आजकै दिन नेपालले टि-२० विश्वकपमा अफगानिस्तानलाई पराजित गरेको थियो



आजकै दिन ७ वर्ष अघि अर्थात् मार्च २० तारिख २०१४ को दिन नेपालले टि-२० विश्वकप २०१४ मा अफगानिस्तानलाई ९ रनले पराजित गरेको थियो।

जहुर एहमद चौधरी स्टेडियम, चट्टोग्राममा टस हारेर ब्याटिंग गर्दै नेपालले २० ओभरमा ५ विकेट गुमाएर १४१ रन बनाएको थियो।

नेपालको लागि ओपनर सुबास खकुरेलले सर्वाधिक ५६ रन ( ५३ बलमा ६ चौका र १ छक्का ) बनाएका थिए। यस्तै शरद भेसावकरले ३७ रन तथा ज्ञानेन्द्र मल्लले २२ रनको योगदान दिएका थिए। ओपनर सागर पुन ८ रन बनाएर आउट भए पछि सुबासले ज्ञानेन्द्र मल्लसंग दोश्रो विकेटको लागि ३२ रन जोडेका थिए। तर आठौँ ओभरमा ज्ञानेन्द्र तथा नवौं ओभरमा पारस खड्का मात्र १ रन बनाएर आउट हुँदा नेपाल ५३/३ को कमजोर अवस्थामा पुगेको थियो।

खकुरेलले त्यसपछि शरद भेसावकरसंग चौथो विकेटको लागि ७६ रनको महत्वपूर्ण साझेदारी गर्दै टिमलाई प्रतिस्पर्धात्मक योगफलतर्फ डोर्याएका थिए। सुबास र शरद दुवै १९ औं ओभरमा आउट भए। बिनोद भण्डारीले अविजित ४ तथा नरेश बुढायरले अविजित २ रन बनाएका थिए।

सुबास खकुरेलले अर्धशतक बनाएका थिए

अफगानिस्तानको बलिंगमा शापुर जद्रानले २ तथा दौलत जद्रान, मिरवैस अशरफ र मोहम्मद नाबीले समान १ विकेट लिएका थिए।

लक्ष्य पछ्याउने क्रममा अफगानिस्तानले २० ओभरमा ८ विकेट गुमाएर १३२ रन मात्र बनाउन सकेको थियो। उसको लागि अस्घर अफ्घानले सर्वाधिक ४९ रन तथा शफीकुल्लाह शफिकले ३६ रन योगदान दिए।

अफगानिस्तानलाई सुरुवात देखि दबाबमा राख्ने क्रममा नेपालले पहिलो ५ विकेट ५० रनको योगफलमै लिईसकेको थियो। त्यसपछि सातौँ नम्बरमा ब्याटिंग गरेका अस्घरले एक किनार सम्हाल्दै टिमलाई जित दिलाउने प्रयास गरेका थिए तर अन्तिम ओभरहरुमा जितेन्द्र मुखियाले उत्कृस्ट डेथ ओभर बलिंग प्रस्तुत गर्दै त्यसलाई रोकेका थिए। फलस्वरुप ९ रनले नेपाल जित हात पार्न सफल रह्यो।

नेपालको बलिंगमा प्लेयर अफ द म्याच चुनिएका जितेन्द्र मुखियाले सर्वाधिक ३ विकेट लिने क्रममा ४ ओभरमा मात्र १८ रन खर्चेका थिए। सोमपाल कामि र शक्ति गौचनले २/२ विकेट तथा बसन्त रेग्मीले १ विकेट लिएका थिए।

जितेन्द्रले इनिंग्सको १७ औं र १९ औं ओभर बलिंग गर्ने क्रममा मात्र ७ रन र ६ रन मात्र खर्चदै जितमा महत्वपूर्ण योगदान दिएका थिए। त्यस अघि उनले स्पेलको पहिलो २ ओभरमा मात्र ५ रन खर्चेर २ विकेट लिएका थिए। इनिंग्सको पाँचौ ओभरमा व्यक्तिगत दोश्रो ओभर गर्दा दायाँ हाते बलरले मोहम्मद शाहजाद र नजिबुल्लाह जद्रानको महत्वपूर्ण विकेट लिएका थिए।

नेट रन रेटले दोश्रो चरण पुग्न असफल 

उक्त विश्वकपको पहिलो खेलमा नेपालले हंगकंगलाई ८० रनले पराजित गरेको थियो भने दोश्रो खेलमा बंगलादेशसंग ८ विकेटको हार बेहोरेको थियो। तेश्रो खेलमा अफगानिस्तानसंग जितका बाबजुद नेपाल विश्वकपको दोश्रो चरण भने पुग्न असफल रहेको थियो।

३ खेलमा समान २ जित र १ हार बेहोरेता पनि बंगलादेश नेट रन रेटमा अघि रहँदै अघिल्लो चरण पुगेको थियो। बंगलादेशको नेट रन रेट १.४६६ रहेको थियो भने नेपालले ०.९३३ रहेको थियो।

नेपालले अफगानिस्तानलाई पराजित गरेपछि हंगकंगले सोहि दिन बंगलादेशलाई पराजित गरेको थियो। बंगलादेश र हंगकंगको खेलमा बंगलादेशले दिएको १०९ रनको लक्ष्य हंगकंगले १३.१ ओभरमा भेट्न सकेको भए नेपालले नेर रन रेटमा बंगलादेशलाई पछि पार्ने समीकरण रहेको थियो। तर हंगकंगले उक्त खेल १९.४ ओभरमा ८ विकेट गुमाएर जितेको थियो।

सम्बन्धित 

कहाँ छन् नेपालबाट १९९६ मा पहिलो अन्तर्राष्ट्रिय प्रतियोगिता खेल्ने १४ क्रिकेटर

‘सर’ डन ब्राडम्यानले बनाएका ११ रेकर्ड जुन अझै टुट्न मुस्किल छ

सूर्यकुमार यादवको विवादास्पद क्याच आउट निर्णय पछि ‘सफ्ट सिग्नल’ माथि प्रश्नचिन्ह





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]