सुवास ऐरको अलराउन्ड प्रदर्शन, प्रदेश २ र सुदूरपश्चिम फाइनलमा भिड्ने



  • विकेटनेपाल, बैशाख २३ – सोमबार

काठमाडौंमा जारि मनमोहन स्मृति प्रदेश स्तरीय यु१६ राष्ट्रिय क्रिकेट प्रतियोगिताको उपाधीको लागि सुदुरपश्चिम प्रदेश र प्रदेश २ प्रतिस्पर्धा गर्ने भएका छन्।

आज सम्पन्न सेमिफाइनल खेलहरुमा प्रदेश-७ ले प्रदेश-१ लाई ३० रनले तथा प्रदेश-२ ले प्रदेश-३ लाई ४ विकेटले पराजित गर्दै फाइनलमा स्थान पक्का गरेका हुन्। फाइनल खेल मंगलबार खेलिनेछ।

कप्तान सुवास ऐरको अलराउण्ड प्रदर्शनमा प्रदेश ७ विजयी

पहिलो सेमिफाइनलमा प्रदेश ७ लाई जित दिलाउनको लागि प्लेयर अफ द म्याच भएका कप्तान सुवास ऐरले ४३ रनको पारि खेल्नुको साथै बलिंगतर्फ समेत ४ विकेट लिए। ४१ बलको सामना गरेका उनले ७ चौका प्रहार गरेपछि प्रदेश ७ ले ३० ओभरमा ९ विकेट गुमाएर १६५ रनको योगफल तयार पार्यो।

यस्तै आशिस भट्टले अविजित २६ रन (३२ बल, १ चौका) बनाउँदा धिरेन्द्र ठाकुरले २५ (२६ बल, २ चौका), सन्दिप बिस्टले २२ (३१ बल, २ चौका) र अनिल थापाले २० रन (२५ बल) बनाउनु बाहेक अन्य खेलाडीले दोहोरो अंक छुन सकेनन्। बलिंगतर्फ प्रदेश १ का सर्वन किस्कुले ३ विकेट (६-०-३२-३), बिपिन महतोले २ विकेट (६-०-३२-२) र अमित रोएले १ विकेट (५-०-२६-१) लिंदा ३ खेलाडी रन आउट भए।

Suwash Ayer ( File Photo ) 

जवाफमा सुवास ऐरले ५.२ ओभरमा २ मेडन राख्दै २२ रन खर्चिएर ४ विकेट लिएपछि प्रदेश १ ले २५.२ ओभरमा सबै विकेट गुमाएर मात्र १३५ रन बनाउन सक्यो। उसका लाइ सुमन सुन्दासले ३५ बलमा ६ चौका सहित ४४ रन र आइन्स्टाइन रिजालले ४४ बलमा १ चौका सहित ३१ रन हान्दै दोश्रो विकेटको लागि ६३ रनको साझेदारी गरेपनि जितको लागि पर्याप्त भएन। यस्तै सिमरन राइले २१ बलमा ४ चौका सहित २७ रन हानेपनि अन्य खेलाडीले दोहोरो अंक छुन सकेनन्।

मेघराज महराको ब्याटिंगमा प्रदेश २ को जित

किर्तिपुर मैदानमा जितको लागि प्रदेश ३ ले प्रस्तुत गरेको १२२ रनको लक्ष्य प्रदेश २ ले २५ ओभरमा ८ विकेट गुमाएर पुरा गर्यो। उसका लागि प्लेयर अफ द म्याच घोषित मेघराज महोराले अविजित ४७ (६४ बल, ५ चौका) तथा कप्तान निखिल सिंहले ३२ रन (३३ बल, २ चौका, २ छक्का) बनाउंदै तेस्रो विकेटको लागि ५५ रनको साझेदारी गरे। यस्तै ओपनर रोहन बिकेले १२ बलमा ५ चौका सहित २१ रन बनाए। बलिंगमा प्रदेश ३ का कृष कार्की र तिलक भण्डारीले समान २/२ विकेट लिए।

मेघराज महरा

यसअघि टस जितेर पहिले ब्याटिंग गरेको प्रदेश ३ ले ३० ओभरमा ९ विकेट गुमाएर १२१ रन बनाएको थियो। आशिष भट्टराईले २७ रन र प्रसान्त महतले २२ रन बनाएपनि अन्य खेलाडीको प्रदर्शन सम्झनलायन रहेन। बलिंगतर्फ प्रदेश २ का शेख इमरान र अरबाज अन्सारीले समान २/२ विकेट लिएका थिए।

मनमोहन मेमोरियल क्रिकेट सेन्टरले आयोजना गरेको प्रतियोगिताको विजेता टोलीले ५ लाख प्राप्त गर्नेछ। विजेताले २ लाख ५० हजार नगद साथै २ लाख ५० हजारको खेलकुद सामग्री प्राप्त गर्ने आयोजकले जनाएको छ। त्यस्तै उप विजेता टोलीले १ लाख २५ हजार नगद र सो सरहको खेलकुद सामग्री पाउने आयोजकले जनाएको छ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]