविजित २० तथा अनुराधा चौधरीले १० रन योगदान दिए।

एक समय ३६ रनको योगफलमा ५ विकेट गुमाएको मेयर्स-११ लाई सुमन र अस्मिनाले अविजित १०८ रनको साझेदारी गर्दै विशाल योगफलतर्फ डोर्याएका थिए।

खेलको प्लेयर अफ द म्याच सुमन खतिवडा घोषित भईन्।

प्रतियोगिता अन्तर्गत सोमबार एक मात्र खेल लुम्बिनी प्रदेश र प्रदेश नम्बर-१ बीच खेलिनेछ। दुवै टिमले आफ्नो पहिलो खेलमा हार बेहोरीसकेका छन्।

धेरैले पढेको 

नेदरल्याण्ड र मलेसियासंग त्रिकोणात्मक सिरिजको लागि नेपाली टिमको घोषणा

ललितपुर मेयर महिला टि-२० : एपीएफको लगातार जित

IPL : बैंगलोर ओपनर पडीक्कललाई कोरोना, सुरुवाती खेल गुमाउन सक्ने





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]