सुशील कंडेलको प्रभावशाली प्रदर्शनमा पुलिसको जित : प्रधानमन्त्री कप

sushil kandel


  • विकेटनेपाल- १० जेठ

सुशील कंडेलको उत्कृस्ट बलिंग मदतले नेपाल पुलिस क्लबले सुदुरपश्चिमान्चल विकास क्षेत्रलाई पराजित गर्दै प्रधानमन्त्रि कप क्रिकेट प्रतियोगितामा बिजयी सुरुवात गरेको छ l ( स्कोरकार्ड )

समुह ‘बि’ अन्तर्गत दोश्रो खेलमा टस हारेर पहिले ब्याटिंग गरेको सुदुरपश्चिमान्चलले पहिलो इनिंगमा तयार परेको १७० रनको जवाफमा ब्याटिंग गरेको पुलिस क्लबले उक्त लक्ष २५ औ ओभरमा ३ विकेट मात्रै गुमाई भेटायो l

आक्रामक ब्याटिंग गरेका पुलिस ओपनर अमित श्रेष्ठले ८ चौका र ३ छक्का प्रहार गर्दै ६३ बलमा ७५ रनको इनिंग खेलेपछि पुलिसको जित सहज बन्यो l ओपनर शंकर रानालाई ० रनमै सागर भण्डारीले पेभेलियन फर्काएपछि तेश्रो नम्बरमा आएका दिलिप नाथले अमित श्रेष्ठसंग दोश्रो विकेटको लागि १२८ रनको साझेदारी गरे l

अमितलाई २० औ ओभरमा भिम शार्कीले पेभेलियन फर्काए l दिलिप नाथ ४० रन बनाई आउट भए जसले ४ चौका र १ छक्का प्रहार गरे l दिपेन्द्र ऐरीले अविजित २७ र आरिफ शेखले अविजित ८ रन बनाउदै पुलिसलाई जितसम्म डोर्याए l

यस अघि ज्ञानेन्द्र कुँवरले ४९ रनको योगदान दिएपछि सुदुरपश्चीमान्चलले आशालाग्दो ब्याटिंग गर्यो l रोशन नेपाली ( २१ ) , भिम शार्की ( २८ ) , सन्तोष भट्ट ( २५ ) ले पाएको राम्रो सुरुवातलाई ठुलो स्कोरमा बदल्न नसक्दा सुदुरपश्चीमान्चलले ठुलो योगफल बनाउन सकेन l

तेश्रो नम्बरमा ब्याटिंग गरेका ज्ञानेन्द्र कुँवरले ८८ बलमा ५ चौका प्रहर गर्दै पुलिस बलिंगको डटेर सामना गरे l कुँवर ३६ औ ओभरमा आरिफ शेखको बलमा किपर दिलिपको हातमा क्याच आउट हुँदा अर्धशतक बनाउन मात्र १ रनले चुके l

टियु मैदानको विकेटमा टर्न धेरै नभए पनि देब्रे हाते स्पिनर सुशील कंडेलले अनुशासित बलिंग गर्दै १० ओभरमा मात्र २१ रन खर्चेर ५ विकेट लिए जसमा २ मेडन ओभर सामेल थियो l यस्तै अर्का देब्रेहाते तिब्र गति बलर ललित सिंग भण्डारीले ३ तथा आरिफ शेखले १ विकेट हात पारे l

म्यान अफ द म्याच घोषित सुशीलले ५ हजार रुपैया प्राप्त गरे l जित स्वरूप पुलिस क्लबले रु. २५ हजार रूपैया प्राप्त गर्यो l

प्रधानमन्त्रि कप अन्तर्गत हिजो सम्पन्न समुह ‘बि’ अन्तर्गत पहिलो खेलमा त्रिभुवन आर्मी क्लबले पूर्वान्चललाई ९ विकेटले पराजित गरेको थियो l

जेठ २४ गते सम्म चल्ने देशकै सर्बाधिक धनराशीको प्रतियोगिता अन्तर्गत भोलि बिहिबार पुर्वान्चल विकास क्षेत्रले नेपाल पुलिस क्लबको सामना गर्नेछ l प्रतियोगिताको खेल तालिका 





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]