सुनिल धमलाको अलराउण्ड प्रदर्शनमा पुलिस विजयी :आरपीएल टि-२०



  • विकेटनेपाल, असोज १८

रौतहटमा जारि रौतहट प्रिमियर लिग ( आरपीएल ) टि-२० अन्तर्गत समुह ‘बि’ अन्तर्गत पाचौं दिनमा सम्पन्न खेलमा नरेश बुढाएरको ब्याटिंग तथा बलरहरुको किफायती बलिंगको मद्दतमा वाईवाई ग्रेट हिमालय क्रिकेट एकेडेमीले नेक्सस क्रिकेट एकेडेमीलाई ४० रनले पराजित गरेको छ।

त्यस्तै आजै भएको दोश्रो खेलमा सुनिल धमलाले अलराउण्ड प्रदर्शन तथा अमित श्रेष्ठले अर्धशतक प्रहार गरेपछि नेपाल पुलिस क्लबले महाकाली क्रिकेट एकेडेमीलाई ४२ रनले पराजित गरेको छ।

किफायती बलिंगमा ग्रेट हिमालयको जित

पहिलो खेलमा टस हारेर पहिले ब्याटिंग गरेको वाईवाई ग्रेट हिमालय क्रिकेट एकडेमीले म्यान अफ द म्याच घोषित नरेश बुढाएरको ३० रन तथा रितेश सिंहको २९ रनको मद्दतमा २० ओभरमा ८ विकेट गुमाएर १५२ रनको योगफल तयार पारेको थियो। यस्तै अभिषेक बस्नेतले २२ र   सुशान्त तिमिल्सिनाले अविजित १४ रन बनाए।

बलिंगतर्फ नेक्सस क्रिकेट एकेडेमीका लागि हेमन्त थापा क्षेत्री र अर्जुन गिरिले समान ३/३ विकेट लिन क्रमशः २६ र ३१ रन खर्चे भने बिशाल पौडेल र सौगात भट्टराईको नाममा १/१ विकेट रह्यो।

जवाफमा लक्ष्य पछ्याएको नेक्ससले महेश रानाको ३२ रन (१९ बल, ५ चौका, १ छक्का) को मद्दतमा १९ ओभरमा सबै विकेट गुमाउँदै मात्र ११२ रन बनाउन सक्यो। यस्तै पारस लामिछानेले १७, बिशाल पौडेल र टेक बहादुर सलामीले समान १४ रन बनाए।

नेक्ससलाई सस्तैमा समेट्न हिमालयका लागि समान २/२ विकेट लिने क्रममा अनिल खरेलले ९, सुशान श्रेष्ठले १५ तथा बिक्रम सोब र सोनु तामांगले समान २० रन खर्चे।

सुनिल धमलाको अलराउण्ड प्रदर्शनमा पुलिस बिजयी

टस हारेर पहिले ब्याटिंग गरेको नेपाल पुलिस क्लबले अमित श्रेष्ठको ५६ रन (५५ बल, ८ चौका, १ छक्का) तथा सुनिल धमलाको ३५ रन (४० बल, ४ चौका, १ छक्का) को मद्दतमा १४५ रन बनाउन २० ओभरमा ७ विकेट गुमाएको थियो। त्यस्तै योगेन्द्र कार्कीले १३ तथा अभिनास कर्णले अविजित ११ रन बनाएका थिए।

बलिंगतर्फ महाकाली क्रिकेट एकेडेमीका लागि कृष्ण कार्कीले ४ विकेट लिनेक्रममा ४ ओभरमा ३४ रन खर्चिएपनि जितको लागि पर्याप्त भएन। त्यस्तै अभिनास बोहरा र अमरसिंह रौटेलाले १/१ विकेट लिए।

जवाफमा लक्ष्य पछ्याएको महाकाली क्रिकेट एकेडेमीले मिनस थापाको ३८ रनको बाबजुत २० ओभरमा ८ विकेट १०३ रनमात्र बनाउन सक्यो। उसलाई सस्तैमा   समेट्न म्यान अफ द म्याच घोषित सुनिल धमलाले ३ विकेट लिन १७ रन खर्चे भने योगेन्द्र कार्कीले २, मन्जीत श्रेष्ठ र प्रेम तामांगले १/१ विकेट लिए।





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]