T20 World Cup : आज दुई खेल हुँदै, ४ एशियाली टोलि बीच प्रतिस्पर्धा



युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु प्रतिस्पर्धा गर्दैछन्।

दिनको पहिलो खेलमा दिउँसो ३:४५ बजे शारजाह स्टेडियममा श्रीलंका र बंगलादेश तथा राति ७:४५ बजे दुबई अन्तर्राष्ट्रिय स्टेडियममा भारत र पाकिस्तान बीच प्रतिस्पर्धा हुनेछ।

प्रतियोगिताको समुह चरणमा श्रीलंका समुह ‘ए’ को विजेताको रुपमा तथा बंगलादेश समुह ‘बि’ को उपविजेताको रुपमा सुपर-१२ चरण प्रवेश गरेको हो। श्रीलंकाले समुह चरणमा तिन वटै खेलमा जित दर्ता गर्ने क्रममा नामिबिया, आयरल्याण्ड र नेदरल्याण्डलाई पराजित गरेको थियो। बंगलादेशले २ जित र १ हार बेहोर्ने क्रममा पपुवा न्यु गिनी र ओमानलाई पराजित गर्दा स्कटल्याण्डसंग हार बेहोर्यो।

टि-ट्वान्टी विश्वकप इतिहासमा श्रीलंका र बंगलादेश मात्र एक पटक आमनेसामने भएका छन् जसमा श्रीलंका विजयी भएको थियो। यस्तै टि-ट्वान्टी अन्तर्राष्ट्रिय क्रिकेटमा दुई टिम बीच ११ पटक भएको भेटमा ७ पटक श्रीलंका तथा ४ पटक बंगलादेश विजयी भएको छ।

श्रीलंका टिम : Pathum Nissanka, Kusal Perera(w), Charith Asalanka, Avishka Fernando, Bhanuka Rajapaksa, Dasun Shanaka(c), Wanindu Hasaranga, Chamika Karunaratne, Dushmantha Chameera, Maheesh Theekshana, Lahiru Kumara, Akila Dananjaya, Binura Fernando, Dhananjaya de Silva, Dinesh Chandimal

बंगलादेश टिम : Mohammad Naim, Liton Das, Shakib Al Hasan, Mushfiqur Rahim, Mahmudullah(c), Afif Hossain, Nurul Hasan(w), Mohammad Saifuddin, Mahedi Hasan, Taskin Ahmed, Mustafizur Rahman, Shoriful Islam, Shamim Hossain, Nasum Ahmed, Soumya Sarkar

दिनको दोश्रो खेलमा चिर प्रतिद्वन्द्वी भारत र पाकिस्तान बीच प्रतिस्पर्धा हुँदैछ। टि-ट्वान्टी विश्वकप इतिहासको कुरा गर्दा भारतले सबै ५ भेटमा पाकिस्तानलाई पराजित गरेको छ। यस्तै टि-२० अन्तर्राष्ट्रिय क्रिकेटमा हालसम्म भएको ८ भेटमा भारत ७ पटक तथा पाकिस्तान मात्र १ पटक विजयी भएको छ। अन्तिम पटक २०१९ को एकदिवसीय विश्वकपमा भेट भएपछि पहिलो पटक भारत र पाकिस्तान बीच प्रतिस्पर्धा हुन लागेको हो।

भारत टिम : Rohit Sharma, KL Rahul, Virat Kohli(c), Suryakumar Yadav, Rishabh Pant(w), Hardik Pandya, Ravindra Jadeja, Ravichandran Ashwin, Bhuvneshwar Kumar, Mohammed Shami, Jasprit Bumrah, Rahul Chahar, Shardul Thakur, Ishan Kishan, Varun Chakaravarthy

पाकिस्तान टिम : Babar Azam(c), Mohammad Rizwan(w), Fakhar Zaman, Mohammad Hafeez, Shoaib Malik, Asif Ali, Imad Wasim, Shadab Khan, Hasan Ali, Haris Rauf, Shaheen Afridi, Haider Ali





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]