ट्यालेन्ट हन्टबाट प्याट्रियट्सले चुन्यो यी ४ खेलाडी



  • विकेटनेपाल, १९ मङ्सिर – मंगलबार

एभरेस्ट प्रिमियर लिग टिम ललितपुर प्याट्रियट्सले ट्यालेन्ट हन्ट मार्फत ४ खेलाडीलाई आफ्नो टिममा छनौट गरेको छ।

प्याट्रियट्सले कार्तिक २४ देखि २८ गते सम्म चलेको चलेको ट्यालेन्ट हन्टबाट सहभागी कुल १०५ जना खेलाडीबाट उत्कृस्ट ३१ हुँदै अन्तिममा ४ जना खेलाडी छनौट गरेको हो।

ज्ञानेन्द्र मल्ल मार्की प्लेयर रहेको टिमले छनौट गरेको ४ जना खेलाडीहरुमा प्रतिश जीसि, सुमित झा, बिपिन आचार्य, रित गौतम रहेका छन्।प्रतिश लेफ्ट आर्म मिडियम पेसर, सुमित पेस बलिंग अलराउण्डर, बिपिन स्पिनर हुन् भने रित दायाँ हाते विकेटकिपर ब्याट्सम्यान हुन्।

एभरेस्ट प्रिमियर लिगले टिममा १ जना खेलाडी ट्यालेन्ट हन्टबाट छनौट गर्नेपर्ने नियम राखेको थियो जसअनुरुप ४ जनालाई टिमको बन्दसत्रमा राखेपछि उत्कृस्ट १ खेलाडीलाई टिममा समावेश गरिनेछ। बन्दसत्रमा रहंदा सबै खेलाडीले जनही २५ हजार रुपैयाँ पारिश्रमिक पाउने समेत आयोजकले बताएका छन्।

ईपीएलका सबै टिमले अक्सनबाट १० जना खेलाडी खरिद गरिसकेका छन् भने ३ जना बिदेशीखेलाडीहरु टिममा अनिवार्य समावेश गर्नुपर्नेछ। बिदेशी खेलाडीहरुको घोषणा भने कुनै पनि टिमहरुले हालसम्म गरेका छैनन्।

पुष ३ गते सुरु हुने प्रतियोगिताको लागि ललितपुरले मङ्सिर २६ गते देखि तयारी थाल्नेछ। टिमको प्रशिक्षण राजु बस्नेतले गर्नेछन्।

ललितपुर प्याट्रिएट्सले मार्की खेलाडी ज्ञानेन्द्र मल्ल बाहेक मेहबुब आलम, सन्दिप लामिछाने, कुशल भुर्तेल जस्ता खेलाडीहरुलाई अक्सनमार्फत खरिद गरेको थियो। अक्सनमा शंकर राना, ललित राजबंशी, राजबिर सिंह, पवन सर्राफ, सोनु तामांग, रसिद खान र सन्दिप जोरा गरि १० जना खेलाडी टिमले खरिद गरिसकेको छ। सन्दिपलाई १ लाख ७५ हजार, आलमलाई १ लाख ५० हजार तथा भुर्तेल र सर्राफलाई १ लाख २५ हजार रुपैयाँमा किनेको थियो।

ईपीएलमा काठमाडौँ किंग्स ११ , ललितपुर प्याट्रियट्स, बिराटनगर वारियर्स, भैरहवा ग्ल्याडीयटर्स, पोखरा राइनोज र चितवन टाइगर्स गरी प्रतियोगितामा ६ वटा टिम रहेका छन्।

काठमाडौँ किंग्स ११ को मार्की खेलाडी सोमपाल कामि, ललितपुर प्याट्रियट्सको मार्की ज्ञानेन्द्र मल्ल, बिराटनगर वारियर्सको मार्की पारस खड्का, भैरहवा ग्ल्याडीयटर्सको मार्की शरद भेसावकर, पोखरा राइनोजको मार्की शक्ति गौचन तथा चितवन टाइगर्सको मार्की दिपेन्द्र ऐरी रहनेछन् ।





थप समाचार

WTC FINAL : अम्पायर रिभ्युमा अल्ट्रा एज हेरिएपछिको अन्योल, जान्नुस के भएको थियो

भारत र न्युजिल्यान्ड बीच वर्ल्ड टेस्ट च्याम्पियनसिपको फाइनल अन्तर्गत शनिवार दोश्रो दिन अन-फिल्ड अम्पायर रिचर्ड इलिंगवर्थले बिराट कोहली विकेटको पछाडी […]

न्युजिल्यान्डले स्पिनर नखेलाउदा वार्न निराश, वार्नलाई सलमान बटको प्रश्न

अस्ट्रेलियन महान क्रिकेटर शेन वार्नले वर्ल्ड टेस्ट च्याम्पियनसिप फाइनलमा न्युजिल्यान्डले स्पिनरलाई मौका नदिएकोमा आलोचना गरेका छन्। भारत र न्युजिल्यान्ड बीचको […]

नयाँ कीर्तिमान बनाउदै विश्वकै एक मात्र खेलाडी बने कोहली

आईसीसी वर्ल्ड टेस्ट च्याम्पियनसिपको फाइनलमा न्युजिल्यान्ड बिरुद्ध कप्तानी गरिरहेका भारतीय खेलाडी बिराट कोहलीले ठूलो कीर्तिमान आफ्नो नाम गरेका छन्। कोहली […]

वेस्टइन्डिजको ब्याटिंग समस्या निरन्तर, लगातार शतक बनाउन चुके डीकक

कमजोर ब्याटिंगका कारण पहिलो टेस्ट इनिंग्स अन्तरले हारेको वेस्टइन्डिजले दोश्रो टेस्टमा पनि उही समस्या दोहोर्याएको छ। दक्षिण अफ्रीका बिरुद्ध घरेलु […]

रानाको जुझारु इनिंग्स, भारत टेस्ट जोगाउन सफल

कमजोर ब्याटिंग गरेपछि फलो अन जोगाउन नसकेको भारतले दोश्रो इनिंग्समा उत्कृस्ट पुनरागमन गर्दै इंग्ल्यान्ड बिरुद्धको एक मात्र टेस्ट बराबरी गर्न […]

WTC FINAL : लगातार विकेट पछि भारत सम्हालियो, अर्धशतक नजिक कोहली

भारत र न्युजिल्यान्ड बीच इंग्ल्यान्डको साउथह्याम्पटनमा जारि आईसीसी वर्ल्ड टेस्ट च्याम्पियनसिपको फाइनल खेलको दोश्रो दिनको खेल समाप्त भएको छ। पहिलो […]