एमएम कप वान-डे : प्रदेश-३ लाई जिताउन सुर्य तामाङको घातक बलिङ्ग



  • विकेटनेपाल, पुष २६ , बिहिबार 

सुनसरीको इनरुवामा जारी मनमोहन स्मृति एक दिवसीय राष्ट्रिय क्रिकेट प्रतियोगिता अन्तर्गत समुह ‘बि’ अन्तर्गतको तेश्रो खेलमा प्रदेश नम्बर-३ ले प्रदेश नम्बर-६ कर्णालीलाई ६ विकेटले पराजित गरेको छ।

समुह ‘बि’ बाट यस अघि दुवै खेल जित्दै त्रिभुवन आर्मी क्लब सेमीफाइनलमा प्रवेश गरिसकेको छ। समुह ‘ए’ बाट पनि नेपाल पुलिस क्लबले सेमीफाइनलमा स्थान पक्का गरिसकेको छ।

इनरुवा मैदानमा प्रदेश नम्बर-६ ले टस जितेर पहिले ब्याटिंग गर्दै २९.२ ओभरमा सम्पूर्ण विकेट गुमाउदा १११ रन मात्रै बनाउन सक्यो। कप्तान रबिन्द्र जंगले सर्वाधिक ३९, निश्चल रावतले २२ रन बनाउदा अन्य कुनै पनि ब्याट्सम्यानले दोहोरो अंकमा रन बनाउन सकेनन्। प्रदेश-३ ले ३२ रन अतिरिक्तको रुपमा खर्चेको थियो।

प्रदेश ३ का देब्रे हाते स्पिनर सुर्य तामाङले ५ विकेट लिंदै प्रदेश-६ को इनिंग ध्वस्त पारे। यु-१९ राष्ट्रिय क्रिकेटर समेत रहेका उनले ९.२ ओभर बलिङ्ग गर्दै २ मेडन ओभर सहित २२ रन मात्र खर्चिए।

Surya Tamang ( Photo - KCTC )
Surya Tamang ( Photo – KCTC )

११२ रनको लक्ष्य प्रदेश ३ ले २६.१ ओभरमा मात्र ४ विकेट गुमाएर भेटायो। आसुतोष घिरोइयाले अविजित २० तथा सोनु तामाङले अविजित १४ रन बनाए। त्यस अघि आदील खानले २६, इशान पाण्डेले २० तथा जितेन्द्र सिंह ठकुरीले १६ रन बनाए।

कर्णाली प्रदेशका बलर दिवं पुन, युवराज केसी, राज साह र रविन्द्र जंग शाहीले १/१ विकेट लिए।

सुर्य तामाङ खेलको प्लेयर अफ द म्याच समेत घोषित भए।

प्रतियोगिता अन्तर्गत शुक्रवारको खेलमा शशस्त्र प्रहरी बल एपीएफ र प्रदेश नम्बर-१ बीच प्रतिस्पर्धा हुनेछ। हिजो भएको खेलमा त्रिभुवन आर्मी क्लबले प्रदेश नम्बर-६ लाई २४९ रनले पराजित गरेको थियो। 

माघ ७ गतेसम्म चल्ने प्रतियोगितामा शान्ति दीप नेपाल इनरुवा तथा इनरुवा नगरपालिकाको संयुक्त आयोजना रहेको छ। प्रतियोगिताको विजेताले उपाधिसँगै रु. ४ लाख १ हजार , उपविजेताले रु २ लाख १ हजार तथा सेमिफाइनलमा पुग्ने टोलीले रु २५/२५ हजार पाउनेछन्। यस्तै उत्कृष्ट खेलाडीले रु ५१ हजार प्राप्त गर्दा उत्कृष्ट बलर र ब्याट्सम्यानले जनही रु २० हजार १०० पुरस्कार पाउनेछन्। अनुशासित टोलीले १५ हजार र उदयमान खेलाडीले १० हजार नगद पाउनेछन्।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]