निकै नै रोमान्चक जित निकाल्दै टिम चौराहा धनगढी फाइनलमा



  • विकेटनेपाल – २७ चैत्र, मंगलवार

सोमपाल कामीको नेतृत्वमा रहेको टोलि टिम चौराहा धनगढी दोस्रो संस्करणको धनगढी प्रिमियर लिग (डिपिएल) को फाइनल प्रवेश गरेको छ । मंगलवार सम्पन्न पहिलो क्वालिफायरमा धनगढीले रोमान्चक खेलमा काठमाडौं गोल्डेन्सलाई १ बल बाँकी छदाँ १ विकेटले पराजित गर्यो ।

योसंगै टिम चौराहा धनगढी डिपिएल-२ को फाइनल प्रवेश गर्ने पहिलो टोलि बनेको छ । पराजित बनेको काठमाडौं गोल्डेन्सले भने फाइनल प्रवेशका लागि महेन्द्रनगर युनाइटेड र सिवाइसी अत्तरियाको बिजेतासंग खेल्ने छ ।

जितपछि खुशी मनाउंदै टिम चौराहा धनगढीका खेलाडीहरु

पहिले ब्याटिंग गर्दै काठमाडौंले दिएको १२८ रनको सामन्य लक्ष्यको पिछा गर्न उत्रिएको टिम चौराहाले खराब सुरुवात गर्यो । प्रतियोगितामा सफल रहन नसकेका युएईका ब्याट्सम्यान अस्फाक अहमद मात्र १ रन बनाउंदै पभेलियन फर्किए । उनि सुबोथ भाटीको बलमा किशोर महतोको हातबाट समातिन पुगे । धनगढीले आफ्नो दोस्रो विकेटका रुपमा महत्वपूर्ण खेलाडी सुनिल धमालालाई पनि सस्तैमा गुमाउन पुग्यो । धमला १३ रनको निजि स्कोरमा आउट भए । तेस्रो नम्बरमा ब्याटिंग गर्न आएका रोहन मुस्तफाले ३३ तथा म्यान अफ दि म्याच बनेका शंकर रानाले २८ रन जोड्न बाहेक चौराहाका अन्य ब्याट्सम्यान चल्न सकेनन् । मुस्तफाले २० बलमा २ चौका र १ छक्का सहित ३३ रन जोडे भने शंकर रानाले इनिंग सम्हाल्दै २८ रन जोडे ।

चौराहालाई खेलमा जित दर्ता गर्न अन्तिम ओभरमा १० रनको जरुरत थियो र क्रिजमा थिए शंकर राना र योगेन्द्र सिंह कार्की । काठमाडौंको लागि अन्तिम ओभर गर्ने जिम्मा युवा बलर राशिद खानले पाए ।

यस्तो थियो अन्तिम ओभर :

२० औं ओभरको पहिलो बलमा रशिद खान आफ्नो दिशाबाट चुक्न पुगे र वाइड बल्न गर्न पुगे तर त्यस कमजोरीको फाइदा उठाउंदै शंकर राना र योगेन्द्र सिंह कार्कीले २ रन जोड्दै पहिलो बलमा ३ रन थपे। अर्को बलमा शंकर रानाले १ रन निकाल्दै योगेन्द्रलाई स्ट्राइक दिए । अब चौराहालाई जितका लागि ५ बलमा ६ रनको आवश्यकता थियो ।ओभरको दोस्रो बलमा योगन्द्र सिंह कार्कीले रन जोड्न विफल रहे ।

चौराहालाई फाइनलमा स्थान बनाउन ४ बलमा ६ रनको जरुरत थियो । ओभरको तेस्रो बलमा रन जोड्ने चक्करमा शंकर राना रन आउट हुनपुगे । चौराहाले चौथो बलमा अर्को विकेट गुमायो । यसपटक योगेन्द्र कार्की ठुलो सट खेल्ने प्रयासमा आउट भए । अब चौराहालाई जित दर्ता गर्न २ बलमा ६ रनको जरुरत थियो । क्रिजमा रहेका अन्तिम जोडे ललित भण्डारी र संसाद शेखमाथि जित दिलाउने चुनौती रहेको थियो । ओभरको पाँचौं बलमा संसादले राशिद खानको बललाई छक्का प्राहार गर्दै धनगढीलाई फाइनलको टिकट दिलाए ।

म्यान अफ दि म्याच : शंकर राना

काठमाडौं को बलिंगमा सन्नी पटेल, राशिद खान र साहब आलमले समान २-२ विकेट लिएपनि जित दिलाउन विफल रहे । शंकर राना खेलको म्यान अफ दि म्याच घोषित भए ।

यसअघि पहिलो इनिंगमा काठमाडौँ गोल्ड़ेंसले ९ विकेट गुमाउदै १२७ रन बनाएको थियो। टस जित्दै टिम चौराहाका कप्तान सोमपाल कामीले काठमाडौँ गोल्ड़ेंसलाई ब्याटिंग गर्न निमन्त्रण गरेका थिए। काठमाडौँको सुरुवात राम्रो हुन सकेको थिएन । प्रारम्भिक ब्याट्सम्यान सुबोथ भाटी खाता नखोली ललित भण्डारीको सिकार हुदै प्याभीलियन फर्किएकाथिए । २७ रनको स्कोरमा काठमाडौँले भुपेन्द्र थापाको रुपमा आफ्नो दोश्रो विकेट गुमाएको थियो। धमलाको बलमा बोल्ड हुनु अघि भूपेन्द्रले १७ बलमा १० रन बनाएका थिए ।

Bhupendra Thapa
भुपेन्द्र थापा

त्यसपछि कप्तान ज्ञानेन्द्र मल्ल र अमित श्रेष्ठले पारीलाई अघि बढाएका थिए । ज्ञानेन्द्र मल्ल आज निकै नै राम्रो लयमा देखिएका थिए । हरेक ओभरको सुरुवातमै प्रहार गर्दा बलरमाथि दबाव बनाउन सकिन्छ भन्ने सिद्धान्तमा देखिएका मल्लले पहिलो या दोश्रो बलमै सफलता पुर्वक चौका, छक्का प्रहार गरेका थिए । उता अमित श्रेष्ठले साझेदारीमा  राम्रो साथ दिइरहे ।

१२.१ ओभरमा जब रोहन मुस्तफाको बलमा ज्ञानेन्द्र मल्ल लेग बिफोर विकेट हुन पुगे, तब काठमाडौँले आफ्नो लय गुमाएको थिय । नरेश बुढाऐर, सन्नी पटेल, रशिद खान र किशोर महतोले खास्सै केही गर्न सकेनन्। फर्ममा रहेका अमित श्रेष्ठ ३६ रनको व्यकतिगत स्कोरमा दुर्भाग्यवस रन आउट हुन पुगे ।  ज्ञानेन्द्र मल्लले भने आकार्शक पारी खेल्ने क्रममा ३ चौका र २ छक्काको मद्दतले २३ बलमा ३८ रन बनाएका थिए ।

टिम चौराहा धनगढीले निकै नै राम्रो बलिंग र फिल्डिंगको प्रदर्शन गरेको थियो । चौराहाका लागि सोमपाल कामी र ललित भण्डारीले २-२ विकेट लिए भने सुनिल धमला, संसद सेख र रोहन मुस्ताफाले १-१ विकेट हात पारेका थिए ।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]