सुनिलको अर्धशतक मदतले लुम्बिनी कसाई बिजयी



  • विकेटनेपाल- भैरहवा, ३ फागुन ।

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगितामा डिभिजन ‘बी’ अन्तर्गत बिहीबार भएको खेलमा लुम्बिनी कसाई क्रिकेट क्लब लुम्बिनीले गोलपार्क क्रिकेट क्लब बुटवलमाथि २ विकेटको जित निकालेको छ।

जितका लागि गोलपार्कले दिएको १ सय ४६ रनको लक्ष्य पछ्याउने क्रममा लुम्बिनी कसाईले निर्धारित ४० ओभरको खेलमा ८ विकेट गुमाई १ सय ४९ रन बनाउँदै जित निकाल्यो। उसको जितमा म्यान अफ द म्याच समेत रहेका सुनिल धवलले नटआउट ६१ रनको योगदान दिए भने सुजित खनालले २३ र धु्रव कुर्मीले २० रन बनाए। बलिङमा गोलपार्कका सुरज थापा र संदीप बश्यालले समान ३/३ विकेट लिए।

यसअघि टस जितेर पहिलो ब्याटिङ गर्दै गोलपार्कले निर्धारित खेलमा ३४ ओभर १ बलमा सबै विकेट गुमाई १ सय ४५ रनको योगफल तयार गरेको थियो । उसका लागि अरविन सारुले ७४, विनोद पाण्डेले २० र विक्रम मगरले १९ रन बनाए पनि जितका लागि पर्याप्त भएन । बलिङमा लुम्बिनी कसाईका रुपेश कुर्मी र अहम्मद हुसेनले समान ३/३ विकेट लिए भने अंकित शर्माले २ विकेट लिए।

शुक्रबार साई ग्लोबल क्रिकेट क्लब भैरहवा र बुटवल युथ क्रिकेट क्लब बुटवलबीच प्रतिस्पर्धा हुनेछ। प्रतियोगितामा जिल्लाका २१ क्लबको सहभागिता छ । प्रतियोगितामा विजेता क्लबले नगद ७० हजार प्राप्त गर्ने छ भने उपविजेताले नगद ३५ हजार प्राप्त गर्नेछ।यस्तै उत्कृष्ट खेलाडीले १० हजार, बेष्ट बलर र बेष्ट ब्याट्स म्यानले नगद ५/५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन्। नेपाल टेलिकमले मुख्य प्रायोजक रहेको सुपर लिगमा बुम रेमिट्यान्स र नेपाल अम्बुजा सिमेन्टले सहप्रायोजन गरेका छन् । प्रतियोगिता फागुन २६ गतेसम्म चल्नेछ।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]