टि-१० लिग : अबुधाबीले टस जितेर फिल्डिंग रोज्यो, सोमपाल खेल्दा कुशल बाहिरै



युएईमा जारि अबुधाबी टि-टेन लिग अन्तर्गत सुपर लिग चरणको खेलमा सोमपाल कामि आवद्ध मराठा अरबियन्स र कुशल मल्ल आवद्ध टिम अबुधाबी प्रतिस्पर्धा गर्दैछन्।

लिगमा कमजोर प्रदर्शन गरिरहेको दुवै टिमलाई आज प्लेअफ सम्भावना जीवित राख्न जित अत्यावश्यक रहेको छ। दुवै टिमले ४ खेल खेल्दा १ जित र ३ हार बेहोरेको छ। अंकतालिकामा टिम अबुधबी पाँचौ स्थानमा रहेको छ भने समान २ अंक रहेता पनि नेट रन रेटमा पछि पर्दै मराठा आठौँ स्थानमा रहेको छ। मात्र २ खेल बाँकी रहेको अवस्थामा दुवै टिमलाई गर या मरको अवस्था भएको हो।

खेलमा टस जितेर टिम अबुधाबीले मराठालाई ब्याटिंगको निम्तो दिएको छ। खेल नेपाली समय ८:१५ बजे राति सुरु हुनेछ। खेलमा मराठाले सोमपाल कामिलाई अन्तिम-११ मा निरन्तरता दिंदा कुशल मल्ल भने मैदान बाहिरनै बस्नेछन्।

टिम अबुधाबीको अन्तिम ११ :  Luke Wright(c), Paul Stirling, Chris Gayle, Joe Clarke, Ben Duckett(w), Najibullah Zadran, Jamie Overton, Rohan Mustafa, Obed McCoy, Naveen-ul-Haq, Tom Helm

मराठा अरबियन्सको अन्तिम ११ : Mohammad Hafeez, Abdul Shakoor(w), Laurie Evans, Shoaib Malik, Muktar Ali, Ishan Malhotra, Mosaddek Hossain(c), Yamin Ahmadzai, Alishan Sharafu, Sompal Kami, Maroof Merchant

लिगमा सोमपाल कामिले खेलेको ४ खेलमा १ विकेट लिन सकेका छन्। लिग अन्तर्गत अघिल्लो खेलमा सोमपालले विकेटको खाता खोल्ने क्रममा कलन्दर्सका सोहेल अख्तरलाई एलबिडब्लु आउट गरेका थिए। खेलमा उनले १ ओभर बलिंग गर्दा १९ रन खर्चेका थिए। त्यस अघिको तिन वटा खेलमा सोमपाल विकेटविहिन रहेका थिए। उनले पहिलो खेलमा नर्दर्न वारियर्स बिरुद्ध २ ओभरमा २८ रन खर्चेका थिए। यस्तै दोश्रो खेलमा दिल्ली बुल्स बिरुद्ध १ ओभरमा १७ रन खर्चेका थिए। तेश्रो खेलमा बांग्ला टाइगर्स बिरुद्ध १ ओभरमा उनले १२ रन खर्चेका थिए।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]