T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,



नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह चरणमा श्रीलंकाले सबै तिन खेलमा जित दर्ता गर्यो भने नेदरल्याण्ड तिन वटै खेलमा पराजित हुँदै पहिलो चरणबाट बाहिरियो। समुह ‘ए’ को उपविजेताको रुपमा नामिबिया सुपर-१२ प्रवेश गर्यो भने आयरल्याण्ड पहिलो चरणबाट बाहिरियो।

सुपर-१२ चरणमा श्रीलंका समुह ‘१’ मा रहेको छ जुन समुहमा अस्ट्रेलिया, बंगलादेश, इंग्ल्यान्ड,  दक्षिण अफ्रीका र वेस्टइन्डिज रहेका छन्। नामिबिया समुह ‘२’ मा अफगानिस्तान, भारत, न्युजिल्यान्ड, पाकिस्तान र स्कटल्याण्डसंगै रहेको छ। दुवै समुहमा रहेका टिमहरुले एक-अर्कासंग एक/एक खेल खेलेपछि समुहको उत्कृस्ट दुई टिम सेमीफाइनल प्रवेश गर्नेछ। समुह ‘बि’ बाट स्कटल्याण्ड र बंगलादेश सुपर-१२ चरण प्रवेश गरिसकेका छन्।

युएईको शारजाह स्टेडियममा नेदरल्याण्डले दिएको ४५ रनको झिनो लक्ष्य श्रीलंकाले मात्र २ विकेट गुमाएर ७.१ ओभरमै पुरा गर्यो। ओपनर कुशल परेराले अविजित ३३ रन बनाए जुन क्रममा २४ बलमा ६ चौका प्रहार गरे।  ७७ बल बाँकी रहँदै श्रीलंकाको जित बल बाँकी रहेको आधारमा टि-२० विश्वकप इतिहासकै दोश्रो ठूलो जित हो। २०१४ मा श्रीलंकाले नेदरल्याण्डले दिएको ४० रनको लक्ष्य ९० बल बाँकी रहँदै भेटाएको थियो जुन सर्वाधिक ठूलो जित हो।

टस हारेर ब्याटिंग गरेको नेदरल्याण्डले १० ओभरमा सबै विकेट गुमाएर ४४ रन मात्र बनाएको थियो। यो योगफल टि-ट्वान्टी विश्वकप इतिहासकै दोश्रो कम योगफल हो। नेदरल्याण्ड बाहेक अन्य टिम टि-२० विश्वकपमा ५० भन्दा मुनि समेटिएको छैन। यस अघि सन् २०१४ टि-२० विश्वकपमा नेदरल्याण्ड श्रीलंकासंगनै १०.३ ओभरमा ३९ रनमा समेटिएको थियो जुन खेल श्रीलंकाले ५ ओभरमा ९ विकेटले जितेको थियो।

कोलिन एंकरम्यानको ११ रन बाहेक अन्य डच ब्याट्सम्यानले दोहोरो अंकमा रन बनाउन सकेनन्।श्रीलंकाको बलिंगमा लाहिरु कुमारा ( ३-१-७-३ ) र वानिन्दु हसंरंगा ( ३-०-९-३ ) ले समान ३ विकेट , महेश तिक्षणाले २ विकेट ( १-०-३-२ ) तथा दुश्मन्था चमिराले १ विकेट ( २-०-१३-१ ) लिए।

सुपर-१२ चरणमा श्रीलंकाले अक्टोबर २४ तारिखमा बंगलादेशसंग प्रतिस्पर्धा गर्नेछ भने अक्टोबर २८मा अस्ट्रेलियासंग, अक्टोबर ३० मा दक्षिण अफ्रीकासंग, नोभेम्बर १ मा इंग्ल्यान्डसंग तथा नोभेम्बर ४ मा वेस्टइन्डिजसंग प्रतिस्पर्धा गर्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]