भारत बिरुद्ध ऐतिहासिक जितमा उत्कृस्ट घोषित अफ्रिदीले के भने



भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ हाते पेसर अफ्रिदीले भारतको तिन मुख्य ब्याट्सम्यानको विकेट लिने क्रममा सुरुवातमै रोहित शर्मा र केएल राहुल र अर्धशतक बनाएका बिराट कोहलीको विकेट लिए। रोहितलाई उनले पहिलो ओभरमा खाता नखोल्दै बोल्ड गरेका थिए। खेलमा अफ्रिदीले ४ ओभर बलिंग गर्दा ३१ रन खर्चेर ३ विकेट लिए।

खेलपछि अन्तर्वार्ताको क्रममा २१ वर्षीय अफ्रिदीले आफ्नो योजनामा सफल बताए – “मेरो परिवार र पाकिस्तानीहरुको शुभ आशीर्वादको फल हो। म मेरो प्रदर्शनबाट निकै खुसि छु। मेरो योजना बललाई भित्र ल्याउने थियो। म मात्र स्विंग गर्ने प्रयास गरिरहेको थिएँ र टिमलाई सुरुवाती सफलता दिलाउने बारे सोचीरहेको थिएँ। यही कुरानै म नेटमा हिजो अभ्यास गरिरहेको थिएँ। नयाँ बल बिरुद्ध ब्याटिंग गर्न गार्हो थियो।”

अफ्रिदीले जितको श्रेय कप्तान बाबर आजम र मोहम्मद रिजवानलाई दिए – “बाबर र रिजवानलाई श्रेय जान्छ जसले राम्रो खेले।” उनले थपे। “प्रतियोगितामा सबै टिमहरु राम्रो छन् त्यसैले हामीले यही लयलाई फाइनलसम्म डोर्याउनु पर्नेछ।”

अफ्रिदीको घातक बलिंग मद्दतले दुबई अन्तर्राष्ट्रिय स्टेडियममा टस जितेको पाकिस्तानले भारतलाई १५१ रनमा सिमित गर्न सकेको थियो। १५२ रनको लक्ष्य पाकिस्तानले विकेट नगुमाई १३ बल बाँकी रहँदै भेटायो र भारत बिरुद्ध आईसीसी विश्वकप इतिहासकै पहिलो जित दर्ता गर्यो। प्रतियोगिता अन्तर्गत पाकिस्तानले आगामी खेल न्युजिल्यान्ड बिरुद्ध अक्टोबर २६ तारिखमा खेल्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]