न्युजिल्यान्डको रोमान्चक जितमा टेलर र स्यांटनर नायक



  • विकेटनेपाल – १२ फाल्गुन, आइतवार

न्युजील्याण्ड र इंग्ल्याण्ड बीच आइतवारबाट सुरुभएको एक दिवसीय क्रिकेट शृंखलाको पहिलो खेलमा न्युजील्याण्डले ३ विकेटको रोमान्चक जित हात पारेको छ। घरेलु टोलिलाई जित दिलाउन रस टेलरले उत्कृस्ट ब्याटिंग गर्दै शतक बनाए।

पहिले ब्याटिंग गर्दै इंग्ल्याण्डले दिएको २८५ रनको लक्ष्यको पिछा गर्न मैदान उत्रिएको न्युजील्याण्डले खराव सुरुवात गर्यो। मात्र २७ रन जोड्न पहिलो ३ विकेट गुमाएको किवी टोलिलाई सम्हाल्न रस टेलर र टम ल्याथमले चौथो विकेटका लागि १७८ रनको बिशाल साझेदारी गरे। ८४ बल खेल्दै ६ चौका सहित ल्याथमले ७९ रन जोड्दा एक दिवसीय क्रिकेटमा पुनरागमन गरिरहेका बेन स्टोक्सको शिकार बने।

Tom Latham

रस टेलरको शतक

२८५ रनको चेजमा खराव सुरुवात गरेको घरेलु टोलि न्युजील्याण्डको इनिंगलाई उकास्ने क्रममा रस टेलरले शतक बनाए। एक दिवसीय क्यारियरको १८ औं शतक जोड्ने क्रममा टेलरले ११६ बलमा ११३ रनको म्याच जिताउ पारि खेले। उनको इनिंगमा १२ चौका सामेल थियो।

यससंगै टेलर एक दिवसीय क्रिकेटमा न्युजील्याण्डका लागि ७ हजार रन बनाउने तेस्रो ब्याट्सम्यान समेत बनेका छन्। टेलरको नाममा एक दिवसीय क्रिकेटमा ७,०७६ रन रहेको छ। यसअघि स्टेफिन फ्लेमिन्ग (८,००७) र एनजे एस्टले (७,०९०) ले मात्र एक दिवसीय क्रिकेटमा न्युजिल्याण्डका लागि ७ हजार रन बनाएका थिए।

इंग्ल्याण्डको बलिंगमा क्रिस वोक्स र बेन स्टोक्सले समान २-२ विकेट लिएपनि त्यो जितका लागि पर्याप्त भएन।

Ben Stokes

यसअघि पहिले ब्याटिंग गरेको इंग्ल्याण्डले निर्धारित ५० ओभरमा ८ विकेट गुमाएर २८४ रनको योगफल तयार गरेको थियो। उसको इनिंगमा जस् बट्लरले सर्वाधिक ७९ तथा जो रुटले ७१ रनको व्यक्तिगत योगदान गरेका थिए। मात्र ६५ बल खेलेका बट्लरले ५ चौका र समान छक्का सहित ७९ रन जोड्न भ्याए। यस्तै रुटले भने ७५ बल खेल्दा ५ चौका र १ छक्का प्रहार गरेका थिए।

घरेलु टोलिको बलिंगमा ट्रेन्ट बोल्ट, मिचल स्यांटनर र इश सोढ़ीले समान २-२ विकेट लिएका थिए। दुई टोलि बिचको दोस्रो एक दिवसीय खेल आगामी बुधवार हुँदै छ।

( फोटो – आईसीसी )





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]