अष्ट्रेलियाको प्रिमियर लिग क्रिकेटमा सुनम गौतमको शतक



  • विकेटनेपाल – कार्तिक २५, आइतवार

पुर्व यु-१९ राष्ट्रिय खेलाडी सुनम गौतमले अष्ट्रेलियाको घरेलु क्रिकेटमा शतकीय पारि खेलेका छन्। घरेलु क्रिकेट प्रतियोगिता भिक्टोरियन प्रिमियर लिग क्रिकेटमा ग्रिन्भेल कंगारुजको टोलीबाट खेल्दै सुनमले शतक बनाएका हुन्।

अष्ट्रेलियाको कुनैपनि स्तरको घरेलु क्रिकेटमा नेपाली खेलाडीले बनाएको यो पहिलो शतक हो। सुनम पछिल्लो केहि बर्ष यता अष्ट्रेलियामा बस्दै आएका छन्।

नेपालमा रहंदा सुनमले उमेर समुहको राष्ट्रिय टोलीबाट अन्तर्राष्ट्रिय प्रतियोगिता खेलिसकेका छन्। नेपाली यु-१७ र यु-१९ टोलीका सुनम महत्वपूर्ण सदस्य थिए। सिनियर राष्ट्रिय टोलीको क्याम्पमा रहेका समयमानै सुनम अष्ट्रेलिया उडेका थिए। सन् २०१७ को एभरेष्ट प्रिमियर लिग सिजनमा चितवन टाइगर्सको टोलीमा रहेपनि सुनमको प्रदर्शन सिंगो टोलीकोझैँ राम्रो रहन सकेको थिएन।

भिक्टोरियन प्रिमियर लिग क्रिकेटमा ग्रिन्भेल कंगारुजबाट पहिलो लेभेलको क्रिकेट खेल्ने सुनम लगातार राम्रो प्रदर्शन गर्दै आइरहेका छन्। प्रिमियर लिग क्रिकेटमा गरेकै प्रदर्शनको आधारमा यस अघिको बिग ब्यास लिग (बिबिएल) सिजनमा सुनमलाई मेलबर्न स्टार्सले ट्रायलका लागि समेत लिएको थियो।

Sunam Gautam
Sunam Gautam

प्रिमियर लिग क्रिकेटमा सुनमको शतक :

भिक्टोरियन प्रिमियर लिगलाई अष्ट्रेलियन टोलीमा छनौट हुने दोस्रो खुड्किलोका रुपमा लिइन्छ। प्रिमियर लिगमा गरेको प्रदर्शनको आधारमा अष्ट्रेलियन स्टेट टोलीमा खेलाडी छनौट हुने गर्दछन्। स्टेट क्रिकेटमा उत्कृस्ट प्रदर्शन गर्ने खेलाडीले अष्ट्रेलियन राष्ट्रिय टोलिमा स्थान बनाउँछन्।

Sunam Gutam
Sunam Gutam

” एकदम खुशी लागिरहेको छ। र मुख्य चाहिं नेपाललाई चिनाउन पाउँदा अझ खुशी छु। यसले गर्दा यहाँ रहेका अन्य नेपालीहरुले पनि खेल्न पाउने मौका हुन्छ।” अष्ट्रेलियाको उच्च स्तरको घरेलु प्रतियोगितामा शतक बनाउंदाको खुशी व्यक्त गर्दै सुनमले भने।

सोहि प्रिमियर लिग क्रिकेटमा कोकाबुरा मेन्स प्रिमियर फर्स्ट ग्रेड अन्तर्गत प्रह्रण बिरुद्ध सुनमले शतक बनाएका हुन्। प्रतियोगिताको पाँचौ चरणको खेलमा सुनमले शतक बनाएपनि उनको टोलि कंगारुजले प्रह्रण बिरुद्ध खेल बराबरीमा अन्त्य गर्यो।

टस जितेर पहिले ब्याटिंगमा उत्रिएको प्रह्रणले ५ विकेट गुमाएर ३६६ रन जोड्दै इनिंग समाप्तिको घोषणा गरेको थियो। कंगारुजको बलिंगतर्फ सुनमले ३ विकेट (३३-६-११५-३) समेत लिएका थिए।

Sunam Gautam's Batting Performance
Sunam Gautam’s Batting Performance

जवाफी ब्याटिंगमा उत्रिएको कंगारुजले ९७ ओभर ब्याटिंग गर्दै ६ विकेट गुमाएर ३०९ रन जोडेपछी खेल बराबरीमा अन्त्य भयो। कंगारुजको इनिंगमा सुनमले सर्वाधिक १०६ रन जोडे। चौथो नम्बरमा ब्याटिंग गर्न उत्रिएका उनले ११३ बलको सामना गर्दै १२ चौका प्रहार गरे।

यस सिजन ६ खेल खेलेका सुनमले उत्कृस्ट लयमा रहँदै २६९ रन बनाएका छन्। यस्तै बलिंगतर्फ समेत सुनमको नाममा ९ विकेट रहेको छ।





थप समाचार

कोभिड-१९ बिरुद्ध लड्न सन्दिपले सुरु गरे आर्थिक अभियान

स्टार नेपाली लेग स्पिनर सन्दिप लामिछानेले कोभीड-१९ महामारी बिरुद्ध सहयोग अभियान सुरु गरेका छन्। सामाजिक संजाल मार्फत अभियानको घोषणा गर्दै […]

वेस्टइन्डिज भ्रमणको लागि अस्ट्रेलियन टिम घोषित, लाबुशेन बाहिर

वेस्टइन्डिज भ्रमणको लागि क्रिकेट अस्ट्रेलियाले २३ सदस्यीय टिमको सोमबार घोषणा गरेको छ। भ्रमणमा अस्ट्रेलियाले वेस्टइन्डिज बिरुद्ध पाँचवटा टि-ट्वान्टी अन्तर्राष्ट्रिय र […]

न्युजिल्यान्ड बिरुद्ध टेस्ट सिरिजबाट बाहिरिए आर्चर

इंग्ल्यान्ड फास्ट बलर जोफ्रा आर्चर न्युजिल्यान्ड बिरुद्ध जुन २ बाट सुरु हुने दुई टेस्टको सिरिजबाट बाहिर भएका छन्। कुइनोको चोट […]

“१०-१२ वर्ष एन्जाइटिले सतायो, कैयौं रात नसुती बिताएको छु” सचिन तेन्दुलकर

भारतीय क्रिकेट लेजेण्ड सचिन तेन्दुलकरले आफ्नो २४ वर्षीय क्रिकेट करियरको ठूलो हिस्सा एन्जाइटिसंग ( भय, त्रास, अत्यासको अवस्था ) जुझेको […]

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]