राजु रिजालको उत्कृस्ट इनिंगमा आर्मीद्वारा प्रदेश-२ लाई २७९ रनको लक्ष्य

Raju Rijal


प्रधानमन्त्री कप एकदिवसीय प्रतियोगिता काठमाडौँमा सुरु भएको छ। प्रतियोगिताको पहिलो खेलमा विभागीय टोलि त्रिभुवन आर्मी क्लब र प्रदेश-२ प्रतिस्पर्धा गरिरहेका छन्।

टियु मैदानमा जारि खेलमा टस जितेर प्रदेश-२ ले फिल्डिंग रोजेपछि ब्याटिंग गरेको आर्मीले निर्धारित ५० ओभरमा ९ विकेट गुमाएर २७८ रनको योगफल तयार गरेको छ।

आर्मीको लागि ओपनिंग ब्याटिंग गरेका राजु रिजालले सर्वाधिक ९० रन बनाए। उनले १०९ बलमा ५ चौका र २ छक्का प्रहार गरे। यस्तै अर्का ओपनर बिनोद भण्डारीले ६६ रन ( ६१ बलमा ९ चौका ) प्रहार गरे। छैठौं नम्बरमा ब्याटिंग गरेका रोहित पौडेलले ४७, हरि बहादुर चौहानले २६ रन बनाए।

पहिलो विकेटको लागि राजु र बिनोदले २१ ओभरमा १२१ रनको साझेदारी गरेका थिए।

Binod Bhandari
Binod Bhandari ( File Photo )

प्रदेश -२ को लागि हरिशंकर शाहले सर्वाधिक ३ विकेट ( १०-१-५५-३ ) लिए। यस्तै राशिद खान ( ८-०-५८-१ ) , बिबेक यादब ( ७-०-३१-१ ) , संसाद शेख ( ८-०-४०-१ ) , बिशाल सुशलिंग ( ५-०-२४-१ ) ले १/१ विकेट लिए। स्कोरकार्ड 

प्रधानमन्त्री कपमा ७ प्रदेश र ३ विभागीय टिमहरु १० टिम सहभागी छन्। १० टिमलाई २ समुहमा बिभाजन गरिएको छ। समुह चरणमा दुवै समुहमा रहेका टिमहरुले एक-अर्कासंग १-१ खेल खेलेपछि दुवै समुहबाट उत्कृस्ट हुने २ टिम सेमीफाइनल प्रवेश गर्नेछन्।

समुह ‘ए’ अन्तर्गत रहेको छ जुन समुहमा प्रदेश-३, प्रदेश-५ , सुदुरपश्चिम प्रदेश, गण्डकी प्रदेश र शशस्त्र प्रहरी बल रहेका छन्। समुह ‘बि’ मा प्रदेश-१ , प्रदेश-२ , कर्णाली प्रदेश, त्रिभुवन आर्मी क्लब र नेपाल पुलिस क्लब रहेका छन्।

प्रतियोगिताको विजेताले नगद २० लाख, उपविजेताले १० लाख हात पार्नेछन् भने सर्वोत्कृष्ट खेलाडीले एक थान मोटरसाइकल प्राप्त गर्नेछन् । त्यस्तै उत्कृष्ट ब्याट्सम्यान र बलरले जनही नगद ५० हजार प्राप्त गर्नेछन् । यस्तै प्रतियोगितामा खेल हेर्न पुग्ने दर्शकले छक्का हानेको बल १ हातले समाते ५० हजार रुपैयाँ पुरस्कार दिने समेत आयोजकले घोषणा गरिसकेको छ।

( फिचर फोटो – राजु रिजाल , फाइल )





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]