सुशन भारिले ह्याट्रिक सहित ७ विकेट लिंदा इनरुवा ५६ रनमै समेटियो



सुनसरीको इनरुवामा जारि मनमोहन मेमोरियल एकदिवसीय राष्ट्रिय प्रतियोगिता अन्तर्गतको समुह ‘ए’ अन्तर्गतको तेश्रो खेलमा त्रिभुवन आर्मी क्लब र एमएमसीसी इनरुवाले प्रतिस्पर्धा गरिरहेका छन्।

खेलमा टस जितेर ब्याटिंग रोजेको एमएमसीसी इनरुवाले १९.३ ओभरमा ५६ रनमै सम्पूर्ण विकेट गुमाउन पुगेको छ।

आर्मीका बलर सुशन भारिले ह्याट्रिक सहित ७ विकेट लिंदा इनरुवा निरिह सावित भएको थियो। भारिले खेलकोआठौँ ओभरमा ह्याट्रिक लिएका थिए। उनले ८.३ ओभर बलिंग गर्दै ३ मेडन ओभर फालेका थिए जुन क्रममा १७ रन खर्चिए।

आठौँ ओभरको दोश्रो बलमा सुशान्त तिमिल्सिनालाई क्याच आउट गरेका भरिले त्यस लगत्तै अल्फाज मन्सुरीलाई आफैद्वारा क्याच आउट गराएका थिए। त्यसपछि ह्याट्रिक बलमा उनले सुरज बस्नेतलाई एलबिडब्लु धरापमा पारे र ह्याट्रिक पुरा गरे। सोहि ओभरको छैठौ बलमा उनले राकेस सोनीलाई पनि आउट गर्दै एकै ओभरमा ४ विकेट लिएका थिए। यस अघि छैठौं ओभरमा समेत भारि ह्याट्रिक नजिक पुगेका थिए। ओभरको तेश्रो र चौथो बलमा उनले रभी रोय र विवेक मेहतालाई आउट गरेका थिए।

इनरुवाले टस जितेर ब्याटिंग गर्दै ८ ओभरमा १८ रन बनाउदा ६ विकेट गुमाएको थियो। सबै ६ वटा विकेट भारिलेनै लिएका थिए।

Sushan Bhari

आर्मीको लागि हरि बहादुर चौहानले २ तथा शाहब आलमले १ विकेट लिए।

इनरुवाको लागि ओपनर  सुशान्त तिमिल्सिनाले १५ तथा सोनु मण्डलले १३ रन बनाए भने अन्य ब्याट्सम्यानले दोहोरो अंकमा रन बनाउन सकेनन्। ५ जना ब्याट्सम्यानहरुले खाता समेत खोल्न सकेनन्।

प्रतियोगिता अन्तर्गत आजको खेल जिते समुह ‘ए’ को विजेताको रुपमा आर्मी क्लब सेमीफाइनल प्रवेश गर्नेछ। यस अघिनै समुह ‘सी’ बाट प्रदेश-३ सेमीफाइनल प्रवेश गरिसकेको छ।





थप समाचार

T20WC : भारतसंग खेल अघि पाकिस्तान कप्तान बाबर आजमको आत्मविश्वास

क्रिकेट विश्वकप इतिहासमा पाकिस्तानले भारत बिरुद्ध हालसम्म जित दर्ता गर्न सकेको छैन। टि-२० विश्वकपको इतिहास कोट्याउने हो भने पनि ५ […]

T20WC : अस्ट्रेलियाद्वारा दक्षिण अफ्रीका पराजित

दक्षिण अफ्रीकालाई ५ विकेटले पराजित गर्दै अस्ट्रेलियाले टि-ट्वान्टी विश्वकप २०२१ को सुपर-१२ चरणमा विजयी सुरुवात गरेको छ। युएईको अबुधाबी स्थित […]

T20WC : कोहलीद्वारा पाकिस्तान टिमको तारिफ “पाकिस्तान निकै बलियो टिम हो”

पाकिस्तानसंग आईतबार पहिलो खेल खेल्दै टि-ट्वान्टी विश्वकपको सुरुवात गर्नु अघि भारतीय कप्तान बिराट कोहलीले इतिहास भारतको पक्षमा रहेता पनि वर्तमान […]

जापान : एम्बेसी कपको लागि नेपाली टिमको घोषणा

जापान क्रिकेट एसोसियसनद्वारा आयोजना हुँदै आइरहेको एम्बेसी कप-२०२१ क्रिकेट प्रतियोगिता खेल्नको लागि नेपाल एम्बेसीको तर्फबाट आफ्नो टिम घोषणा गरिएको छ। […]

T20WC : अस्ट्रेलियाबिरुद्ध दक्षिण अफ्रीकाको कमजोर ब्याटिंग

टि-ट्वान्टी विश्वकप अन्तर्गत सुपर-१२ चरणको पहिलो खेलमा दक्षिण अफ्रीका र अस्ट्रेलिया बीच युएईको शेख जायद स्टेडियम अबुधाबीमा सुरु भएको छ। […]

T20WC : सुपर-१२ चरणको खेल आज सुरु हुँदै, ४ ठूला टिम बीच प्रतिस्पर्धा

आईसीसी टि-ट्वान्टी विश्वकपको सातौँ संस्करणको दोश्रो चरण अर्थात् सुपर-१२ चरणको खेलहरु आज ( शनिवार ) देखि सुरु हुँदैछन्। पहिलो दिन […]