पहिलो एकदिवसीयमा बंगलादेशसँग हार्यो वेस्ट इन्डिज, तामिमको शतक



  • विकेटनेपाल, श्रावण ७ – सोमबार

तामिम इकबालले अविजित १३० रनको पारि खेलेपछि गएराती भएको बंगलादेश र वेस्ट इन्डिज बिचको पहिलो एकदिवसीय खेलमा बंगलादेशले ४८ रनको जित हात पारेको छ।

टस जितेर पहिले ब्याटिंग गरेको बंगलादेशले निर्धारित ५० ओभरमा ४ विकेट गुमाएर २७५ रनको योगफल तयार पारेको थियो। १६० बलको सामना गर्दै १० चौका र ३ छक्का प्रहार गरेका म्यान अफ द म्याच समेत घोषित तामिमले दोश्रो विकेटका लागि साकिब अल हसनसँग २०७ रनको साझेदारी गरे। पहिलो विकेट १ रनमा गुमाएका उसका लागि साकिबले ९७ रन बनाउनेक्रममा १२१ बलमा ६ चौका प्रहार गरे।

कुनै समय सामान्य स्कोर तर्फ अग्रसर बंगलादेशलाई अन्त्यतिर मुस्फिकर रहिमले आक्रामक ३० रनको पारि खेल्न मात्र ११ बलको सामना गर्दै ३ चौका र २ छक्का प्रहार गरे। वेस्ट इन्डिजका देवेन्द्र बिशूले २ विकेट लिए।

घरेलु मैदान गुयानामा लक्ष्य पछ्याएको वेस्ट इन्डिजले ५० ओभरमा ९ विकेट गुमाएर २३१ रनमात्र बनाउन सक्यो। उसका लागि सिम्रोन हेट्मेरले ५२ रन तथा क्रिस गेलले ४० रनको पारि खेलेपनि स्लो पिचमा बंगलादेशका कप्तान मोश्राफे मोर्ताजाले ४ विकेट लिन १० ओभरमा मात्र ३७ रन खर्चिएपछी वेस्ट इन्डिजको चेज धरासायी बनेको थियो। मुस्ताफिजुर रहमानले २ विकेट लिए।

जारि ३ खेलको शृंखला अन्तर्गत बंगलादेशले १-० ले अग्रता लिएको छ। दोश्रो खेल बिहिबार र तेस्रो खेल शनिबार हुनेछन्। त्यसपछि ३ टि २० खेलको सिरिज हुनेछ भने २ खेलको टेस्ट सिरिज घरेलु टिमले २-० ले आफ्नो पक्षमा पारिसकेको छ।





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]