आठौँ राष्ट्रिय : सुशन भारि लगातार तेश्रो खेलमा उत्कृस्ट, एपीएफ र आर्मी सेमीफाइनलमा



  • विकेटनेपाल, बैशाख-७, शनिवार 

आठौँ राष्ट्रिय खेलकुदको पुरुष क्रिकेट अन्तर्गत आज बिहान सम्पन्न खेलहरु जित्दै शशस्त्र प्रहरी बल ( एपीएफ ) र त्रिभुवन आर्मी क्लबले सेमीफाइनलमा स्थान पक्का गरेका छन्। कोहलपुर मैदानमा सम्पन्न खेलमा त्रिभुवन आर्मी क्लबले प्रदेश-१ लाई तथा भैरहवामा सम्पन्न खेलमा एपीएफले प्रदेश-४ लाई पराजित गर्यो।

समुह ‘ए’ बाट एपीएफ र समुह ‘बि’ बाट त्रिभुवन आर्मी क्लबले सेमीफाइनलमा स्थान पक्का गरेको छ।

त्रिभुवन आर्मी Vs प्रदेश-१ : सुशन भारि लगातार तेश्रो खेलमा उत्कृस्ट 

सुशन भारि लगातार तेश्रो खेलमा प्लेयर अफ द म्याच हुँदा त्रिभुवन आर्मी क्लबले प्रदेश-१ लाई २७ रनले पराजित गर्यो। लगातार तेश्रो जित हात पार्दै समुह ‘बि’ बाट आर्मी सेमीफाइनल पुग्ने पहिलो टिम बन्यो।

टस हारेर ब्याटिंग गरेको आर्मीले पहिले ब्याटिंग गर्ने क्रममा २० ओभरमा ९ विकेट गुमाएर ९५ रनको योगफल तयार गरेको थियो।

खराब सुरुवात गर्ने क्रममा आर्मीले पहिलो ४ विकेट १७ रनमा गुमाउन पुग्यो। हरे कृष्ण झा १० रन, राजु रिजाल ३ रन, भिम शार्की १ रन तथा बिनोद भण्डारी खाता खोलि आउट भए। पाँचौ विकेटको लागि राजेश पुलामी र कुशल मल्लले २९ रनको साझेदारी गर्दै टिमको योगफल उकासे।

Sushan Bhari

१४ बलमा ३ छक्का र १ चौका प्रहार गर्दै २६ रन बनाएर कुशल रन आउट हुँदा पुनः आर्मीले लगातार विकेट गुमायो। हरि चौहान खाता नखोली आउट भए भने सोमपाल कामि ११ , बिक्रम सोब ७ तथा सुशन भारि २ रन बनाएर आउट भए।

राजेश पुलामी अन्तिमसम्म अविजित रहँदै २७ रन ( ४१ बलमा ३ चौका ) बनाए।

२० ओभरमा ९ विकेट गुमाएर आर्मीले ९५ रन बनायो।

प्रदेश-१ का बलर दिपेश कंडेलले ( ४-०-१५-२ ) २ तथा फिर्दोश अन्सारी, पुष्प थापा र श्रवन यादबले समान १ विकेट लिए।

९६ रनको लक्ष्य पछ्याउने क्रममा प्रदेश-१ ले १९ ओभरमा ६८ रनमा सबै विकेट गुमाउन पुग्यो। सुशन भारिले ५ विकेट लिंदै आर्मीको जित सहज बनाए। ४ ओभरमा देब्रे हाते स्पिनर भारिले १७ रन खर्चिए। अर्का देब्रे हाते स्पिनर शाहब आलमले ३ विकेट ( ४-०-१४-३ ) लिए। सोमपाल कामिले ( ३-१-४-१ ) १ विकेट लिए।

भारिले यस अघि प्रदेश-२ र प्रदेश-६ संग ३/३ विकेट लिंदै प्लेयर अफ  म्याच चुनिएका थिए। (स्कोरकार्ड ) 

एपीएफ Vs प्रदेश-४ : एपीएफको लगातार जित

शशस्त्र प्रहरी बल एपीएफले लगातार तेश्रो जित हात पार्दै सेमीफाइनलमा स्थान पक्का गर्यो।

प्रदेश-४ ले टस जितेर पहिले ब्याटिंग गर्ने क्रममा १९.२ ओभरमा ७४ रनमा सबै विकेट गुमाउन पुग्यो। उसको लागि आकास थापाले सर्वाधिक २० रन बनाए।  यज्ञमान कुमाल ( ३.२-०-९-३ ) र भुवन कार्की ( ४-०-११-३ ) ले समान ३/३ विकेट लिए।

Bhuwan Karki ( Photo – Rhydam Gyawali )

७५ रनको लक्ष्य एपीएफले १४ ओभरमा ५ विकेट गुमाएर पुरा गर्यो। ओपनिंग ब्याटिंग गरेका अनिल साह र शरद भेसावकर १/१ रन बनाएर आउट हुँदा तेश्रो विकेटको लागि शंकर राना र प्रदिप ऐरीले ५९ रनको साझेदारी गर्दै एपीएफलाई जित नजिक पुर्याए।

शंकरले ३५ रन ( २९ बलमा ३ चौका ) र प्रदिपले २१ रन ( २९ बलमा ३ चौका ) बनाए।

एपीएफले १४ ओभरमा ५ विकेट गुमाएर लक्ष्य पुरा गर्यो। ( स्कोरकार्ड )

करन केसीले ३ विकेट ( ४-०-१०-३ ) लिए पनि प्रदेश-४ को जितको लागि पर्याप्त थिएन।

 





थप समाचार

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]