भारतले आगामी वर्ष टि-२० विश्वकप आयोजना गर्ने पक्का

आगामी वर्ष २०२१ मा आयोजना हुने टि-२० विश्वकप क्रिकेट भारतले आयोजना गर्ने तय भएको छ।अन्तर्राष्ट्रिय क्रिकेट परिषद आईसीसीको शुक्रबार दुवईमा भएको बैठकले यो निर्णय गरेको हो।

यस अघि भारतमानै सो समयमा टि-२० विश्वकप आयोजना हुने तय भएता पनि अस्ट्रेलियामा यो वर्ष अक्टोबर/नोभेम्बरमा हुने भनिएको टि-२० विश्वकप कोरोनाका कारण स्थगित भएपछि आगामी वर्ष भारत या अस्ट्रेलियामा विश्वकप हुने तय भएको थिएन।

अब अस्ट्रेलियाले २०२२ मा टि-२० विश्वकप आयोजना गर्नेछ। भारतले त्यसपछि सन् २०२३ को एकदिवसीय विश्वकप आयोजना गर्ने यस अघिनै तय भैसकेको छ। भारतले यस अघि सन् २०११ मा बंगलादेश र श्रीलंकासंग मिलेर संयुक रुपमा एकदिवसीय विश्वकप आयोजना गरेको थियो।

अन्तिम पटक टि-२० विश्वकपको आयोजना ४ वर्ष अघि सन् २०१६ मा भारतमै आयोजना भएको थियो। उक्त विश्वकपमा वेस्टइन्डिजले इंग्ल्यान्डलाई पराजित गर्दै उपाधि आफ्नो नाम गरेको थियो।

यस अघि टि-२० विश्वकपको आयोजना प्रत्येक २ वर्षमा गर्दै आएको थियो तर आईसीसीले २०२० र २०२१ मा लगातार दुइ वटा टि-२० विश्वकप आयोजना गर्ने निर्धारण गरेको थियो।

आईसीसीले टेस्ट च्याम्पियनसिपको फाइनल टेस्ट कहाँ गर्ने अझै तय गरेको छैन। यस अघिको तालिका अनुसार फाइनल २०२१ जुनमा खेलिने बताईएको थियो।

आईसीसीको आगामी प्रतियोगिताहरु :-

२०२१ टि-२० विश्वकप, भारत

२०२२ टि-२० विश्वकप, अस्ट्रेलिया

२०२३ एकदिवसीय विश्वकप, भारत

महिला टि-२० विश्वकप प्रतियोगिता भने अब न्युजिल्यान्डमा २०२२ मा हुने भएको छ।

धेरैले पढेको :- 

‘कोहली भएको भए सबैले चर्चा गर्थे तर उनि बाबर आजम हुन्, सब चुप छन्’ – नासिर हुसेन