टि-२० विश्वकप २०२२ : नेपाल सिधै ग्लोबल छनोटमा



सन् २०२२ को टी ट्वान्टी विश्वकपका लागि नेपालले सिधैं ग्लोबल छनोट खेल्ने भएको छ । ट-ट्वान्टी विश्वकपको उक्त संस्करण अष्ट्रेलियाले सन् २०२२ को अक्टोबर र नोभेम्बर महिनामा आयोजन गर्नेछ।

अन्तर्राष्ट्रिय क्रिकेट काउन्सिल(आईसीसी)को बैठकले टी ट्वान्टी विश्वकप क्रिकेटको मार्गचित्र तय गरेको हो । सन् २०२२ को टी ट्वान्टी विश्वकपको १५ स्थानका लागि विश्वका ८६ राष्ट्रले प्रतिस्पर्धा गर्नेछन् । आयोजक राष्ट्र भएकोले अष्ट्रेलियाले छनोट खेल्नुपर्ने छैन। बाँकीको १५ राष्ट्रमध्ये आईसीसीको टी-ट्वान्टी विश्व वरियतामा शिर्ष स्थानमा रहने ११ टोली छनोट हुनेछ।

१३ महिनासम्म चल्ने छनोट खेलमा चार चरणमा दुई सय २५ वटा खेल हुनेछन् । हंगेरी, रोमानिया र सर्बिया आईसीसी टी-ट्वान्टी विश्वकप २०२२ मा स्थान सुनिश्चित गर्न पहिलो पटक छनोट खेल खेल्नेछ।

आईसीसी टी-ट्वान्टी वरियतामा अगाडि रहेको आधारमा नेपालसहित सिंगापुर, यूएई र जिम्बाबवेले सिधैं ग्लोबल छनोट खेल्ने भएको हो । नेपाल हाल आइसीसी-टी-ट्वान्टी वरियतामा १५ औं स्थानमा रहेको छ । जिम्बाबवे १२ औं, यूएई १३ औं तथा सिंगापुर २० औं स्थानमा छ ।

ग्लोबल छनोट खेलहरु फेब्रुअरी २०२२ मा खेलाइनेछ । उक्त वर्षनै अक्टोबर महिनादेखि १३ नोभेम्बरसम्म विश्वकप टी-ट्वान्टी क्रिकेटको आयोजना हुनेछ । ग्लोबल क्वालिफायरमा १६ टोलीले प्रतिस्पर्धा गर्नेछन् । १६ टोलीलाई दुई समूहमा विभाजन गरी दुबै समूहका उत्कृष्ट दुई दुई टोली विश्वकप टी-ट्वान्टी क्रिकेट २०२२ को यात्रा तय गर्नेछ।

१६ टोलीमध्ये क्वालिफायर ए अन्तगर्त नेपाल, सिंगापुर, यूएई र जिम्बाबवे तथा आईसीसी टी ट्वान्टी विश्वकप २०२१ को पुछारमा रहने चार गरी आठ टोली रहनेछन् । त्यसैगरी, क्वालिफायर बी अन्तगर्त अफ्रिकाबाट एक, एशियाबाट दुई, अमेरिका रिजनबाट दुई, इएपीबाट एक तथा यूरोपबाट दुई गरी आठ टोलीबीच स्पर्धा भई उत्कृष्ट हुने दुबै समूहका दुई दुई गरी चार टोली विश्वकप टी ट्वान्टीको बाटो सुनिश्चित गर्नेछ।

जापानले पहिलो पटक अन्तर्राष्ट्रिय क्रिकेटको छनोट खेल आयोजना गर्नेछ । रिजनल लेभलमा कुल ६७ वटा अशोसिएट सदस्य राष्ट्र सहभागी हुनेछन् । रिजनल क्वालिफायरमा इस्ट एशिया र अफ्रिकाबाट सामान एक एक टोली ग्लोबल क्वालिफायरका लागि छनोट हुनेछन् । अमेरिका र यूरोपबाट दुई दुई टोली र एशिया रिजनबाट दुई समूहमा हुने छनोट खेलबाट एक एक टोली ग्लोबल क्वालिफायरमा पुग्नेछन् ।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]