टि-१० लिग : करन केसी आवद्ध पुनेको लगातार चौथो हार



युएईमा जारि अबुधाबी टि-१० लिग अन्तर्गत सुपर लिग चरणको दोश्रो खेलमा पनि पुने पराजित भएको छ। लिगमा पुनेले पहिलो खेलमा डेक्कन ग्ल्याडीएटर्सलाई पराजित गरेपछि यो लगातार चौथो हार हो।

शेख जायद स्टेडीयम अबुधाबीमा पुनेले दिएको ५८ रनको लक्ष्य दिल्ली बुल्सले ४.४ ओभरमा मात्र २ विकेट गुमाएर पुरा गर्दै ८ विकेटको जित दर्ता गर्यो।

बुल्सको लागि रहमनुल्लाह गुर्बजले सर्वाधिक २६ रन, शर्फेन रुथरफोर्डले अविजित १४ तथा इभिन लुइसले अविजित १३ रन बनाए। पुनेको बलिंगमा मोहम्मद आमिर र मुनिस अन्सारीले समान १ विकेट लिए। नेपाली खेलाडी करन केसीले बलिंग गर्ने मौका पाएनन्।

यस अघि टस हारेर ब्याटिंग गरेको पुनेले निर्धारित १० ओभरमा ७ विकेट गुमाएर ५७ रन मात्र बनाउन सक्यो। पुनेले बनाएको ५७ रन अबुधाबी टि-१० लिग इतिहासकै दोश्रो कम योगफल हो। लिगमा सबै भन्दा कम योगफल नर्दर्न वारियर्सले २०१९ मा बनाएको थियो। कलन्दर्सबिरुद्ध वारियर्स ४६ रनमा समेटिन पुगेको थियो।

पुनेको ब्याटिंगमा ओपनर केनार लुइसले सर्वाधिक १५ रन, डेभोन थोससले अविजित १४ रन तथा टम कोहलरले ११ रन बनाए।

करन गोल्डेन डक

लिगमा पहिलो पटक ब्याटिंग गर्ने मौका पाएका करन केसीले भने खाता खोल्न सकेनन्। सातौं नम्बरमा ब्याटिंग गर्न आएका करन अलि खानले ‘गोल्डेन डक’ गरे। अफस्टम्प बाहिर जाँदै गरेको बललाई थर्डम्यानको दिशामा खेल्न खोजेका करनको ब्याटको बाहिरि किनारा लागेको थियो।

दिल्लीको बलिंगमा अलि खानले ३ विकेट लिने क्रममा ०.५ ओभर बलिंग गर्दै कुनै पनि रन खर्चेनन्। खानले पाँचौ ओभर बलिंग गर्ने क्रममा तिन वटै विकेट लिएका थिए। नासिर हुसेन र करन केसीलाई लगातार बलमा आउट गरेपछि अलि खान घाइते हुँदै मैदान बाहिरिएका थिए। यस्तै अमाद बटले २ विकेट लिंदा फिडेल एडवार्ड्स र शिराज एहमदले समान १ विकेट लिए।

लिगमा करनको बलिंग प्रदर्शन : लिगमा करनले यस अघि खेलेको ४ वटा खेलमा १ विकेट लिन सकेका छन्। लिगको पहिलो खेलमा करनले डेक्कन ग्ल्याडीएटर्ससंग १ ओभरमा १७ रन खर्चेका थिए। दोश्रो खेलमा कलन्दर्ससंग १ ओभरमा ९ रन खर्चेका थिए। तेश्रो खेलमा करनले टिम अबुधाबी बिरुद्ध क्रिस गेलको विकेट लिंदा १ ओभरमा १८ रन खर्चेका थिए। चौथो खेलमा बांग्ला बिरुद्ध करनले १ ओभरमा १७ रन खर्चेर विकेटविहिन रहे।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]