खुकुरी कप : धमलाको अलराउण्ड प्रदर्शनमा शान्तिनगरको जित



  • विकेटनेपाल, माघ १४ – आइतबार

खुकुरी च्यालेंजर्स कप टी २० क्रिकेट प्रतियोगितामा आइतबार भएका खेलहरुमा शान्तीनगर युथ क्लब र काठमाण्डौ क्रिकेट ट्रेनिंग सेन्टर (केसीटीसी) ले जित प्राप्त गरेका छन ।

पहिलो खेल: शान्तिनगर युथ क्लब Vs अल्टिमेट इन्डोर क्रिकेट

मुलपानी मैदानमा भएको खेलमा टस हारेर पहिले ब्याटिंग गरेको शान्तीनगर युथ क्लबले २० ओभरमा ९ विकेट गुमाएर १३६ रन बनाएको थियो ।

कप्तान मन्जित श्रेष्ठले ४१ रन (४० बल, १ चौका, ३ छक्का) तथा पुर्षोत्तम झाले ३१ रन (३४ बल, ३ चौका) प्रहार गरेपछी शान्तिनगरले सम्मानजनक योगफल तयार पार्यो। सिद्धान्त लोहनी  शुन्यमै आउट हुँदा सुनिल धमलाले २३ रन योगदान दिए। बलिंगतर्फ अल्टिमेट इन्डोर क्रिकेटका कृष्ण सिंह नेगीले ३५ रन खर्चेर ४ विकेट तथा तथा जितेन्द्र यादवले ३ र नरेश थापाले २ विकेट हात पारे ।

जवाफमा ब्याटिंग गर्न उत्रिएको अल्टिमेट इन्डोर क्रिकेटले २० ओभरमा ६ विकेट गुमाएर मात्र १०० रन बनाउदै ३६ रनले पराजित हुन पुग्यो । किरण ठगुन्नाले अर्धशतक (५०* रन, ४२ बल, १ चौका, ३ छक्का) बनाएपनि अन्य ब्याट्सम्यानले साथ दिएनन् ।

म्यान अफ द म्याच चुनिएका शान्तिनगर युथ क्लबका सुनिल धमलाले २ विकेट ( ४-०-१३-२ ) लिए।

 

म्यान अफ द म्याच सुनिल धमला

दोश्रो खेल: काठमान्डौ क्रिकेट सेन्टर Vs आरसीए प्युठान च्यालेंजर्स

मुलपानी मैदानमा दिनको दोश्रो खेलमा टस जितेर ब्याटिंग गरेको केसीटीसीले २० ओभरमा ५ विकेट गुमाएर १४७ रन बनाएको थियो। उसका कप्तान संजय बस्नेतले अविजित ४६ रन (३१ बल, ८ चौका र १ छक्का), सुधिर चौधरी ३३ रन तथा सुमित महर्जनले २९ रन बनाए ।

बलिंगतर्फ आरसीए प्युठान च्यालेंजर्सका प्रेम तामांगले ३ विकेट हात पारेका थिए।

म्यान अफ द म्याच संजय बस्नेत

जवाफमा आरसीए प्युठान च्यालेंजर्सले २० ओभरमा २ विकेट गुमाएर १४० रन मात्रै बनाउन सक्यो र ७ रनले पराजित भयो। उसका लागि प्रेम तामांगले अविजित ५८ रन ( ५३ बल, ६ चौका र २ छक्का ) तथा राजबिर सिंहले ४७ रन ( ५१ बल, ६ चौका र १ छक्का ) बनाएपनि लक्ष्य भेट्टाउन सकेन।

संजय बस्नेत म्यान अफ द म्याच घोषित भए।

अंकतालिका 

भोलि हुने खेलहरु:

त्रिभुवन आर्मी क्लब Vs जिएचासिए

आईओई थापाथली Vs ओएसिस क्रिकेट एकेडेमी





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]