सुवास ऐर चम्किदा प्रदेश-७ संग प्रदेश-३ पराजित, प्रदेश-२ को जितमा प्रशान्त उत्कृस्ट

  • विकेटनेपाल, बैशाख-२२ , आइतबार 

काठमाडौँमा जारि मनमोहन मेमोरियल अन्तर-प्रदेश अन्डर-१६ राष्ट्रिय क्रिकेट प्रतियोगिताको सेमीफाइनलमा प्रदेश-७ , प्रदेश-३, प्रदेश २ र प्रदेश-१ प्रवेश गरेका छन्।

प्रतियोगिता अन्तर्गत आइतबार सम्पन्न समुह चरणको अन्तिम खेलमा प्रदेश-३ लाई प्रदेश-७ ले ८ विकेटले पराजित गर्दै समुह ‘ए’ को विजेताको रुपमा सेमीफाइनल प्रवेश गर्यो। प्रदेश-३ समुह ‘ए’ को उपविजेताको रुपमा सेमीफाइनल प्रवेश गर्यो।  ३/३ खेल खेल्दा प्रदेश-७ ले ३ वटै खेलमा जित हाँसिल गर्यो भने प्रदेश-३ ले २ जित र १ हार बेहोर्यो। गण्डकी प्रदेशले १ जित मात्र निकाल्यो भने कर्णाली प्रदेश जित विहिन रह्यो।

समुह ‘बि’ तर्फको अन्तिम खेलमा प्रदेश-२ ले प्रदेश-५ लाई पराजित गर्दै सेमीफाइनलमा समुह विजेताको रुपमा स्थान बनायो। प्रदेश-१ उप-विजेताको रुपमा सेमीफाइनल प्रवेश गर्यो। प्रदेश-२ र प्रदेश-१ ले २ खेलमा १ जित र १ हार बेहोर्यो भने प्रदेश-५ ले दुवै खेलमा हार बेहोर्न पुग्यो।

अंकतालिका 

Group A

S.NRegionPlayedWonLossNRPoints
1.Sudurpaschim (Province No. 7)3306*
2.Province No. 33214
3.Gandaki (Province No. 4)3122
4.Karnali (Province No.6)3030

Group B

S.NRegionPlayedWonLossNRPointsNet. Run rate
1.Province No. 22113+0.533
2.Province No. 121013+0.1
3.Province No. 52020-0.1

सोमबार खेलिने सेमीफाइनल खेल अन्तर्गत बिहान ८:३० बजे प्रदेश-७ र प्रदेश-२ तथा दिउसो १:१५ बजे प्रदेश२ र प्रदेश-३ ले प्रतिस्पर्धा गर्नेछन्।

सुवास ऐरले उत्कृस्ट प्रदर्शन गर्दा प्रदेश-३ बिरुद्ध प्रदेश-७ को ठुलो जित 

टियु मैदानमा सम्पन्न दिनको पहिलो खेलमा टस जितेर ब्याटिंग गरेको प्रदेश-३ ले निर्धारित ३० मध्ये २७.५ ओभरमा सबै विकेट गुमाएर १३१ रन मात्रै बनाउन सक्यो।

कृश कार्कीले ४६ ( ४४ बलमा ६ चौका र १ छक्का ), सम्राट भुसालले २६ तथा बिपिन बिक्रम शाहीले १६ रन बनाउनु बाहेक अन्य प्रदेश-३ ब्याट्सम्यानहरुले दोश्रो अंकमा रन बनाउन सकेनन्। प्रदेश-७ का बलर संदेश भट्टले उत्कृस्ट बलिंग गर्दै ३ विकेट ( ६-०-२८-३ ) लिए। आशिष भट्टले पनि ३ विकेट ( ४.५-०-१९-३ ) तथा बर्लिन गिरिले २ विकेट लिए।

Suwash Ayer

१३२ रनको लक्ष्य प्रदेश-७ ले २६.२ ओभरमा मात्र २ विकेट गुमाएर पुरा गर्यो। कप्तान तथा यु-१६ राष्ट्रिय क्रिकेटर सुवास ऐरले अविजित ६१ रन बनाउदै टिमलाई सहज जित दिलाए। ६४ बलमा ऐरले ४ चौका र १ छक्का प्रहार गरे। अरुन महराले ३६ तथा संदेश भट्टले अविजित १५ रन बनाए।

खेलको प्लेयर अफ द म्याच सुवास ऐर घोषित भए।

प्रदेश-२ को जितमा प्रशान्त सिंह उत्कृस्ट 

टियु मैदानमा सम्पन्न दिनको दोश्रो खेलमा प्रदेश-२ ले प्रदेश-५ लाई १६ रनले पराजित गर्यो।

टस जितेर पहिले ब्याटिंग गरेको प्रदेश-२ ले २७.५ ओभरमा ११४ रनमा सम्पूर्ण विकेट गुमाउन पुगेको थियो। उसको लागि नवौं नम्बरमा ब्याटिंग गरेका प्रशान्त सिंहले अविजित ४० रन ( ३८ बलमा ३ चौका र १ छक्का ) बनाए। यस्तै बि पटेलले ३९ रन बनाए।  ३० रनको योगफलमा ७ विकेट गुमाएको अवस्थामा बि पटेल र प्रशान्त सिंहले ८२ रनको साझेदारी गरेका थिए।

प्रदेश-५ का बलर अभिशेक गौतमले सर्वाधिक ४ विकेट ( ५.५-०-२३-४ ) , बिशाल बिक्रम केसीले ३ विकेट ( ६-१-२५-३ ) तथा रमेश कुर्मीले २ विकेट ( ६-३-१५-२ ) लिए।

Prashant Singh

११५ रनको लक्ष्य पछ्याउने क्रममा प्रदेश-५ ले २७.४ ओभरमा ९८ रनमा सबै विकेट गुमाउन पुग्यो। प्रदेश-५ का ४ जना ब्याट्सम्यान रन-आउट हुन पुगे। प्रदेश-५ का कप्तान बिशाल विक्रम केसीले २९ तथा संदेश पाण्डेले २२ रन बनाए। प्रदेश -२ का बलर अरबाज अन्सारीले २ ( ६-०-१९-२ ) तथा बयेश यादभ, निखिल सिंह, फेट सिद्धिकी र प्रशान्त सिंहले १/१ विकेट लिए।

प्रशान्त सिंह खेलको प्लेयर अफ द म्याच चुनिए।

मनमोहन मेमोरियल क्रिकेट सेन्टरले आयोजना गरेको प्रतियोगिताको विजेता टोलीले ५ लाख प्राप्त गर्नेछ। विजेताले २ लाख ५० हजार नगद साथै २ लाख ५० हजारको खेलकुद सामग्री प्राप्त गर्ने आयोजकले जनाएको छ। त्यस्तै उप विजेता टोलीले १ लाख २५ हजार नगद र सो सरहको खेलकुद सामग्री पाउने आयोजकले जनाएको छ।