टि-१० लिग : रोमान्चक खेलमा नर्दर्न वारियर्ससंग टिम अबुधाबी पराजित



रोमान्चक खेलमा टिम अबुधाबीलाई ८ विकेटले पराजित गर्दै नर्दर्न वारियर्सले अबुधाबी टि-१० लिगको सुपर लिग चरणमा विजयी सुरुवात गरेको छ।

शेख जायद स्टेडीयम अबुधाबीमा सम्पन्न खेलमा टिम अबु धाबीले दिएको १२४ रनको लक्ष्य नर्दर्न वारियर्सले अन्तिम बलमा २ विकेट गुमाएर भेटायो।

जितको लागि अन्तिम ओभरमा १५ रन आवस्यक हुँदा अबुधाबीका जेमी ओभरटनले पहिलो २ बलमा १२ रन खर्चेका थिए। तर ४ बलमा जित्न ३ रन मात्र बाँकि रहंदा ओभरटनले वासिम मुहमदलाई एलबिडब्लु गरेका थिए। लगत्तै बलमा उनले निकोलस पुरनलाई क्याच आउट गराए। पाँचौ बलमा लेन्डल सिमोन्सले मात्र १ रन बनाउन सकेपछि अन्तिम बलमा जित्न नर्दर्न वारियर्सलाई २ रन आवस्यक थियो। अन्तिम बलमा रोहन मुस्तफाले मिस फिल्ड गरेपछि रोभम्यान पावेलले २ रन लिंदै टिमलाई रोमान्चक जित दिलाए।

नर्दर्न वारियर्सको जितमा ओपनर वासिम मुहम्मद सर्वाधिक ७६ रन बनाए जुन क्रममा उनले ३४ बलमा ७ चौका र ६ छक्का प्रहार गरे। यस्तै अर्का ओपनर लेन्डल सिमोन्सले २५ बलमा ४ चौका र २ छक्का मद्दतले अविजित ३७ रन बनाए। सिमोन्स र मुहम्मद बीच पहिलो विकेटको लागि १२१ रनको साझेदारी भएको थियो।

टिम अबुधाबीको बलिंगमा जेमी ओभरटनले २ विकेट लिए।

यस अघि टस हारेर ब्याटिंग गरेको अबुधाबीले १० ओभरमा ३ विकेट गुमाएर १२३ रन बनाएको थियो। अबुधाबीको लागि जोए क्लार्कले सर्वाधिक ५० रन बनाए जुन क्रममा २४ बलमा ५ चौका र ३ छक्का प्रहार गरे। कप्तान लुक राइटले ३३ तथा बेन डकेटले अविजित ३१ रन बनाए।

अबुधाबिका ओपनर पल स्टरलिंग खाता नखोली तथा गेल २ रन बनाएर आउट भएका थिए। चौथो विकेटको लागि क्लार्क र डकेटले अविजित ७५ रनको साझेदारी गरेका थिए।

नर्दर्न वारियर्सको बलिंगमा वाहब रियाज, जुनैद सिद्दिकी र रायद इम्रिटले समान १ विकेट लिए।

टिम अबुधाबीले ४ खेल खेल्दा नेपाली खेलाडी कुशल मल्ललाई मौका दिएको छैन। टिममा राष्ट्रिय क्रिकेट टिमका पूर्वकप्तान पारस खड्का सल्लाहकारको रुपमा आवद्ध रहेका छन्।





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]