पुलिसको तेश्रो जीतमा सुनिल धमलाको अलराउण्ड प्रदर्शन

Sunil Dhamala


फिचर फोटो – सुनिल धमला ( फाइल )

  • विकेटनेपाल , बैशाख -९ 

दिपक गुप्ता मेमोरियल टि-२० क्रिकेट प्रतियोगिता अन्तर्गत आइतबार सम्पन्न २ वटा खेलमा नेपाल पुलिस क्लब र युनाइटेड क्रिकेट क्लबले जित हात पारेका छन्। पुलिसले फोनिक्स क्रिकेट क्लबलाई ३४ रनले तथा युनाइटेडले जनकपुर क्रिकेट टिमलाई ४० रनले पराजित गर्यो । प्रतियोगितामा समुह ‘ए’ मा रहेको पुलिसको यो लागातार तेश्रो जित हो।

समुह ‘ए’ मा तेश्रो जित पछि पुलिस क्लब ६ अँक सहित शिर्ष स्थानमा रहेको छ भने फोनिक्स क्रिकेट क्लब र युनाइटेड क्रिकेट क्लबले २ खेलमा १ जित र १ हार बेहोरेका छन्। जनकपुर क्रिकेट टिमले खेलेको ३ वटै खेलमा पराजय बेहोरेको छ।

पुलिसको जितमा धमलाको अलराउण्ड प्रदर्शन 

टस जितेर ब्याटिंग गरेको नेपाल पुलिस क्लबले २० ओभरमा ६ विकेट गुमाएर १६१ रनको योगफल तयार गरेको थियो। दिलिप नाथले सर्वाधिक ४५ रन योगदान दिने क्रममा मात्र २७ बलमा ४ चौका र ३ छक्का प्रहार गरे। सुनिल धमलाले २७ रन ( २३ बल, ४ चौका र १ छक्का ) , आरिफ शेखले २३ रन ( १२ बल, ३ छक्का ) को योगदान दिए।

Dilip Nath
दिलिप नाथले ४५ रन बनाए ( फाइल फोटो )

१६२ रन लक्ष्य पछ्याउने क्रममा फोनिक्सले २० ओभर ब्याटिंग गरे पनि ८ विकेट गुमाएर १२७ रन मात्रै बनाउन सक्यो। राजपल सल्कियाले सर्वाधिक ३७ तथा भारत नेवारले २५ रन योगदान दिए।

पुलिस बलर सुनिल धमला र दिपेन्द्र ऐरीले समान २/२ विकेट हात पारे भने ललित भण्डारी, ललित राजबंशी र योगेन्द्र कार्कीले पनि १/१ विकेट लिए। अल-राउण्ड योगदान दिएका सुनिल धमला खेलको प्लेयर अफ द म्याच चुनिए।

युनाइटेडसंग जनकपुर पराजित 

टस हारेर ब्याटिंग गर्दै युनाइटेड क्रिकेट क्लबले २० ओभरमा ४ विकेट क्षेतीमा १५७ रनको योगफल तयार गर्यो। राजा सिंह सर्वाधिक  रन ( ३३ बल, ५ चौका र १ छक्का ) बनाए भने हसिम अन्सारी र आराजब राजले समान ३६ रन योगदान दिए।

जनकपुर बलर संसाद शेखले ३ विकेट हात पार्न ४ ओभरमा २६ रन मात्रै खर्चिए।

हसिम अन्सारी ( फाइल फोटो )

१५८ रनको लक्ष्य पछ्याउने क्रममा जनकपुरले २० ओभरमा ८ विकेट गुमाएर ११७ रन मात्रै बनायो। ओपनर शंकर रानाले ४७ रन ( ५२ बल, ५ चौका र १ छक्का ) तथा हरिशंकर शाहले २८ रन बनाए पनि अन्य कुनै पनि ब्याट्सम्यानले दोहोरो अंकमा रन बनाउन नसक्नु जनकपुरको हारको कारण बन्नपुग्यो ।

युनाइटेड बलर सैदुल्लाह अन्सारी र हसिम अन्सारीले समान ३/३ विकेट हात पारे। खेलको प्लेयर अफ द म्याच हसिम अन्सारी घोषित भए।

प्रतियोगिताको बिजेता टिमले ३ लाख ११ हजार रुपैयाँ प्राप्त गर्नेछन्।





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]