टि-२० बिश्वकप छनौट खेल्ने प्रारम्भिक नेपाली टिमको घोषणा



  • विकेटनेपाल, कार्तिक १०- शुक्रबार 

थाईल्याण्डमा नोभेम्बर १८ ( मङ्सिर २ ) देखि संचालन हुने आईसीसी महिला टि-२० बिश्वकप ( एसिया रिजन ) प्रतियोगिताको लागि प्रारम्भिक नेपाली टिमको घोषणा गरिएको छ।

गत १ बर्षको प्रदर्शनको आधारमा छनौट गरिएको ४४ जना खेलाडीहरुबाट कार्तिक ७ देखि १० गते सम्म त्रिभुवन बिश्वबिद्यालय मैदानमा खेलाईएको अभ्यास खेलको आधारमा प्रारम्भिक २२ सदस्यीय टिमको छनौट गरिएको हो । ४४ जनालाई ४ टिममा बिभाजन गरि अभ्यास खेलहरु खेलाईएको थियो ।

नेपाली टिम :- 

रुबिना क्षेत्री ( कप्तान ) , सिता राना मगर, ज्योति पाण्डे, सरिता मगर, नेरी थापा, रोमा थापा, इन्दु बर्मा, करुणा भण्डारी, सोनु खड्का, सोभा आले, नितु भण्डारी, अलिश क्षेत्री, कविता कुँवर, बिनु बुढामगर, सरस्वति चौधरी, लक्ष्मी चौधरी, ऋतु कनौजिया, संगीता राई, अन्जली चन्द, काजोल श्रेष्ठ, रेखा रावल, सबनम राई

प्रारम्भिक टिममा गत बर्ष एसीसी टि-२० प्रतियोगिता खेलेका अधिकांश अनुहार छन् । महिला टिमकि पुर्वकप्तान समेत रहेकी निरा राजोपाध्याय, रोशनी बोहरा, रश्मि शर्मा यो पालि अन्तिम २२ मा अटाएका छैनन् ।

गत थाईल्याण्डमा सम्पन्न एसीसी टि-२० मा पनि नेपाल जित बिहिन हुँदा अत्यन्त खराब प्रदर्शन गरेको थियो ।

नेपाली टिमको छनौट महिला टिमका प्रशिक्षक सामसन जंग थापा, कप्तान रुबिना क्षेत्री, पुरुष रास्ट्रिय टिमका प्रशिक्षक जगत टमाटा र आईसीसी प्रतिनिधि अमिनुल इस्लामले गरेका हुन् । छनौट भएका २२ जनाबाट करिब २ साता प्रशिक्षण पछि १४ सदस्यीय टोलिको घोषणा गरिनेछ।

नेपाल सहित आयोजक थाईल्याण्ड, हंगकंग, चिन र युएईले प्रतिस्पर्धा गर्ने प्रतियोगिता राउण्डरोबिन फर्म्याटमा खेलाईनेछ । प्रतियोगिताको बिजेता टिम नेदरल्याण्डमा २०१८ मा आयोजना हुने टि-२० बिश्वकप छनौट खेल्न पाउनेछ ।

नेपाली महिला टिमले अन्तिम पटक १ बर्ष अघि हंगकंगमा सम्पन्न महिला बिस्व कप छनौट ( एसिया ) प्रतियोगितामा दोश्रो स्थान हात पारेपछि बिश्वकप छनौट प्रतियोगितामा छनौट हुन असफल भएको थियो । त्यसलगत्तै थाईल्याण्डमा सम्पन्न एसीसी टि-२० मा पनि नेपाल जित बिहिन हुँदा अत्यन्त खराब प्रदर्शन गरेको थियो ।

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]