टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा



क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने दिशामा अघि बढेको छ।

२०२१ टि-ट्वान्टी विश्वकप भारतमा अक्टोबरमा आयोजना हुँदैछ जसमा १६ वटा टिमहरु सहभागी हुँदैछन्। ईएसपीएनक्रिक्इन्फोका अनुसार प्रतियोगिताको सन् २०२४ को संस्करणमा टिम संख्या १६ बाट बढाएर २० पुर्याइने दिशामा क्रिकेटको सर्वोच्च संस्था अघि बढेको छ। उक्त सोचका अनुसार प्रतियोगितामा सहभागी २० वटा टिमलाई एउटा समुहमा पाँचवटा टिम रहने गरि ४ वटा समुह बनाएर सुरुवाती चरण खेलाइनेछ।

आईसीसीले टि-ट्वान्टी फर्म्याटलाई क्रिकेट खेललाई विश्वव्यापी बनाउने माध्यमको रुपमा प्रयोग गर्ने सोच अनुरुप यस अघि पनि छलफल गर्दै आएको हो। आईसीसीले महिला प्रतियोगिताहरुमा टिम संख्या बढाउने यस अघि घोषणानै गरिसकेको छ।

तर पछिल्लो समय आईसीसी अन्य फर्म्याटमा पनि टिम संख्या बढाउन सकरात्मक हुँदै आएको छ। ५० ओभरको विश्वकपमा समेत आईसीसी १० बाट १४ वटा टिम बनाउन सकारात्मक देखिएको छ। यस्तै ओलम्पिकमा क्रिकेट संलग्न गराउन, इन्टरकन्टिनेन्टल कप फरक नाममा पुनः संचालन गर्न आईसीसीले पहल थालेको छ।

५० ओभर विश्वकपमा टिम संख्या बढाउन सकरात्मक देखिंदा आईसीसीको सोचमा परिवर्तन स्पस्ट देख्न सकिन्छ। पछिल्लो केहि वर्ष आईसीसीले ५० ओभर विश्वकपमा टिम संख्या सन् २००७ मा १६ वटा बाट सन् २०११ २०१५ मा १४ वटा हुँदै पछिल्लो विश्वकप २०१९ मा १० वटा पुर्याएको थियो। कमजोर टिम हुँदा एकपक्षिय खेल धेरै भएको ब्रोडकाष्टरले गुनासो गरेपछि त्यसलाई कम गर्न टिम संख्या घटाउने निर्णय गरिएको आईसीसीले बताएको थियो।

सन् २०१७ मा आईसीसीको ‘बिग थ्री’ राष्ट्रको शक्ति कटौती पछि त्यसले अन्य देशको विकासलाई सन्तुलित बनाउन भूमिका खेलेको छ। छोटो ब्रोडकाष्ट सम्झौता भन्दा खेलको दीर्घकालीन विकासलाई ध्यान दिनु जरुरि हुन्छ।

यस्ता विषयहरुमा आईसीसीको चिफ एक्जुकेटिभ कमिटिको पछिल्लो बैठकमा छलफल भएका थिए तर ठोस निर्णयहरु भने लिईएको छैन।

आईसीसीको टेस्ट मान्यता नपाएका एसोसिएट राष्ट्रहरु बीच बिगतमा खेलिने लामो फर्म्याटको ४-दिवसीय इन्टर कन्टिनेन्टल कपले गैर टेस्ट राष्ट्रहरुलाई प्रथम श्रेणी क्रिकेटको राम्रो स्तर प्रदान गरेको थियो। अब फरक नाममा इन्टर कन्टिनेन्टल कप पुनः सुचारु हुने कुरा भने पक्का जस्तो भएको छ। सन् २०१५-१७ पछि इन्टरकन्टिनेन्टल कप आयोजना भएको छैन।

नेपाल जस्ता एकदिवसीय राष्ट्रको मान्यता पाएका तथा विश्वकप लिग-२ मा खेलीरहेका राष्ट्रहरुलाई टेस्ट राष्ट्र बन्ने लक्ष्य भेटाउन लामो फर्म्याटको आईसीसीको प्रतियोगिताले महत्वपूर्ण भूमिका खेल्न्छ। नेपालले सन् २००५ मा मात्र एक पटक इन्टरकन्टिनेन्टल कप खेलेको थियो जसपछि छनोट हुन असफल रहँदै आएको थियो।

यो पनि पढ्नुस 

कुशल भएनन् आईसीसी प्लेयर अफ द मन्थ

पाकिस्तानको सिरिज जितमा बाबरको किर्तिमान

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]