एलपीएल : सन्दिपको विस्फोटक ब्याटिंग गर्दा लिटिल बुद्धको फराकिलो जित

Sundeep Jora


धनगढीमा जारी तेस्रो निष्ट लिटल फ्लावर प्रिमियर लिग अन्तरगत आजको खेलमा सरस्वती माबि गेटा कैलाली र लिटिल बुद्ध कञ्चनपुर विजयी भएका छन्।

आजको पहिलो खेलमा सरस्वतीले भक्तपुर निस्टलाई ६ विकेटले पराजित गरेको छ।

बिहिवार सम्पन्न पहिलो खेलमा भक्तपुर निस्टले जितको लागि दिएको १ सय ७ रनको समान्य लक्ष्य १६ दशमलव १ ओभरमा ४ विकेट गुमाउँदै पुरा गर्यो। सरस्वतीको जितमा कप्तान आयुब चन्दले अविजित ४१, अरुण महराले २४, हृदय बिठारिले १८ तथा आशिष पनेरुले अविजित १० रनको योगदान दिए।

यस अघि टस हारेर पहिला ब्याटिङ गरेको भक्तपुर निस्ट स्कुलले १९ दशमलव ३ ओभरमा सबै विकेट गुमाएर मात्र १ सय ६ रन मात्र बनाउन सकेको थियो। खेलको म्यान अफ द म्याच सरस्वतीको आयुव चन्द भए। प्रतियोगितामा लगातार दोस्रो खेलमा पराजय भएपछि भक्तपुर निस्ट प्रतियोगिताबाट बाहिरिएको छ।

लिटिल बुद्धको जितमा सन्दिपको विस्फोटक ब्याटिंग 

आजै भएको दोश्रो खेलमा लिटिल बुद्ध एकेडेमी कञ्चनपुरले एबिसी आवासीय नेपालगन्जलाई ९६ रनको फराकिलो अन्तरले पराजित गरेको छ।

लिटिल बुद्धका कप्तान तथा नेपाली अन्डर–१९ टोलिका सदस्य सन्दिप जोराले ब्याटिङ र बलिङतर्फ उत्कृष्ट प्रदर्शन गरेपछी लिटिल बुद्धले एबिसी आवासियलाई फराकिलो अन्तरले पराजित गरेको हो।

Sundeep Jora
Sundeep Jora

लिटिल बुद्ध एकेडेमी कंचनपुरले जितको लागि दिएको २ सय २ रनको विशाल लक्ष्य पछ्याउँदै जवाफी ब्याटिङ गरेको एबिसी आवासीय नेपालगन्ज १४ दशमलव ४ ओभरमा मात्र १ सय ५ रनमै समेटियो। एबिसी स्कुललाई सस्तैमा समेट्ने क्रममा बलिङतर्फ लिटिल बुद्धका हेमन्त कार्किले ४ , रोचक ऐरले २, पारस क्षेत्री र कप्तान सन्दीप जोराले समान १/१ विकेट लिए।

यस अघि टस जितेर पहिला ब्याटिङ गरेको लिटिल बुद्ध एकेडेमी कंचनपुरले सन्दिप जोरा र सुशील खड्काको अर्धशतकिय पारीको मदत्तले २० ओभरमा ३ विकेट गुमाउँदै २ सय १ रनको विशाल योगफल तयार पारेको थियो। प्रतियोगितमा एक टिमले बनाएको यो सर्वाधिक रन हो।

कप्तान जोराले अविजित रहदै ८३ रन बनाए जुन क्रममा मात्र ३८ बलमा १० छक्का र १ चौका प्रहार गरे। लिटिल बुद्धको लागि ब्याटिङ र बलिङमा उत्कृष्ट प्रदर्शन गरेका कप्तान सन्दिप जोरा खेलको म्यान अफ द म्याच घोषणा भएका छ्न्।

प्रतियोगिताको विजेताले १ लाख ११ हजार १ सय ११ प्राप्त गर्नेछ। उपविजेताले ५५ हजार ५ सय ५५ नगदका साथै ट्रफी पाउने छन्। प्रतियोगिताको उत्कृष्ट खेलाडीले नगद १० हजार, उत्कृष्ट व्याट्सम्यान, उत्कृष्ट वलर र उदयमान खेलाडीलाई नगद ५ हजार सहित ट्रफी प्रदान गरिने छ । प्रत्येक खेलको म्यान अफ द म्याच अन्तर्गत लिग चरणमा प्रति खेल नगद एक हजार, नकआउट चरणमा प्रति खेल नगद एक हजार ५ सय र फाईनलमा नगद २ हजार ट्रफी र प्रमाणपत्र पुरस्कार दिईने छ।

प्रतियोगिता संस्कार क्रिकेट एकेडेमी धनगढीको आयोजना तथा निष्ट कलेज लैनचौरको मुख्य प्रायोजनामा सञ्चालन भईरहेको छ। प्रतियोगितामा देशभरिका १२ टिमले सहभागीता जनाएका छन् ।

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]